2 Хаан түрэнүүд 21:16 - Библи

¹⁶ Абарга томо бэетэй Рэпаиимэй үри һадаһан Ишбиибэнооб Давидые алахаяа һанаба. Гуулин жадань гурбан зуун шээкэл жэнтэй, тэрэ шэнэхэн һэлмэ зүүһэн байгаа.

2 Хаан түрэнүүд 21:16 ပူးပေါင်းရင်းမြစ်များ

Эхин 14:5

Тиимэһээ арбан дүрбэдэхи жэлдээ Элаам уласай хаан Хэдорлаһоомэр, тэрээнтэй эб холбоо байгуулһан хаашуул сэрэгээ Сиддимэй нюруу руу оруулхын урда тээ урда зүг руу шэглэн, Ханаһаан ороной Аштэроот-Карнааһим хотын рэпаиим гэдэг обог зонтой дайлалдажа диилэбэ. Удаань тэдэ Һаам хотые эзэлэн, зузиим яһатаниие илаба. Һүүлдэнь Шабээ-Кириатааим гэдэг тала нютагта оршодог эмиим обог зониие диилээ бэлэй.

Эхин 6:4

Бурханай хүбүүдэй хүн түрэлтэнэй басагадтай ханилхада, тэдэнь түрэжэ, түрэһэн хүүгэдынь абарга мантан бэетэйнүүд байгаа. Тэдэ эртэ урдын нэрэ солотой баатарнууд болоно.

2 Хаан түрэнүүд 21:18

Тэрэнэй удаа Гообто пилиштүүдтэй үшөө нэгэ байлдаан болоо. Хушаа нютагтай Сиббэхай тиихэдэ абарга томо бэетэй Рэпаиимэй үри һадаһан Саап гэгшые алаа.

2 Хаан түрэнүүд 21:20

Гаадта дахин тулалдаанай болоходо, гар, хүлдөө зургаан хургатай, бүхыдөө хорин дүрбэн хургатай, абарга бэетэй эрэ хүн тэндэ байба. Тэрэ хүн баһал Рэпаиимэй үри һадаһан байгаа.

2 Хаан түрэнүүд 21:22

Эдэ дүрбэн Гаадай абарга томо бэетэй Рэпаиимэй үри һадаһад байгаа, Давидта болон тэрэнэй хүнүүдтэ алуулаа.

2 Хаан түрэнүүд 5:18

Пилиштүүд ерэжэ, Рэпаиимэй хүндыдэ таран тогтобо.

Тоололго 13:22

Тэдэ ошожо, Циин губиһаа эхилээд, Лэбоо-Хамаат руу ябаха харгыда оршодог Рэһооб хүрэтэрхи газар шэнжэлэн тагнаба.

Тоололго 13:28

Тиигээд тэдэнэр Моисейдэ иигэжэ хэлэбэ: – Бидэ эльгээһэн газартатнай ошообди. Бүхы эдеэ хоолоор элбэг дэлбэг орон нютаг байна. Тэрэ газарай дээжэнь энэ мүн.

Хуули дабталга 1:28

Юундэ тиишээ ошохобибди? Бидэ айнабди. Тэндэхи зон маанадта орходоо томо, үндэршье, хотонуудынь мантан, огторгой тулама хэрэм ханануудтай гэжэ тагнуулаар ошоһон зомнай дуулгаа һэн. Тэндэ айхабтар томо бэетэй Анаагай үри һадаһадые тэдэ хараал!»

Хуули дабталга 2:10

(Урдань Аарта анаакшууд мэтэ хүсэтэй, угаа олон, үндэр эмиимүүд гэдэг арад зон ажаһуугаа.

Хуули дабталга 2:11

Тэдэниие анаакшуудтал адляар рэпаиимүүд гээд тоолохо, теэд Моһаабай зон тэдэниие эмиимүүд гээд нэрлэдэг.

Хуули дабталга 2:21

Анаак гэгшын үри һадаһад мэтэ замзууммшууд хүсэтэй, угаа олон, үндэр бэетэй арад бэлэй. Аммоонуудай замзууммшуудые хюдахадань, Эзэн туһалаа һэн. Иигэжэ тэдэнэй газарые аммоонууд эзэмдэжэ байрлаа бэлэй.

Хуули дабталга 3:11

(Башаанай хаан Оог рэпаиимүүдэй дундаһаа эгээл һүүлшын үлөөшэнь бэлэй. Тэрэнэй шулуун хуурсаг мүнөөшье болотор аммоонуудай Раббаа хотодо байһаар: утань юһэн, үргэниинь эрэ хүнэй дүрбэн тохой болохо юм.)

Хуули дабталга 9:2

Зониинь арсалан хүсэтэй, үндэр бэетэй гэжэ Анаак гэгшын уг залгамжалагшад тухай, хэншье тэдэниие диилэжэ шадахагүй тухай дуулаһан байхат.

Нүүнэй Иисүүс 11:22

Израилиин хүбүүдэй газар дээрэ анаакшуудһаа нэгэш хүн үлөөгүй, гансал Гаазада, Гаадта ба Ашдоодто үлөө.

Нүүнэй Иисүүс 15:14

Тиигээд Халээб тэндэһээ Анаагай хүбүүдые: Шэшайе, Ахимааниие ба Талмаайе, Анаагай үхибүүдые үлдөө.

1 Хаан түрэнүүд 17:7

Тэрэнэй жадын эшэ нэхэдэг годоо модонтой адли бүдүүн, жадынь үзүүр зургаан зуун шээкэлэй шэгнүүртэй байба. Бамбай үргэгшэнь тэрэнэй урда ябаба.