2 Хаан түрэнүүд 5:2 - Библи

² Урид Саулай манай хааншье байха үедэ та Израилиин арад зониие байлдаануудта ударидажа, сэрэг хододоо илалта туйлаад бусадаг байгаа. Тиигээд Өөрынь арад түмэн болохо Израилиие танай ударидаха, удамаршан болохо тухай Эзэн танда найдуулан айладхаһан бэлэйл.

2 Хаан түрэнүүд 5:2 ပူးပေါင်းရင်းမြစ်များ

Эхин 49:24

хүсэтэ гараараа ши һурша номоо шанга адхан харбажа, дайсанһаа өөрыгөө хамгаалжа шададаг хүндэл ажабайдалай бүхы һаад түбэгые дабажа, хорото дайсадаа илан диилээш. Юуб гэхэдэ, Яков эсэгыншни шүтэн хүндэлдэг Түгэс Хүсэтэ Бурханай хүсэтэ гар шамайе хамгаалан туһалжа байна. Тэрэ болбол минии уг удам болохо Израилиин зоной найдаха хадын һуури мэтэ бата хамгаалалта юм. Тэрэ болбол Израилиин арад зонииемнай хонин һүрэг мэтэ дахуулан, адуулан байгша эзэн юм.

2 Хаан түрэнүүд 6:21

Давид Михаалда харюусаба: – Би Эзэниие магтан баярлаһан зандаал байхаб! Шинии эсэгэһээ болон тэрэнэй бүхы түрэл гаралһаа дээгүүр намайе һунган шэлэжэ, Эзэн Өөрынь арад түмэн болохо Израилиин удамаршан болгон намайе томилоо. Эзэндэ магтаал түүрээн, бүжэглэжэл байхаб!

2 Хаан түрэнүүд 7:7

Израилиин арад зонтой хаанашье ябаа хадаа Өөрынгөө арадай удамаршадта „намда Ливаанай үнэтэ сэнтэ хуша модоор үргөө баригты“» – гэжэ нэгэшье дахин айладаагүйб.

2 Хаан түрэнүүд 7:8

Тиимэһээ мүнөө ши Минии богоол Давидта иигэжэ хэлэ: – Түмэн Сэрэгтэ Эзэн иигэжэ айладхажа байна. Өөрынгөө арад түмэн Израилиин захирагша болгохын тула Би шамайе бэлшээриһээ, хонин һүрэг харууһалжа байхадаш абаа һэм.

4 Хаан түрэнүүд 20:5

Эзэн тэрээндэ иигэжэ хэлэбэ: – Минии арад зониие зонхилогшо Хэзэкияада бусаад, иигэжэ хэлэ: Би, Эзэн, шинии үбгэ эсэгэ Давидай Бурхан, гуйлтыешни соносооб, нулимсыеш харааб, шамайе Би эдэгээхэб. Ши нүгөөдэр Эзэнэй һүмэдэ оро. Тиигээд шинии наһые Би арбан табан жэлээр утадханаб.

1 Угай бэшэг 11:2

Урид Саулай манай хааншье байха үедэ та Израилиин арад зониие байлдаануудта ударидажа ябаат. Тиигээд Өөрынь арад түмэн болохо Израилиие танай ударидаха, удамаршан болохо тухай Эзэн Бурхантнай танда найдуулан айладхаһан бэлэйл.

2 Угай бэшэг 1:10

мүнөө тэдэниие зонхилхо сэсэн мэргэн ухаа болон эрдэм мэдэсэ намда үршөөгыт. Юуб гэбэл, намһаа бэшэ хэн Танай агууехэ арад зониие зонхилжо шадахаб? – гэжэ хэлэбэ.

Исай 40:11

Тэрэ хонишон мэтэ һүрэгөө харюулжа, хурьгадаа суглуулжа, гар дээрээ үргэн, сээжэдээ тэбэреэд, хурьгалһан хонидые дүмүүхэнээр адуулха.

Исай 55:4

Би тэрэниие арадуудта гэршэ, арадуудай удамарша ба захирагшаар табяаб.

Эзэкээл 34:23

Таанадые адуулдаг хонишоноор Өөрынгөө албатан Давидые томилхоб. Тэрэ таанад тушаа һанаагаа табидаг болохо.

Михей 5:4

Удамарша заларжа, Эзэнһээ абаһан хүсөөрөө болон Эзэн Бурханайнгаа нэрын һүр жабхалангаар арад түмэниие зонхилон байха. Тэрэнэй арад аюулгүй байдалда ажамидаран байха, юуб гэбэл, дэлхэйн бүхы арадууд агууехыень мэдэрэнхэй байха юм.

Тоололго 27:17

Эзэгүй үлэһэн хонидтол адли энэ арадые элдин шэнэ газарта абаашахын тула элдээрээ дайсадтай тулалдаха эрэлхэг зоригтой ударидагшые энэ арадта томилыт гэжэ би Таниие гуйнаб, – гэжэ хандаба.

Матвей 2:6

«Иудейн орон дайдын Бэтлэһээм хото, ши Иудын мэдэлэй бусад шухала хотонуудһаа юугээрээшье дутанагүйш, юундэб гэхэдэ, Минии Израилиин арад зониие хүтэлхэ ехэ ударидагша шамһаа мүндэлэн гараха».

Иоанн 10:11

Би шударгуу һайн адуулагшаб, шударгуу һайн адуулагшань хонидоо абархын тула ами наһаяа үгэдэг.

Еврейнүүдтэ 2:10

Бурхан бүхы юумэ бүтээгөө, бүхы юумэн Тэрэнэй тула оршодог. Тэрэ олон үхибүүдые алдар солодоо хүртөөхэ һанаатай байгаа. Тиимэһээ хүнүүдые абаралгада Хүтэлэгшэ Иисүүсые Бурхан зоболон дабуулаад, эрхим түгэс болгоо.

1 Хаан түрэнүүд 13:14

Теэд мүнөө шинии хааншалал тогтохогүй. Эзэн Өөртөө Өөрынгөө һанаа сэдьхэлдэ таарама хүниие олохо, тэрэ хүндэ улад зоной ударидагша байхые захирха. Юуб гэхэдэ, Эзэнэй захирһан юумэ бэелүүлээгүйш, – гэбэ.

1 Хаан түрэнүүд 16:1

Эзэн Самуилда айладхан: – Би Саулые Израилиин хаан байлгахаһаа татагасааб. Ши хэды болотор Саулай хойноһоо гашуудаха юмши? Эбэрээ оливын тоһоор дүүргээд яба. Би шамайе Бэтлэһээмэй Ишай гэдэг хүндэ эльгээхэм. Юуб гэхэдэ, тэрэнэй хүбүүдэй дундаһаа Өөртөө хааниие шэлээб, – гэбэ.

1 Хаан түрэнүүд 18:13

Тиимэһээ Саул Давидые өөрһөө холодуулжа, мянган сэрэгэй даргаар табиба. Давид зониие байлдаануудта ударидан ябаа.

1 Хаан түрэнүүд 18:16

Харин бүхы Израиль болон Иуда Давидта дуратай һэн. Юуб гэхэдэ, тэрэ илалта туйладаг бэрхэ жанжин байгаа.

1 Хаан түрэнүүд 18:5

Иигэжэ Давид Саулай эльгээһэн газар бүридэнь ябажа, амжалта туйладаг байгаа. Саул тэрэниие сэрэгэй ноён болгобо. Энэнь бүхы арад түмэндэ болон Саулай зарасанарта һайшаагдаа бэлэй.

1 Хаан түрэнүүд 25:28

Шэбэгшынгээ гэм зэмые хүлисыт. Эзэн заабол минии эзэнэй уг удам шанга болгохо, юуб гэхэдэ, минии эзэн Эзэнэй дайн дажарые ябуулна. Мүндэлһэн сагһаа эхилжэ, та муу юумэ хээгүйт, хэхэшьегүйт!

1 Хаан түрэнүүд 25:30

Эзэн тан тухай һайнаар айладаһан бүхы юумэеэ дүүргэжэ, Израилиин ударидагшаар таниие томилходо,

1 Хаан түрэнүүд 9:16

– Үглөөдэр энэ сагта Би шамда Бэньямиинэй обогой нэгэ хүниие эльгээхэб. Ши тэрэниие Минии арад түмэн Израилиин захирагша ноён болгон, тэрээндэ оливын тоһо түрхин ёһолол хэ. Тэрэ Минии арад түмэниие пилиштүүдэй һабарһаа абарха. Арад түмэнэймни туһа эрин уйлаһаниинь Намда дуулдаа.