2 Хаан түрэнүүд 6:19 - Библи

¹⁹ Тиигээд тэрэ бүхы израильшуудта, эрэшүүл болон эхэнэрнүүдтэ нэгэ-нэгэ зүһэм хилээмэ, хатааһан финикиин лепёошхо, үзэмэй лепёошхо үгэбэ. Удаань хамаг зон гэр гэртээ хариба ха.

2 Хаан түрэнүүд 6:19 ပူးပေါင်းရင်းမြစ်များ

2 Хаан түрэнүүд 6:18

Тэрэ түгэс шатаалта ба амгалан байдалай үргэлнүүдые үргэжэ дүүргээд, Түмэн Сэрэгтэ Эзэнэй нэрээр арад зониие юрөөбэ.

2 Хаан түрэнүүд 6:20

Давидай гэр бүлэеэ юрөөхэеэ ерэхэдэнь, Саулай басаган Михаал тэрэниие угтан гаража, иигэжэ хэлэбэ: – Израилиин хаан мүнөөдэр ямар ехээр шалгарба гээшэб! Тэнэг хүнэй эшэхэгүй нюсэгэлдэгтэл, тэрэ мүнөөдэр зарасанарайнгаа, шэбэгшэнэрэйнгээ хараһаар байтар нюсэгэлөө.

3 Хаан түрэнүүд 8:66

Нүгөөдэ үдэрынь Соломоон арад зониие гэртэнь табяа бэлэй. Тэдэ хаанда үреэл табяад, Давид богоолдоо болон Өөрын арад түмэн Израильда Эзэнэй һайн һайханиие хэһэндэ досоогоо баясан, гэр гэртээ тараа һэн.

1 Угай бэшэг 16:3

Тиигээд тэрэ бүхы израильшуудта, эрэшүүл болон эхэнэрнүүдтэ нэгэ-нэгэ зүһэм хатааһан огноо жэмэсээр бариһан хилээмэ, нэгэ-нэгэ зүһэм шараһан мяха, үзэмэй нэгэ баглаа үгэбэ.

1 Угай бэшэг 16:43

Бүхы хүн зон гэр гэртээ харибад; Давидшье өөрынгөө гэрые үреэн адислахаяа ошобо.

2 Угай бэшэг 30:24

Иигэжэ Иудын Хэзэкияа хаан нэгэ мянган буха болон арба мянган хони улад зондо үгөө бэлэй. Мүн лэ түшэмэлнүүд нэгэ мянган буха, арба мянган хони үгэбэ. Санаартадшье олоор бэеэ арюудхаад байгаа.

2 Угай бэшэг 7:10

Эзэн Давидта, Соломоондо болон Өөрын арад түмэн Израильда Эзэнэй һайн һайханиие хэһэндэ досоогоо баясан, һайндэрлэн байгааша арад түмэнөө Соломоон хаан долоодохи һарын хорин гурбадахи үдэр гэр гэртэнь тараан табяа бэлэй.

Нэхэмьяа 8:10

Тэрэ арад зондо иигэжэ хэлэбэ: – Гэртээ харижа, эрхим эдеэ хоол эдигты, үзэмэй дараһан архинһаа хүртэгты, тиигээд үгытэй зондо хүндэһөө хубаалдагты. Энэ үдэр манай Эзэнэй нангин үдэр. Бү гашуудагты: Бурханай баяр таанарта шадал нэмээхэ.

Дуунай дуун 2:5

Алим бэ, намда үзэм эдюулыт, алим хазуулжа тэнхээ оруулыт! Хүсэл шадални хүлгүй болоол.

Эзэкээл 45:17

Гэбэшье шэнэ һарын, субботын үдэрэй, мүн шажанай бусад һайндэрнүүдэй үедэ Намда үргэхэ мал, таряа талханай, үзэмэй дараһан архиин түлөө зонхилогшо харюусалгатай байхал. Нүгэл сагааруулгын, талханай үргэл, түгэс шатаалта үргэл, мүн амгалан байдалай түлөө үргэл иигэжэ бүтээгдэжэ, Би Өөрын арад түмэн Израилиие хүлисэн, нүгэлыень арюудхахаб.

Һошээ 3:1

Эзэн намда иигэжэ айладхаба: – Израилиин улад зоной ондоо бурхад руу эрьежэ, үзэмтэй боободо дуратай болодогшье һаань, Эзэн тэдээндэ дуратай байдаг. Энээндэл адли ши дахин ябаад, һальхай ябадалтай болобошье, өөрын нүхэртөө хайрлуулһан эхэнэртэ дурла.

Хэрэгүүд 20:35

Тиигэжэ би таанадта яажа хүдэлхэб, ядуу һула зондо туһалхаб гэһэн жэшээ харуулааб. «Үгэхэнь абахаһаа бүри жаргалтай», – гэжэ Иисүүсэй хэлэһые һанажа ябагты.

Эфесэйхиндэ 4:8

Тиимэһээ Нангин Бэшэг соо иигэжэ бэшээтэй: «Тэрэ үндэр газарта дабшан гараа, баряанда зониие абаа, хүнүүдые бэлэгтэ хүртөөгөө».

Нүүнэй Иисүүс 22:6

Иисүүс тэдэниие юрөөгөөд табяа, тэдэ майхангуудаараа тараа.