2 Хаан түрэнүүд 22:44 - Библи

⁴⁴ Арад түмэнэймни буһалгаанһаа намайе абараат, бусад арадуудые ударидахаар намайе үлөөгөөт. Урид минии мэдээгүй яһатан намда алба хэнэ.

2 Хаан түрэнүүд 22:44 ပူးပေါင်းရင်းမြစ်များ

2 Хаан түрэнүүд 19:14

Давидай үгэнүүд Иудын бүхы зоной зүрхэ сэдьхэл хүдэлгэжэ, түшэмэлнүүдтэеэ хамта бусахыень тэдэ хаанда дурадхаа һэн.

2 Хаан түрэнүүд 19:9

Израилиин бүхы обогуудай зон өөһэд хоорондоо иигэжэ арсалдажа эхилбэ: – Хаан бидэниие дайсадһаа, пилиштүүдэй һабарһаа абаран сүлөөлөө. Харин мүнөө Абшалоомһоо боложо, хаан газар нютагһаа тэрьедээ.

2 Хаан түрэнүүд 20:22

Тиигээд тэрэ эхэнэр хотын зон руу ошожо, сэсэн үгэ хүүрээрээ тэдэниие үгэдөө оруулба. Тэдэ Бихриин хүбүүн Шэбаагай толгой отолжо, Ёһааб руу шэдэбэ. Тиигээд Ёһаабай эбэр бүреэгээр үлеэхэдэ, сэрэг хотоһоо таран ябажа, өөр өөрынгөө гэр руу бусаба. Ёһаабшье мүн лэ Иерусалим руу хаанда бусаа һэн.

2 Хаан түрэнүүд 3:1

Саулай гэр бүлын тала баригшадай, мүн Давидай тала баригшадай хоорондо удаан сагта хёморолдоон үргэлжэлбэ. Давид улам хүсэтэй боложо, харин Саулай гэр бүлын тала баригшад улам доройтожол байба.

2 Хаан түрэнүүд 5:1

Удаань Израилиин бүхы обогууд Хэброон руу, Давидта ерээд хэлэбэ: – Бидэ танай мяха шуһанай таһардаһан бэлэйлди.

Псалманууд 110:6

Тэрэ хадаа үндэһэтэдэй угай зөөри – орон нютагыень Өөрын арад түмэндэ эзэмшүүлжэ, ל Лаамэд Өөрын хэрэгүүдэй хүсэ шадалые элирхэйлээ. מ Мээм

Псалманууд 2:8

Намһаа гуй! Би үндэһэ арадуудые шинии мэдэлэй болгохоб, дэлхэйе заха хизаартайньшье шинии болгохоб.

Исай 55:4

Би тэрэниие арадуудта гэршэ, арадуудай удамарша ба захирагшаар табяаб.

Исай 55:5

Хариин зониие, хэзээдэшье мэдээ-таняагүй арадуудые таанадай дуудахада, тэдэ тан руу шамдан ерэхэ. Минии, таанадай Эзэн Бурханай, таанадые алдаршуулһан Израилиин арюун Бурханай түлөө эдэ бүгэдэ хэгдэхэ».

Исай 60:12

Харин шамда алба хэхэеэ һанаагүй үндэһэ яһатад бүримүһэн усадхагдаха. Иимэ арадууд үгы хэдэхэ.

Исай 65:1

Эзэн иигэжэ айладхана: Намайе гуйгаагүй зондо Би Өөрыгөө элирхэйлээб, Намайе бэдэрээгүйшүүлдэ Өөрыгөө олуулааб. Нэрыем дуудаагүй арад зондо «Би эндэ байнаб! Би эндэб!» гэжэ байгааб.

Даниил 7:14

Засаг, соло, хан түрэ Тэрээндэ үгтэжэ, бүхы яһатад, арадууд, обогууд тэрэнэй засаг мэдэрээ. Зонхилолтонь – хэтэ мүнхын, хэзээшье дууһахагүй, хан түрэнь һандархагүй бүхэ.

Һошээ 2:23

Энэ арадые газар дэлхэйдэ олошоруулан үдүүлхэб, «Юрөөл хэшэггүй» гээд урдандаа нэрлэгдэдэг арад зондо нигүүлэсхы абари зан үзүүлхэб, «Минии бэшэ» гээд нэрлэдэг арад зоноо «Минии арад түмэн» гээд хэлэдэг болохоб, тиихэдэм тэдэ Намайе «Та манай Бурхан» гээд хэлэхэл.

Римэйхиндэ 15:12

«Ишайн үри һадаһан бии болохо, Тэрэ бусад арадые захирхаяа ерэхэ, харин тэдэнэрынь Тэрээндэ найдажа байха», – гэжэ баһа Исай хэлэнэ.

Римэйхиндэ 9:25

Тон тиигэжэл Эзэн Һошээгэй ном соо хэлэнэ: «Минии арад бэшэшье һаань, Би тэдэниие Өөрын арад болгохоб. Дурагүй байһан яһатандаа Би хайра дуратай болохоб».

Хуули дабталга 28:13

Сахин дүүргэжэ байхыетнай минии мүнөөдэр дамжуулан хэлэжэ байһан Эзэнэй захяа заабаринуудые дүүргэжэ байгаа һаатнай, Тэрэ таанадые дахагшад бэшэ, удамаршад болгохо, тиихэдэнь доройтонгүй, хододоо амжалтатай ябадаг байхат.

Гэршэлгэ 11:15

Долоодохи Эльгээмэл бүреэгээ дуугаргаба. Тиихэдэнь тэнгэридэ иигэжэ шангаар дуугарха абяанууд дуулдаба: – Дэлхэйн засаг түрэ Эзэн Бурханаймнай, Тэрэнэй Табисууртын засаг түрэ болоо. Тэрэ засаг түрые Бурхан хэтэ мүнхэдөө барижа байха.