2 Хаан түрэнүүд 7:18 - Библи

¹⁸ Давид хаан ошожо, Эзэнэй урда һуун, иигэжэ зальбарба: – Эзэн Бурхамни! Би хэн аад, баһа минии гэр бүлэ юун аад, Та намайе иитэрээ үргөө гээшэбта?

2 Хаан түрэнүүд 7:18 ပူးပေါင်းရင်းမြစ်များ

Эхин 32:10

Танай богоол би хамаг үршөөл хайраһаатнай, хэшэгһээтнай хүртэхэ эрхэтэй гээшэ гүб? Түрэл нютагһаа гаража, Иордан гол гаталхадаа, би гартаа гансахан тулгууртай ябаа бэлэйб. Мүнөө бусажа ябахадаа, хоёр бүлэг болгон хубаарилһан олон зонтой, үй түмэн адуу малтай ябанаб.

Эхин 32:11

Маанадые минии аха Эсаавһаа абарыт! Би айнаб: тэрэ ерэжэ, намайе, һамгад, хүүгэдыемни бултыень алахал!

2 Хаан түрэнүүд 23:5

Бүгэдые эмхидхэһэн, найдамтай, хэтэ мүнхын хэлсээ Тэрэнэй намтай баталаа хадань, минии гэр бүлэ Бурханай урда мүн тиимэ бэшэ аал? Тэрэ минии уг удамые юрөөхэ. Энэ хадаа минии хүсэһэн зүйл, Бурхан тэрэниие заабол дүүргэхэ.

2 Хаан түрэнүүд 7:17

Натаан эдэ бүхы үгэнүүдые болон үзэгдэлые дууһан Давидта хөөрэжэ үгэбэ.

1 Угай бэшэг 17:16

Давид хаан ошожо, Эзэнэй урда һуун, иигэжэ зальбарба: – Эзэн Бурхамни! Би хэн аад, баһа минии гэр бүлэ юун аад, Та намайе иитэрээ үргөө гээшэбта?

1 Угай бэшэг 29:14

Юрэдөө би хэнбиб, минии арад хэн бэ, ушараа ойлгоһон дээрэһээ үргэл үргэнэ бэшэ гүбди? Эдэ бүхы Танһаал, Танай гарһаа абаһанаа Тандаал үргэл болгон үргэнэлди,

Псалманууд 8:4

Танай бүтээһэн огторгой, Танай байгуулһан һара, мүшэдые харанам.

Египедһээ гаралга 3:11

– Би хэн аад, фараондо ошожо, Израилиин зониие Египедһээ гаргаха болобо гээшэбиб? – гэжэ Моисей Бурханда хэлэбэ.

Исай 37:14

Хэзэкияа элшэнэрһээ хуйламал бэшэг абажа уншаад, Эзэнэй Һүмэдэ орожо, тэрэнээ Эзэнэй урда дэлгэбэ.

Эфесэйхиндэ 3:8

Ой ухаандаа оруулхын аргагүй ехэ Христоосой баялиг тухай Һайн Мэдээсэлые бусад арадуудта номнохые, Бурханай нюусын яажа бэелхэ тухай бүхы хүнүүдтэ харуулхые Бурханай хүнүүдэй эгээл багань байһан намда Бурхан хайрлаа. Үнгэрһэн сагуудта хамаг юумые Бүтээгшэ Бурхан нюусаяа хадагалжа байгаа. Тиин мүнөөнэй үе сагта Тэрэ Өөрынгөө оюун ухааниие һүзэглэгшэдэй бүлгэмөөр дамжуулан тэнгэриин захирагшадта, огторгойн хүсэнүүдтэ элдэб янза хэбээрнь харуулаа.

Ударидагшад 6:15

Гидоон Тэрээндэ иигэжэ харюусаба: – Эзэмни! Би израильшуудые яагаад абархабиб? Минии гэр бүлэ Мэнашшээгэй обог соо эгээ үгытэйнь лэ. Би өөрынгөө эсэгын гэр бүлэ соо эгээл одхониинь гээшэб.

Рүүт 2:10

Рүүт газарта хүрэтэр доро дохижо, тэрээндэ: – Минии хариин хүн байгаашье һаа, та юундэ намда иимэ энэрхыгээр ханданабта? Би яагаад танай талархалда хүртөө гээшэбиб? – гэбэ.

1 Хаан түрэнүүд 15:17

Самуил: – Ши өөрыгөө бишыханаар хэды һанажа байбашье, Израилиин обогуудай ударидагша болоо бэшэ гүш? Эзэн шамайе Израилиин хаан болгожо, тоһолоо бэлэй.

1 Хаан түрэнүүд 18:18

Гэбэшье Давид Саулда: – Би хэн гээшэбиб? Минии ами наһан, эсэгымни гэр бүлэшье Израильда юун гээшэб? Би яажа хаанай хүрьгэн болохобиб? – гэбэ.

1 Хаан түрэнүүд 9:21

Саул: – Би Израилиин обогууд сооһоо хамагай багань болохо Бэньямиин обогой хүбүүн гээшэб. Минии эсэгын бүлэ тэрэ обогой бүхы гэр бүлэнүүд сооһоо эгээл багань бэшэ юм аал? Та юу хэлэнэбта? – гээ һэн.