2 Хаан түрэнүүд 21:12 - Библи

¹² ошожо, Ябээш-Галаадай зонһоо Саулай болон тэрэнэй хүбүүн Ёнатаанай яһануудые абаба. (Гилбооһа хада дээрэ пилиштүүдэй Саулые алажа, Бэт-Шаан хотын зоной суглардаг талмай дээрэ бэенүүдыень үлгэхэдэ, Ябээш-Галаадай зон тэдэниие һэмээхэн абаһан байгаа.)

2 Хаан түрэнүүд 21:12 ပူးပေါင်းရင်းမြစ်များ

2 Хаан түрэнүүд 1:21

Оо, Гилбооһын уула хаданууд, таанад дээрэ шүүдэр бү унаг, бороо бү орог, таряалангууд хододоо хооһон байг лэ! Юуб гэхэдэ, эрэлхэг зоригтойшуулай бамбай, Саулай тоһо түрхюулһэн бамбай тэндэ бузарлагдаба.

2 Хаан түрэнүүд 1:6

Давидта тэрэ иимэ харюу үгөө һэн: – Тушаан болон дайралдажа, би тиихэдэ Гилбооһа хадада байгааб. Жада дээрээ тонгойһон Саулые хараа һэм, дайшалхы тэргэнүүд ба морин сэрэгүүд тэрэниие хүсэжэ байгаа бэлэй.

2 Хаан түрэнүүд 2:4

Иудын обогой зон ерэжэ, тэндэ Давидые Иудын хаан болгон, тоһо түрхин ёһолол хэбэ. Ябээш-Галаадай зон Саулые хүдөөлүүлээ гэжэ дуулахадаа,

2 Хаан түрэнүүд 21:11

Айяагай басаган, Саулай бага һамган Рицпаагай юу хэһые Давид дуулахадаа,

2 Хаан түрэнүүд 21:13

Давид Саулай болон Ёнатаанай яһануудые тэндэһээ асаржа, үлгүүлһэн долоон хүнэйшье яһа суглуулаад асарба.

1 Угай бэшэг 10:1

Пилиштүүд Израильтай дайлалдан, Израилиин зон пилиштүүдһээ тэрьедэжэ, Гилбооһа уулада алдалан унаба.

1 Угай бэшэг 10:12

бүхы сэрэгшэдынь ошожо, Саулай болон тэрэнэй хүбүүдэй бэенүүдые абажа, Ябээштэ асарба. Тиигээд яһыень Ябээшдэхи сарса модон доро хүдөөлүүлбэ. Тэдэ долоон хоног масаглаа һэн.

1 Угай бэшэг 10:8

Үглөөдэрынь пилиштүүд алагдаһан зониие тонохоёо ерэхэдээ, үхэһэн Саулай болон тэрэнэй гурбан хүбүүдэй бэенүүдые Гилбооһа уула дээрэ олобо.

Нүүнэй Иисүүс 17:11

Иссахаарай ба Ашээрэй хажууда Бэт-Шэһаан ба тэрээнтэй холбоотой газарнууд, Иблэһаам ба тэрээнтэй холбоотой газарнууд, Доорой, Эн-Доорой зон ба тэдээнтэй холбоотой газарнууд, Таанаахай зон ба тэрээнтэй холбоотой газарнууд, Мэгиддооной зон ба тэрээнтэй холбоотой газарнууд, Наапет гурбадахи хуби Мэнашшээгэй мэдэлдэ үгтэнхэй.

1 Хаан түрэнүүд 28:4

Пилиштүүд сугларан ерэжэ, Шүнээмдэ хотон хүреэнээр тогтоходонь, Саулшье бүхы Израилиие суглуулжа, Гилбооһада хотон хүреэнээр тогтобо.

1 Хаан түрэнүүд 31:1

Пилиштүүд Израильтай дайлалдан, Израилиин зон пилиштүүдһээ тэрьедэжэ, Гилбооһа уулада алдалан унаба.

1 Хаан түрэнүүд 31:3

Саулые тойроод ехэ байлдаан бужаганажа, һурша ном харбагшад тэрэниие харбажа, хүндөөр шархатуулба.

1 Хаан түрэнүүд 31:4

Тиихэдээ Саул өөрынь зэр зэбсэгые үргэгшэдэ: – Ши һэлмэеэ һугалаад, намайе хадхажа ала. Бэлгэеэ отолуулаагүй эдэ хүнүүд ерэжэ, намайе хадхан алажа, доромжолхол, – гэбэ. Теэд зэр зэбсэгынь үргэгшэ ехэ айжа, тэрэ захиралтыень дүүргэжэ шадабагүй. Саул һэлмэ абажа, дээрэнь унашаба.