2 Хаан түрэнүүд 7:10 - Библи

¹⁰ Би Израилиин арадые ажаһууха газартай болгохоб, тэрэнэй байдал батадхахаб, өөһэдынгөө газар дээрэ амгалан ажаһууха, тэдэнэр хэзээдэшье һамаргаанда орохоёо болихо. Энээнһээ хойшо тэрэниие хашаашад дахин харшалхагүй.

2 Хаан түрэнүүд 7:10 ပူးပေါင်းရင်းမြစ်များ

4 Хаан түрэнүүд 21:8

– Минии захин заабарилһан, Моисейн дамжуулһан Хуули ёһо тэдэнэй жэншэдгүй наринаар сахижа байбал, үбгэ эсэгэнэртэнь үгэһэн энэ орон нютагһаа холуур хариин газарта зайгуултажа байхыень израильшуудые дахин хэзээдэшье баалан хашахагүйб.

1 Угай бэшэг 17:9

Би Израилиин арадые ажаһууха газартай болгохоб, тэрэнэй байдал батадхахаб, өөһэдынгөө газар дээрэ амгалан ажаһууха, тэдэнэр хэзээдэшье һамаргаанда орохоёо болихо. Энээнһээ хойшо тэрэниие хашаашад дахин харшалхагүй.

Псалманууд 44:2

Гоё һайхан үгэнүүд досоомни дүүрэн байна, дуугаа хаанда зорюулнаб. Минии хэлэн шадамар зохёолшын гуурһан мэтэ.

Псалманууд 44:4

Хүсэтэ хаан, һэлмэеэ ташаандаа зүүгыш, алдар солотойш, һүр жабхалантайш.

Псалманууд 80:8

Гай тодхорто ороод, ши Намайе дуудааш, Би шамайе сүлөөлөөб, туулган хара үүлэн сооһоо шамда харюусааб. Би шамайе Мэрибаагай уһанай хажууда туршааб.

Псалманууд 80:9

Арад түмэмни! Уряаем дуулыш! Израиль, Намайе шагна!

Египедһээ гаралга 1:22

Фараон бүхы албатан арадтаа иимэ захирал буулгаба: – Һая түрэһэн хүбүүдыень уһа гол руу хаягты, басагадай түрэбэл, амиды үлөөгты.

Египедһээ гаралга 15:17

Нангин хададаа тэдэниие нютагжуулхат, Өөрын һууха байшан тэндэ баряат, тахил үргэлэй һүмэ бодхоот!

Исай 5:2

Тэрэнээ тойруулан малтажа, шулуунуудһаань сэбэрлээ. Эгээл эрхим үзэмэй жэмэс һуулгаа. Алим жэмэс хамгаалхаяа сэсэрлигэй дунда самхаг баряа. Уһан үзэм шахаха шахуурга малтан зохёогоо. Тиигээд һайхан үзэмэй жэмэс гараха гэжэ найдан хүлеэжэ байхадань, гашуун үзэмэй жэмэс ургаал!

Исай 5:7

Израилиин арад – Түмэн Сэрэгтэ Эзэнэй үзэмэй жэмэсэй сэсэрлиг гээшэл; Иудын хан түрын улад зон – Тэрэнэй дуратай үзэмэй модоной эшэнүүд. Үнэн зүбөөр хэрэгүүд эрхилэгдэхэ гээд Тэрэнэй хүлеэһэниинь тэдэ алууршад болоо. Үнэн шударгые хүлеэһэниинь гомдол, оог бархираан гансал гарана.

Исай 60:18

Орон нютагташни хүсэрхэл, һандарал бэшэ үзэгдэхэгүй, хана хэрэмүүдтэш адли Би шамайе аршалхаб, тиихэдэм ши Намайе магтан байхаш.

Исай 60:21

Удаань бүхы арад зоншни гансал зүб шударга хэрэг үйлэдэн байха, газарые хэтэ мүнхэдөө эзэмдэхэ. Намайе алдаршуулхын тула Би тэдэниие таряа, бүтээгээ бэлэйб.

Ерэмияа 18:9

Алишье сагта ямар нэгэ үндэһэтэниие, үгышье һаа, хан түрые байгуулха, үндэһэлэн һуурижуулха тухай айладхал буулгажа болохоб.

Ерэмияа 24:6

Тэдэнэй хойноһоо адаглажа, энэ газар нютаг руу һөөргэнь асархаб. Би тэдэниие һуурижуулхаб, унагаахагүйб, тарин һуулгахаб, зулгаан татахагүйб!

Эзэкээл 28:24

Израильда дээрэлхүүгээр хандадаг байһан хажуугаархи үндэһэ яһатадынь саашадаа хадхуур, үүргэнэ мэтэ байхаяа болихо. Тиихэдэ Израилиин зон Намайе Эзэн Бурхан гээд мэдэдэг болохо.

Һошээ 2:18

Тэрэ үедэ Би талын ан гүрөөлтэй, огторгойн жэгүүртэнтэй, мүлхидэг амитадтай холбоо харилсаа тогтоожо, тэдэ Минии арад түмэндэ һаад түбэг ушаруулхагүй. Номо һаадаг, эритэ һэлмэ, дайн дажар тэрэ газарта ушархагүй, иигэжэ тэдэ амгалан тайбан ажаһууха.

Амоос 9:15

Түрэл дайдадань өөһэдыень батаар һуурижуулхаб, тиихэдэм, тэдээндэ үршөөһэн газарһаам хэншье тэдэниие һуга татан гаргажа шадахагүй! Иигэжэ танай Эзэн Бурхан айладана гээшэ.

Гэршэлгэ 21:4

Бурхан тэдэ хүнүүдэй нюдэнһөө гараһан дуһал нулимса бүхэниие аршаха. Үхэлгэ хосоролгошье саашадаа байхагүй, уйдхар гашуудал, орилолдоон бархиралдаан, үбдэлгэ хабдалгашье саашадаа байхагүй, ушарынь гэбэл, урданай бүхы юумэн урдажа ошоо».

Ударидагшад 4:3

Юһэн зуун түмэр тэргэтэй Сисэраа израильшуудые хорин жэл соо дошхон хэрзэгыгээр дарлаба.

1 Хаан түрэнүүд 13:17

Пилиштүүдэй хотон хүреэнһөө гурбан бүлэг хюдагшад гараад, нэгэ бүлэгынь Опраа руу харгыгаар, Шуһаал газар руу шэглэбэ.