2 Хаан түрэнүүд 24:22 - Библи

²² Арунаа Давидта: – Үндэр түрэлтэ хаан! Хэрэгтэй юумэеэ бултыень абажа үргэгты. Харагты, эндэ түгэс шатаалта үргэлдэ хэрэгтэй эбэртэ бодо мал байна. Түлеэндэ гэжэ үхэрэй хөөмэгшэнүүд, таряа үйрүүлдэг хабтанууд бии.

2 Хаан түрэнүүд 24:22 ပူးပေါင်းရင်းမြစ်များ

Эхин 23:11

– Үгы, нүхэр! Һайн хүн боложо, энэ газар агытайнь хамта намһаа бэлэг болгон аба. Минии угайхид гэршэ болохо: би энэ газараа һамгаяа хүдөөлүүлхыеш бэлэглэнэб!

3 Хаан түрэнүүд 19:21

Элишаа тэрэниие орхин ошожо, нэгэ паар үхэрые тахил болгон үүсэлэн гаргаад, буулгыень эбдэн түлижэ, үхэрэй мяха шанаад, зондо үгэбэ, тэдэнь эдибэ. Удаань тэрэ ошожо, Элияа гэгшын туһамаршан болоод, дахаад ябаа һэн.

1 Угай бэшэг 21:22

Давид Арнаанда иигэжэ хэлэбэ: – Гүмнөөгөө намда худалдыш. Зонһоо гай гасалан һалгаахын тула шинии гүмнөө дээрэ Эзэндэ үргэлэй шэрээ бодхоохо һанаатайб. Дүүрэн үнэ сэнгээрнь намда худалда.

Ударидагшад 6:26

Тиимсээрээ хабсагай дээрэ Эзэндэ, өөрынгөө Бурханда үргэлэй шэрээ барижа бүтээгээд, отологшо Ашэраагайнгаа модо түлеэн болгожо тэрээн дээрээ хээд, үшөө тэрээн дээрээ бухаяа табяад, тэрэнээ түгэс шатаалта үргэл болгон асара.

1 Хаан түрэнүүд 6:14

Тэргэ Бэт-Шээмэшэй Ёшуһаа гэдэг хүнэй таряаланда ерэжэ, томо шулуунай хажууда тогтобо. Тэдэ зон тэргын модо хахалан, үнеэнүүдые Эзэндэ түгэс шатаалта үргэл болгон үргэбэ.