2 Хаан түрэнүүд 21:6 - Библи

⁶ Тэрэнэй уг удамһаа долоон эрэ зониие маанадта тушаажа үгэгты. Бидэ Эзэнээр шэлэгдэһэн Саулай Гибаада Эзэнэй урда тэдэниие боожо алахабди, – гэжэ тэдэ хаанда хэлэбэ. – Тэдэниие таанарта үгэхэб, – гээ һэн Давид.

2 Хаан түрэнүүд 21:6 ပူးပေါင်းရင်းမြစ်များ

Эхин 40:19

Гурба хоноод байхада Египедэй хаан таниие түрмэһөө гаргажа, толгойетнай таһа сабшаад, бэеыетнай модондо үлгэхэ. Тиигээд шубууд үхэһэн бэеыетнай тоншожо эдихэ.

Эхин 40:22

Харин ахамад манзашаниие үлгэбэ. Иигэжэ бүгэдэ Иосифой хэлэгшэ, таагшаар болобо.

2 Хаан түрэнүүд 17:23

Ахитоопэл өөрынь зүбшэл заабариин тоогдоогүй байһые хараад, элжэгээ эмээллэн, түрэлхи хото руугаа гэртээ бусан ерэжэ, гэр бүлэдөө гэрээд үгэеэ хэлээд, бэеэ боожо алаба. Тэрэ эсэгынгээ булашада хүдөөлүүлэгдөө һэн.

2 Хаан түрэнүүд 18:10

Нэгэ хүн тэрэниие хараад, Ёһаабта дуулгаба: – Абшалоомой сарса модондо үлгэлдөөд байһые би харааб.

2 Хаан түрэнүүд 19:28

Минии үбгэ эсэгын гэр бүлэ хаанай урда юуншье бэшэ, үхэл тарааха зон байгаашье һаань, та намайе өөрынгөө шэрээдэ, тантай хамта эдеэ хоол баридаг зоной дунда һуулгаат. Би юундэшье гомдохо эрхэгүйб, – гэжэ Мэпибоошэт харюусаба.

1 Угай бэшэг 12:3

Гибаа нютагай Шэмаагай хүбүүд, ехэнь Ахиээзэр, тэрэнэй удаа Ёһааш; Азмаавэдэй хүбүүн Езиһээл ба Пээлэт; Анатоот хотын Бэрахаа ба Еһүү;

Эзраа 6:11

Иигэжэ захирнаб: хэн энэ захиралтыемни дүүргэнэгүйб, тэрэнэй гэрэйнь модон һугалагдажа абтаха, өөрөө тэрэ модондоо һуулгагдан алуулагдаха, гэр байрань һандаргагдаха.

Матвей 27:5

Иуда асарһан мүнгэеэ Һүмэ соо хаяад, газаашаа гаража, боожо үхэбэ.

Хэрэгүүд 13:21

Һүүлдэ хааниие манда үгыт гэжэ израильшуудай гуйхадань, Бурхан тэдэндэ Бэньямиинэй угсаатанай Киишэй Саул хүбүүе үгэбэ, тиин тэрэнь дүшэн жэлэй туршада хаан шэрээдэ һууба.

Хуули дабталга 21:22

Хэн нэгэнэй ами наһыень таһалдуулма гэмтэ ябадал хээ гээшэ һаань, тэрэниие алахадаа, бэеынь модондо үлгэжэ,

Нүүнэй Иисүүс 10:26

Тиигээд Иисүүс тэдээниие хадхан алаад, табан модон дээрэ үлгөө; үдэшэ болотор тэдэ модондо үлгөөтэй байгаа.

Нүүнэй Иисүүс 8:29

Һай хотын хааниие модондо үлгөө. Үдэшэ болотор хаан тэрэ модон дээрэ үлгөөтэй байгаа. Наранай ороходо Иисүүсэй захиралтаар модонһоо абаад, хотын ханын хаалгын хажууда хаяа, обоо шулуугаар булаа. Тэрэ обоонь мүнөөш хүрэтэр бии.

1 Хаан түрэнүүд 10:1

Самуил һабатай оливын тоһо абажа, Саулай толгой дээрэ адхаад, тэрэниие таалаад хэлэбэ: – Эзэн Өөрын угай баялигай захирагша болгон, шамда тоһо түрхин ёһолно.

1 Хаан түрэнүүд 10:24

Самуил бүхы арад зондо соносхобо: – Эзэн хэниие шэлээб гэжэ ойлгон харана гүт? Бүхы арад түмэнэй дунда энэ хүнтэй зэргэсэхэ хүн үгы! Тиимэһээ бүхы зон баярлан хашхаралдаба: – Хаан мандаха болтогой!

1 Хаан түрэнүүд 10:26

Саулшье баһал Гибаадахи гэр руугаа бусаба. Бурханай зүрхэ сэдьхэлыень хүдэлгэһэн ушарһаа зориг ороһон зарим улад зон тэрэниие дахаба.

1 Хаан түрэнүүд 11:4

Элшэнэр Саулай Гибаа руу ерэжэ, эдэ үгэнүүдые арад зондо дуулгаба. Тиихэдэнь бүхы зон шангаар уйлалдаба.

1 Хаан түрэнүүд 24:21

Мүнөө одоо би мэдэнэб: ши заабол хаан болохош, Израилиин хаан түрэ заабол шинии гарта орохо.

1 Хаан түрэнүүд 24:22

Минии һүүлээр үлэхэ уг удамыемни усадхахагүй, нэрыемни эсэгымни гэр бүлэһөө таһалхагүй тухай ши Эзэнэй нэрээр намда тангаригла, – гэжэ хэлэбэ.