2 Хаан түрэнүүд 8:3 - Библи

³ Цобаагай хаан, Һадаад-Ээзэрэй хүбүүн Рэһооб Евфрат мүрэнэй нюруугаар өөрынгөө засаг түрые батадхаяа ошожо ябаа. Давид тэрэниие бута сохибо.

2 Хаан түрэнүүд 8:3 ပူးပေါင်းရင်းမြစ်များ

Эхин 15:18

Иигэжэ тэрэ үдэр Эзэн Абрамтай хэлсээ баталаад, айладхаба: – Египедэй хилэ дээрэхи голһоо эхилээд Евфрат мүрэн хүрэтэр нэмжыһэн энэ орон нютагые Би шинии уг удамда үгэнэб.

2 Хаан түрэнүүд 10:15

Араамшууд Израильда диилдэһэнээ хараад, өөһэдынгөө бусад зониие суглуулба.

2 Хаан түрэнүүд 10:16

Һадаад-Ээзэр хүнүүдые эльгээн, Евфрат мүрэнэй саада эрьедэ байһан араамшуудые асаруулба ха. Тэдэнь Хэлаамда ерэбэ. Һадаад-Ээзэрэй сэрэгэй жанжин Шобаах тэдэниие ударидан ябаа.

2 Хаан түрэнүүд 10:19

Һадаад-Ээзэрэй мэдэлдэ байгаа бүхы хаашуул Израильда илагдаһанаа ойлгожо, Израилиин эрхэдэ орожо, энхэ тайбан ажаһууха тухай хэлсээ баталба. Араамшууд энээнһээ хойшо аммоонуудта туһалхаяа айдаг болоо һэн.

2 Хаан түрэнүүд 10:6

Аммоонууд Давидай дайсад болоһоноо ойлгожо, Бэт-Рэһообой болон Цобаагай араамшуудта хандан, хорин мянган ябаган сэрэг, Тообһоо арбан хоёр мянган эрэшүүлые, Маһахаагай хааниие нэгэ мянган хүнтэйнь хүлһэлэн абаба.

2 Хаан түрэнүүд 23:36

Цобааһаа Натаанай хүбүүн Игаал, Гаадһаа Бании,

3 Хаан түрэнүүд 4:21

Евфрат мүрэнэй болон Пилишт орон нютагай хоорондуур оршодог, Египет хүрэтэр нэмжыгшэ дайдануудай хан түрэнүүдые Соломоон зонхилон ажаһуугаа. Тэдэ хан түрэнүүд Соломооной амиды мэндэ сагта үргэлжэ ясаг түлэжэ байгаа.

1 Угай бэшэг 18:3

Цобаагай хаан Һадаад-Ээзэр Евфрат мүрэнэй нюруугаар өөрынгөө засаг түрые батадхаяа ошожо ябаа. Давид тэрэниие Хамаат хүрэтэр бута сохибо.

2 Угай бэшэг 8:3

Тэрэ Хамаат-Цобаагай газар уһанда дайлажа, эзэлээ бэлэй.

Псалманууд 60:1

[Дуунай бүлэгэй хүтэлбэрилэгшэдэ: хүбшэргэйтэ зэмсэгэй дууряалга доро. Давидай зохёоһон.]

Псалманууд 72:8

Тэдэ баһажа, гүжэр үгэ тараадаг, бардамлан дуугардаг.

Египедһээ гаралга 23:31

Хулһата далай болон Пилиштын далай, Сүл губи болон Мүрэн гээд танай эзэлхэ газарай хилэ болгон табихаб. Тэрэ орон нютагта һууһан бүхы зониие танай гарта үгэхэдэм, үлдэжэ гаргахат.

Хуули дабталга 11:24

Гэшхэһэн газар бүхэнтнай танай болохо – урда зүгэй элһэн сүл губиһаа хойто зүгэй Ливаан хүрэтэр, зүүн зүгэй Евфрат мүрэнһөө баруун зүгэй аяар Дундада далай хүрэтэр танай хилэнүүд нэмжыхэ.

1 Хаан түрэнүүд 14:47

Саул Израилиин хаан болоһонһоо хойшо тойроод байһан бүхы дайсадтаяа: моһаабуудтай, аммоонуудтай, эдоомуудтай, Цобаагай хаашуултай, пилиштүүдтэй тулалдажа, хэнэйшье урдаһаа гарабал, амжалта туйладаг байба.