2 Хаан түрэнүүд 8:18 - Библи

¹⁸ Ёядаагай хүбүүн Бэнайяа Давидай бэе аршалагшадай ноён һэн, тэрэ хэрээдүүдые ба пэлидүүдые захирдаг һэн. Давидай хүбүүд санаартан байгаа.

2 Хаан түрэнүүд 8:18 ပူးပေါင်းရင်းမြစ်များ

2 Хаан түрэнүүд 15:18

Хамаг түшэмэлнүүд хажуудань зогсобо. Бэеыень аршалаашад бултадаа, хэрээдүүд ба пэлидүүд бултадаа, мүн хаантай хамта Гаатһаа ерэһэн зургаан зуун хүн бүгэдэ хаанай урдуур жагсаалаар ябан үнгэрбэ.

2 Хаан түрэнүүд 20:23

Ёһааб Израилиин бүхы сэрэгэй ударидагша бэлэй. Ёядаагай хүбүүн Бэнайяа хаанай бэе хамгаалагшадай, хэрээдүүдэй ба пэлидүүдэй ударидагша һэн.

2 Хаан түрэнүүд 20:26

мүн Яһиир хотын Ираа Давидай санаартан байгаа.

2 Хаан түрэнүүд 20:7

Тиигээд Ёһаабай зон, хаанай бэе аршалагшад, хэрээдүүд ба пэлидүүд, бусадшье сэрэгшэд Бихриин хүбүүн Шэбаае мүрдэн ошохоёо Иерусалимһаа гараба.

3 Хаан түрэнүүд 1:38

Тиигэжэ Цадоок санаартан, Натаан лүндэншэ, Ёядаагай хүбүүн Бэнайяа, хаанай бэе аршалагша хэрээдүүд ба пэлидүүд Давид хаанай элжэгэндэ Соломоониие мордохуулжа, Гихоон горхон тээшэ абаашаба.

3 Хаан түрэнүүд 1:44

Цадоок санаартые, Натаан лүндэншые, Ёядаагай хүбүүн Бэнайяа гэгшые, хаанай бэе аршалагша хэрээдүүд ба пэлидүүдые хаан Соломоонтой хамта эльгээжэ, тэдэ Соломоониие хаанай элжэгэн дээрэ һуулгаба.

3 Хаан түрэнүүд 1:8

Гэбэшье Цадоок санаартан, Ёядаагай хүбүүн Бэнайяа, лүндэншэ Натаан, Шимэй, Рэһии, Давидай бэе аршалагшад Адонияагай тала барибагүй.

3 Хаан түрэнүүд 2:25

Тиигээд Соломоон хаан Ёядаагай хүбүүн Бэнайяа гэгшые эльгээжэ, тэрэнь Адонияае усадхаба.

3 Хаан түрэнүүд 4:4

Ёядаагай хүбүүн Бэнайяа – сэрэгэй жанжин; Цадоок болон Абиатаар – санаартад;

3 Хаан түрэнүүд 4:5

Натаанай хүбүүн Азаарияа – можонуудай ноёдые хинагша; Натаанай хүбүүн Забууд – санаартан, мүн хаанай зүбшэгшэ;

4 Хаан түрэнүүд 11:4

Долоодохи жэлэй ябажа байхада, юрын ба түгэс шатаалта үргэлнүүдые эмхидхэн үнгэргэдэг ахамад санаарта Ёядаа хаанай һахюул харуулшадай ба ябаган сэрэгшэдэй зуутын дарганарые дуудажа, Эзэнэй һүмэдэ суглуулба. Ёядаа Эзэнэй һүмэ соо тэдэниие баалажа шахаа тангаригынь абаад, тэдээндэ хан хүбүүн Ёһаашые харуулба.

1 Угай бэшэг 11:22

Кабцээлэй хүн, Ёядаагай хүбүүн Бэнайяа эрэлхэг зоригтой хүн бэлэй. Тэрэ олон баатарлиг үйлэ хэрэгүүдые хээ, Моһаабай арсалан мэтэ хүсэтэй хоёр сэрэгшые алаа. Мүн саһатай нэгэ үдэр уһа суглуулдаг нүхэн руу орожо, тэндэ арсалангые алаһан юм.

1 Угай бэшэг 18:17

Ёядаагай хүбүүн Бэнайяа Давидай бэе аршалагша хэрээдүүдэй ба пэлидүүдэй ноён һэн. Давидай хүбүүд хаанай туһамаршад байгаа.

Эзэкээл 25:16

Тиимэһээ Пилиштын арад түмэндэ Би добтолхоб, хэрээдүүдые һалгаахаб, далайн эрьеэр оршодог хотонуудайнь ажаһуугшадые дууһан усадхахаб.

Цэпаанияа 2:5

Далайн эрьеэр ажаһуудаг хэрээдэй зон, таанарта гай гасалан ушарха! Пилиштын Ханаһаан һуури, Эзэн шамайе буруушааһан зарлигаа буулгаа! Тэрэ таанарые хюдаха, нэгэшье хүн амиды үлэхэгүй.

1 Хаан түрэнүүд 30:14

Бидэ хэрээдүүдэй, Иудын харьяата газар болон Халээбэй урда зүгүүд руу шуумайн добтолжо, Циклаагые галдан шатаагаабди, – гэжэ хэлэбэ.