3 Хаан түрэнүүд 1:39 - Библи

³⁹ Цадоок санаартан нангин майханһаа асарһан оливын тоһотой эбэр абажа, Соломоониие хаан болгон тоһоор түрхибэ. Үхэр бүреэгээр үлеэхэдэнь, бүхы арад зон: – Соломоон хаан мандатугай! – гэжэ хашхаралдаба.

3 Хаан түрэнүүд 1:39 ပူးပေါင်းရင်းမြစ်များ

3 Хаан түрэнүүд 1:25

Мүнөө тэрэ ошожо, олон үхэр, тугал, хонёор үргэл хэжэ, танай бүхы хүбүүдые, сэрэгэй жанжинуудые, Абиатаар санаартые уряа. Иигэжэ тэдэ мүнөө найрлажа, «Адонияа хаан мандатугай!» гэжэ хашхаралдан байна.

3 Хаан түрэнүүд 1:34

Цадоок санаартан, Натаан лүндэншэ, таанад Соломоониие оливын тоһоор түрхижэ, Израилиин хаан болгоһон ёһолол хэгты! Үхэр бүреэ үлеэн, «Соломоон хаан мандатугай!» гэжэ хашхаралдагты!

3 Хаан түрэнүүд 1:40

Удаань бүхы зон Соломооной хойноһоо дахан, һөөргэнь үдэшэжэ, лимбээр хүгжэмдэн, газар дэлхэйн доһолтор угаа баярлан хашхаралдан байгаа бэлэй.

3 Хаан түрэнүүд 2:15

– Хан түрэ минии болохо ёһотой гэжэ Израилиин зон һанажа, намайе ерээдүй хаан гээд тоолодог байгаа. Харин ондоогоор хэрэг эрьежэ, минии дүү хүбүүн хаан болобо. Энэ хадаа Эзэн иигэжэ шиидээ!

4 Хаан түрэнүүд 11:12

Ёядаа Ёһаашые газаа гаргаад, хаанай титим үмэдхүүлжэ, хаанай нэрэ түрын тэмдэг барюулжа, оливын тоһо толгойдонь түрхеэд, хаан болоһыень соносхобо. Арад зон альгаа ташажа: «Хаан мандаха болтогой!» – гэжэ хашхаралдабад.

4 Хаан түрэнүүд 11:14

Атаалияа хаашуулай зогсодог баханануудай хажууда ёһо гуримай дагуу зогсоһон хааниие, сэрэгэй дарганарые, эбэр бүреэнүүдые үлеэгшэдые болон хүхилдэн байһан арад зониие хараад, эбэр бүреэнүүдэй хүнхинэн зэдэлхые шагнаад, хубсаһаяа таһар удхар шууламсаараа: – Урбалта! Урбалта! – гэжэ хашхарба.

4 Хаан түрэнүүд 9:1

Мэдээсэгшэ Элишаа лүндэншэдэй зүблэлэй зарим гэшүүдые дуудажа ерүүлээд: – Бэһэеэ бэһэлэ, энэ шэлтэй оливын тоһо аба, тиигээд Рамоот-Галаад яба.

4 Хаан түрэнүүд 9:13

Тэдэнэр бушуу түргөөр өөр өөрынгөө хубсаһа тайлажа, Еһүүгай ябаха хэрэлсын тэбсэгүүд дээрэ дэбдижэ, эбэр бүреэнүүдые үлеэжэ: – Еһүү хаан болобо! – гэжэ хашхаралдаба.

1 Угай бэшэг 29:22

Тэрэ үдэр Эзэнэй урда урма баяртайгаар эдеэлбэ, ундалбад; үглөөдэрынь Давидай хүбүүн Соломоониие хан шэрээдэ залан һуулгабад, Эзэнэй урда тэрэниие зонхилогшоор томилон тоһоор түрхибэ, ахамад санаартанаар Цадоогые һунгабад.

2 Угай бэшэг 23:11

Ёядаа болон хүбүүдынь хаанай хүбүүн Ёһаашые газаа гаргаад, хаанай титим үмэдхүүлжэ, хаанай нэрэ түрын тэмдэг барюулжа, оливын тоһо толгойдонь түрхеэд, хаан болоһыень соносхобо. Арад зон: «Хаан мандаха болтогой!» – гэжэ хашхаралдабад.

2 Угай бэшэг 23:13

Атаалияа хаашуулай зогсодог баханануудай хажууда үндэр тайзан дээрэ хааниие, сэрэгэй дарганарые, эбэр бүреэ үлеэгшэдые болон хүхилдэн байһан арад зониие хараад, эбэр бүреэнүүдэй хүнхинэн зэдэлхые, хүгжэмэй зэмсэг бариһан дуушадай магтаал дуулаһые шагнаад, хубсаһаяа таһар удхар шууламсаараа: – Урбалта! Урбалта! – гэжэ хашхарба.

Египедһээ гаралга 30:35

хүжэ санзайн бодос дабһа нэмэн найруулхаш. Энэ хадаа сэбэр, нангин хүжэ санзай мүн.

1 Хаан түрэнүүд 10:24

Самуил бүхы арад зондо соносхобо: – Эзэн хэниие шэлээб гэжэ ойлгон харана гүт? Бүхы арад түмэнэй дунда энэ хүнтэй зэргэсэхэ хүн үгы! Тиимэһээ бүхы зон баярлан хашхаралдаба: – Хаан мандаха болтогой!

1 Хаан түрэнүүд 16:13

Самуил эбэртэй тоһо абажа, аханарайнь дунда тэрэниие тоһолбо. Тэрэ үдэрһөө эхилжэ Эзэнэй һүр һүлдэ Давид дээрэ хүсэтэй буугаа һэн. Самуил бодожо, Рамаа руу бусаба.