2 Хаан түрэнүүд 7:13 - Библи

¹³ Тэрэ Намда ордон бодхоохо, Би тэрэнэй уг удамда хаан шэрээ хэтэ мүнхэдөө эзэлүүлхэб.

2 Хаан түрэнүүд 7:13 ပူးပေါင်းရင်းမြစ်များ

Эхин 49:10

Иудын үри һадаһад хододоо гартаа хаанай баяг бариха, уг удамынь хододоо зонхилогшод байха. Олон улас түрэнүүд шинии уг удамда албан татабари түлэжэ, урдаш һүгэдэн байха.

2 Хаан түрэнүүд 22:51

Өөрынгөө хаанда агууехэ илалта туйлуулнат, шэлэгшэ хүн Давидтаа болон үри һадаһадтань хэтэ мүнхэдөө хайра үршөөлөө үзүүлнэт!

2 Хаан түрэнүүд 7:16

Ши хододоо үри һадаһадтай байхаш, хаан түрэшни хэтэ мүнхэдөө оршохо. Хаан шэрээдэ һууха уг удамшни хэзээдэшье таһалдахагүй!

2 Хаан түрэнүүд 7:27

Түмэн Сэрэгтэ Эзэн, Израилиин Бурхан! Юундэ Танда иимэ зальбаралтай хандахаяа зүрхэлөөбиб гэхэдэ, Та эдэ бүгэдые намда, Өөрынгөө богоолдо, мэдүүлээт, уг удамыемни хаан шэрээдэ хододоо байха гээд айладхаа бэлэйт.

3 Хаан түрэнүүд 2:24

Минии эсэгэ Давидай хан шэрээ дээрэ Эзэн намайе бата найдамтайгаар заларуулаа, айладхалайнгаа ёһоор хан түрые намда үршөөгөө. Амиды мэндэ Эзэнэй нэрээр тангаригланаб – Адонияа энэ дары үхэхэ ёһотой!

3 Хаан түрэнүүд 2:4

Тиигэбэлшни, «үри һадаһадшни Намда үнэнхэ зүрхэнһөө шүтэн, бүхы шадалаараа Минии һургаал заабаринуудые дүүргэн байгаа гээшэ һаа, Израилиин хан шэрээ хододоо эзэлдэг байха» гэжэ намда айладаһан найдуулгаяа Эзэн бэелүүлхэ.

3 Хаан түрэнүүд 2:45

Харин би үреэлдэ хүртэхэм болтогой! Давидай хан шэрээ Эзэнэй урда хэтэ мүнхэдөө оршохонь болтогой!

3 Хаан түрэнүүд 5:5

Шинии һүүлээр хан шэрээдэ заларан һууха хүбүүншни Намда зорюулһан Һүмэ барин бодхоохо гэжэ Эзэн Давид эсэгэдэм айладхаһан байна. Зай, тиигээд би мүнөө Эзэн Бурханайнгаа Һүмэ барижа эхилхэм.

3 Хаан түрэнүүд 6:12

– Минии хуули ёһонуудые эбдэнгүй, зарлигуудыем дүүргэжэ, захяа заабаринуудыем сахижа ябабалшни, Давид эсэгэдэш найдуулһанаа бэелүүлхэб. Барижа байгааша Һүмэ соошни, Өөрын арад Израилиин дунда оршожо, тэдэниие орхингүй анхаран байхаб.

3 Хаан түрэнүүд 8:13

Танай хэтэ мүнхэдөө заларан оршохо үндэр үргөө би баряаб!

3 Хаан түрэнүүд 8:15

Тэрэ иигэжэ хэлээ: – Израилиин Эзэн Бурханда магтаал үргэнэб! Минии эсэгэ Давидта найдуулһанаа Тэрэ мүнөө бодотоор бэелүүлээ. Эзэн иигэжэ айладхаа бэлэй: «Өөрын арад түмэн Израилиие Египедһээ гаргаһанһаа хойшо Минии нэрын заларха Һүмые ямар хотодо баригдахые, мүн Минии арад түмэн Израилиин удамаршаар хэнииешье һунгаагүй байгааб. Мүнөө Минии нэрын оршохоор Иерусалимые һунганаб, Минии арад түмэн Израилиие хүтэлхыень Давидые шэлэнэб».

3 Хаан түрэнүүд 8:19

Теэд тиимэ Һүмэ ши барихагүйш, харин шамһаа гараһан үри, түрэһэн хүбүүншни Минии нэрын заларха тиимэ Һүмэ Намда бариха!»

4 Хаан түрэнүүд 21:4

Иерусалимда Минии нэрэ алдар оршохо гэжэ Эзэнэй айладхаһан Һүмэ соо тэрэ үргэлэй шэрээнүүдые байгуулба.

4 Хаан түрэнүүд 21:7

Израилиин уг изагуурай эзэмшэдэг бүхы хото тосхонуудай дундаһаа шэлэн абаһан энэ Иерусалим хотодо, энэ Һүмэ соо Минии нэрэ алдар хэтэ мүнхэдөө алдаршан байха гэжэ Эзэнэй Давидта, Соломоон хүбүүндэнь айладхаһан эгээл тэрэ Һүмэ соо Мэнашшээ һиилэмэл хэмэл Ашэраагай дүрсэ табиба.

4 Хаан түрэнүүд 8:19

Харин Эзэн Өөрын зараса Давидһаа боложо иудынхидые хосороохогүйб гэһэн шиидхэбэри гаргаа һэн. Ушар юуб гэхэдэ, үеын үедэ уг удамынь хааншалан байха гэжэ Эзэн Давидые найдуулһан байгаа.

1 Угай бэшэг 28:10

Мэдэжэ яба, Эзэн нангин гэр барилгаар шамайе шэлээ, хүсэлөө зоримгойгоор бэелүүлэ.

2 Угай бэшэг 33:4

«Иерусалимда хэтэ мүнхэдөө Минии нэрэ алдар оршохо» гэжэ Эзэнэй айладхаһан Һүмэ соо тэрэ үргэлэй шэрээнүүдые байгуулба.

2 Угай бэшэг 6:16

«Үри һадаһадшни шамдал адляар Минии һургаал заабари сахин, зааһан замаарни ябабал, Израилиин хан шэрээ тэдэ хододоо эзэлэн һууха» – гэжэ Өөрын зараса, минии эсэгэ Давидта найдуулһанаа бэелүүлыт, Израилиин Эзэн Бурхамнай! Өөрын богоол, минии эсэгэ Давидта найдуулһан үгэтнай бата бэелхэнь болтогой, Израилиин Эзэн Бурхан!

Иоов 36:7

Гэмгүй хүндэ тэрэ хайраяа үршөөжэ, хаан мэтэ хүндэтэй болгодог.

Псалманууд 72:17

Энэ Бурханай нангин газарта минии оротор үргэлжэлөө. Тиихэдэл тэдэнэй эсэс болохые ойлгоо бэлэйб.

Псалманууд 89:4

Та хүниие һөөргэнь, шорой руу бусаажа, «Хүнэй хүбүүд, һөөргөө бусагты!» гэнэт.

Исай 49:8

Эзэн Өөрын арад түмэндэ иигэжэ айладхана: Таарамжатай сагай ерэхэдэ, Би шамда харюу үгэхэб, абарха үдэрэй ерэхэдэ, Би шамда туһалхаб. Таанадые хамгаалхаб, таанадаар дамжан, бүхы арадуудтай хэлсээ баталхаб. Хооһорһон газар дайдаяа һэргээхые Би таанадта зүбшөөхэб.

Исай 9:6

Бидэндэ үхибүүн түрэбэ! Бидэндэ хүбүүн үгтэжэ байна. Тэрэ манай удамарша болохо. Тэрэ Гайхамшагта үзэгдэл Түсэблэгшэ, Хүсэтэ Бурхан, Хэтэ мүнхэ Эсэгэ, амгалан байдалай Ударидагша гээд нэрлэгдэхэ.

Исай 9:7

Тэрэнэй засаглалга, түлөөлгэ бүри ехэ боложол байха. Хан түрэнь хододоо амгалан тайбан байха. Тэрэ Давид хаанай үри һадаһан. Энэ сагһаа эхилжэ хэтэ мүнхэдөө Тэрэ үнэн шударга, үнэн зүбые баримталан хүтэлбэрилхэ. Түмэн Сэрэгтэ Эзэн энээниие бэелүүлхэ ехэ һанаатай.

Ерэмияа 33:17

Давидай үри һадаһан хододоо Израилиин хаан шэрээ эзэлдэг байха гээд Би, Эзэн, найдуулнаб.

Даниил 2:44

Тэдэ хаан түрэнүүдэй үедэ Огторгойн Бурхан хэтэ мүнхэдөө һандархагүй, бусад арадта диилдэхэгүй нэгэ хаан түрэ байгуулжа, тэрэнь бүхы хаан түрэнүүдые һандаргаажа, өөрөө мүнхэ оршохо.

Захарияа 6:12

Тэрээндэ иигэжэ хэлэ: Түмэн Сэрэгтэ Эзэн иигэжэ айладажа байна: Тэрэ эрын нэрэ – Угай түлөөлэгшэ. Түлөөлэгшын угайнь һалаа урган олошоржо, Эзэнэй Һүмэ бүтээхэ.

Захарияа 6:13

Тиимэ, Эзэнэй Һүмэ бариха хүн Тэрэ юм. Тэрэ алдар солодо хүртэжэ, шэрээ зонхилон һууха. Санаартан өөрын шэрээдэ һууха. Хоорондоо эбтэй эетэй байха.

Матвей 16:18

Тиимэһээ Би шамда хэлэнэб: ши, Пётр – шулуун гээшэш, тиин Би энэ шулуун дээрэ Өөрынгөө һүзэглэгшэдэй бүлгэмые бодхоохоб, тэрэнииемни үхэлшье өөрөө диилэхэгүй.

Еврейнүүдтэ 3:3

Гэр бариһан хүн гэрһээ үлүү нэрэ түрэдэ хүртэдэг. Тон тиигэжэл Иисүүсшье Моисейһээ үлүү ехэ алдар солодо хүртэхэ ёһотой.

Пётрой 1-дэхи хандалга 2:5

Таанад амиды шулуунуудта адли Бурханда ерэгты, тиигээд Бурхан таанадһаа һүмэ бодхоохо, тиигээд тэрэ һүмэдөө таанад гэгээн санаартан болоод, Иисүүс Христоосоор дамжуулан, Арюун Һүлдэһөө Бурханда һайшаагдаха оюун ухаанай үргэл асаржа байгты.