2 Хаан түрэнүүд 5:19 - Библи

¹⁹ Давид Эзэнһээ асууба: – Пилиштүүдэй урдаһаа гарахам гү? Тэдэниие диилэхэдэм туһалха гүт? Эзэн Давидта айладхаба: – Гара! Пилиштүүдые диилэхэдэтнай Би заабол таанадта туһалхаб.

2 Хаан түрэнүүд 5:19 ပူးပေါင်းရင်းမြစ်များ

2 Хаан түрэнүүд 2:1

Тэрэнэй удаа Давид Эзэнһээ асууба: – Яахамниб? Иудын ямар нэгэн хото руу ябахам гү? – Яба, – гэжэ Эзэн тэрээндэ захирба. – Хайшаа ошохобиб? – гэжэ Давидай асуухада, – Хэброон руу, – гэжэ Эзэн айладхаба.

2 Хаан түрэнүүд 5:23

Давидай Эзэнһээ асуухада, Эзэн айладаба: – Урдаһаань шэглэн бү гара. Тэдэнэй араар тойрожо, лиирэ модоной түглын талаһаа тэдээндэ добтоло.

3 Хаан түрэнүүд 22:6

Израилиин хаан дүрбэн зуугаад лүндэншые суглуулжа: – Галаадай Рамоодто добтолхомнай гү, али үгы гү? – гэжэ асууба. Тэдэ: – Добтологты, Эзэн тэрэниие танай гарта үгэжэ байна, – гээд харюусаба.

Һургаал 3:6

Өөрын бүхы замда Тэрэниие танижа мэдэ. Тэрэ шинии замые шууд сэхэ болгоно.

Яковай хандалга 4:15

«Эзэнэй хүсэбэл, бидэ амиды байхабди, тиимэ юумэ, али ондоо юумэ хэхэбди», – гэжэ хэлэжэ байхын орондо

Ударидагшад 20:28

Эгээл тэрэ һүмэ соо Эльазаарай хүбүүн Пинэһаас алба хэдэг байгаа. (Тэрэнэй эсэгэ Эльазаар Аһарооной хүбүүн юм.) Израильшууд Пинэһаасаар дамжуулжа, Эзэнһээ иигэжэ һурабад: – Бидэнэр өөһэдынгөө аха дүүнэр болохо Бэньямиинэй угай сэрэгшэдтэй дахин дайлалдахамнай гү, али үгы гү? Эзэн иигэжэ айладаба: – Урагшаа! Би үглөөгүүр тэдэниие таанадай гарта дамжуулан үгэхэб.

1 Хаан түрэнүүд 22:15

Би тэрэнэй түлөө ганса мүнөөдэр лэ Бурханда мүргэжэ эхилээ юм гүб? Үгы даа, хаан, өөрынгөө богоолые, минии эсэгын бүхы гэр бүлые эндэ бү зэмэлэгты. Юуб гэхэдэ, танай богоол бага, ехэшье юумэ энэ бүхы хэрэгтэ огто мэдэхэгүй байна, – гэжэ хэлэбэ.

1 Хаан түрэнүүд 23:2

Давидай Эзэнһээ: – Би ошожо, эдэ пилиштүүдые хюдаха гүб? – гэжэ асуухадань, Эзэн Давидта: – Яба, ши пилиштүүдые хюдахаш, Кэилаае абархаш, – гэжэ айладаба.

1 Хаан түрэнүүд 23:4

Тиихэдэнь Давид дахин Эзэнһээ асууба. Эзэн тэрээндэ харюусажа: – Бодоод, Кэилаа руу ошо. Юуб гэхэдэ, Би пилиштүүдые шинии гарта үгэжэ байнаб, – гэжэ айладаба.

1 Хаан түрэнүүд 28:6

Тэрэнэй Эзэндэ хандахадань, Эзэн зүүдээршье, уримээршье, лүндэншэдээршье харюу үгэбэгүй.