2 Хаан түрэнүүд 3:8 - Библи

⁸ Абнээр Иш-Боошэдой хэлэһэн үгэдэ ехэ уурлажа, иигэжэ хэлэбэ: – Намайе Иудын нохой гэжэ һанаа гүт? Би Саулай гэр бүлэдэ, тэрэнэй аха дүү болон нүхэдтэнь үнэн сэхэ байгааб, таниие Давидһаа абарааб. Харин та мүнөө тэрэ эмэһээ боложо, намайе зэмэлжэ байнат!

2 Хаан түрэнүүд 3:8 ပူးပေါင်းရင်းမြစ်များ

2 Хаан түрэнүүд 16:9

Цэруяа эхэтэй Абишай: – Энэ үхэһэн нохой яахадаа минии эзэн хааниие харааха болооб? Ошожо, тэрэнэй толгой таһа татахые намда зүбшөөгыт, – гэбэ ха.

2 Хаан түрэнүүд 2:8

Харин Саулай сэрэгэй жанжин, Нээрэй хүбүүн Абнээр Саулай хүбүүн Иш-Боошэдые абаад, Маханааим руу асарба.

2 Хаан түрэнүүд 3:18

Мүнөө энээнээ бэелүүлэгты. Юуб гэбэл, Эзэн Давид тушаа айладахадаа, «Өөрынгөө зараса Давидаар Би Өөрын арад түмэн Израилиие пилиштүүдэй ба хамаг дайсадайнь һабарһаа абаруулхаб» гэжэ айладхаа бэлэйл.

2 Хаан түрэнүүд 3:9

Хаан түрые Саулай гэр бүлэһөө шэлжүүлэн абаад, Давидые орон түрын нэгэ захаһаа нүгөө заха болотор, Даанһаа Бэһээр-Шээбэ хүрэтэр Израилиин болон Иудын хаан болгон табихаб гэжэ Эзэн Давидта тангариглаа бэлэй. Иигэжэ зэмэлжэ байгаа хадатнай, би энээниие бэелүүлхэб! Үгы һаам, Бурхан намайе шиидхүүжэн!

2 Хаан түрэнүүд 5:2

Урид Саулай манай хааншье байха үедэ та Израилиин арад зониие байлдаануудта ударидажа, сэрэг хододоо илалта туйлаад бусадаг байгаа. Тиигээд Өөрынь арад түмэн болохо Израилиие танай ударидаха, удамаршан болохо тухай Эзэн танда найдуулан айладхаһан бэлэйл.

2 Хаан түрэнүүд 9:8

Мэпибоошэт дахин мүргэбэ: – Богоолтнай үхэһэн нохойһоо дээрэ бэшэл. Хэн аад, би танай хайрада хүртэнэ гээшэбиб?!

4 Хаан түрэнүүд 8:13

Хазаһээл тэрээндэ: – Иимэ муухай хэрэг үйлэдэхэ аалби? Би танай зараса, амин хайрата нохой ха юмбиб… – Эзэн минии зүүдэндэ бии болоо, – гэжэ Элишаа хэлэжэ эхилбэ. – «Шамайе Араамай хаан болгохо» гэжэ Тэрэ намда хэлээ.

Псалманууд 76:10

Бурхан хайрлахаа мартаа юм гү? Уурлан, үршөөлөө хуряагаа гээшэ гү? [Хүгжэм]

Исай 37:23

Хэниие доромжолон-наадалан байһанаа мэдэнэ гүш? Хэн руу шангаар бадашажа, хэн руу бардамлан харанабши?! Намайе, Израилиин арюун Бурханиие, дайран доромжолоош.

Хуули дабталга 23:18

Эзэн Бурханайнгаа үргөө руу ямаршье ёһо гуримаар үндэһэлэн янхан эхэнэрэй гү, али янхан эрын олоһон мүнгэ бү оруулагты. Юуб гэхэдэ, эдэ бүгэдэ Эзэн Бурхандатнай жэгшүүритэй муухай юумэн гээшэ.

1 Хаан түрэнүүд 15:28

Самуил тэрээндэ: – Эзэн мүнөөдэр шамһаа Израилиин хаан түрэ таһалан абаа, тэрэниие шамһаа үлүү хүндэ үгэбэ.

1 Хаан түрэнүүд 17:43

Тэрэ Давидта: – Ши юундэ нам руу модо барижа ерэбэш? Би нохой юм гүб? – гэбэ. Пилишт хүн өөрынгөө бурхадые дурдан, Давидые харааба шэрээбэ.