2 Хаан түрэнүүд 21:10 - Библи

¹⁰ Айяагай үхин Рицпаа уйдхар гашуудалай үедэ үмдэдэг шэрүүн нэмэргэ абажа, үлгүүлһэн зоной байгаа хабсагай дээрэ тэрэниие татан, ешмээн хадаха сагһаа эхилэн, намарай бороо хура болотор тэндэ байба. Үдэрынь тэнгэриин шубуудые, һүни хээрын арьяатаниие тэрэ үргөөн, үхэһэн бэенүүдтэ хүргүүлбэгүй.

2 Хаан түрэнүүд 21:10 ပူးပေါင်းရင်းမြစ်များ

Эхин 40:19

Гурба хоноод байхада Египедэй хаан таниие түрмэһөө гаргажа, толгойетнай таһа сабшаад, бэеыетнай модондо үлгэхэ. Тиигээд шубууд үхэһэн бэеыетнай тоншожо эдихэ.

2 Хаан түрэнүүд 21:11

Айяагай басаган, Саулай бага һамган Рицпаагай юу хэһые Давид дуулахадаа,

2 Хаан түрэнүүд 3:7

Саулда Рицпаа гэдэг бага һамган байһан байгаа. Тэрэ хадаа Айяа гэгшын үхин һэн. Иш-Боошэт Абнээрые зэмэлбэ: – Юундэ ши минии эсэгын бага һамгантай унтаабши?

3 Хаан түрэнүүд 21:27

Эдэ үгэнүүдые дуулахадаа, Ахааб хубсаһа хунараа удара татан, шэрүүн таар хубсаһа үмдэбэ. Тэрэ масаг барижа, таар соо унтажа, уруу дуруу юумэн байба.

Ерэмияа 14:22

Нэгэшье үндэһэ яһатадай шүтөөн бороо оруулжа шадахагүй. Огторгой өөрөө аадар бороо хайрлахагүй. Тандаал, Эзэндэ, манай Бурханда, бидэ найданабди. Эдэ бүгэдые үйлэдэгшэнь Тал гээшэт.

Эзэкээл 39:4

Ши сэрэгтэеэ, мүн шинии түлөө хүлһөөр дайлалдажа байгааша хариин сэрэгшэдтэеэ хамта тэрэ хада ууланууд дээрэ үхэлөө олохош. Иигэжэ ан арьяатанай, шубуу шонхорой хүнэһэн болохош.

Һошээ 6:3

Зай, иигээд Эзэниие мэдэхэеэ эрмэлзэдэг болоё. Тэрэнэй залархань үүрэй толон мэтэ яг сагтаа, газар дайдые уһалдаг бороо мэтэ Тэрэ заларжа, маанадые һэргээхэл».

Ёһээл 1:18

Үргүүлхэ туйлдаа хүрэһэн адагуусанай шэмхэхэ ногоон үгы болобо. Хонин хоол олохо шадалгүй хосоржо байна.

Ёһээл 2:23

Сионой хүбүүд, хүхюутэй байгты, танай Бурхан, Эзэн бороо үршөөбэ. Урдынхидаал адли хабаршье намаршье хура бороо асаржал байха.

Захарияа 10:1

Хабартаа Эзэнһээ бороо гуйгты. Эзэнэй хайраар аадарай үүлэн бии боложо, бороо орохо. Хүн бүхэнэй таряалан дээрэ таряан ургаха.

Хуули дабталга 11:14

хабарай ба намарай үедэ, юрэдөө, хэрэгтэй сагтань Эзэн танай газарта бороо хура эльгээхэ. Тиихэдэнь таанад таряа талхатай, үзэмэй дараһан архитай, оливын тоһотой байхат.

Хуули дабталга 21:13

баряанда байһанайнгаа хубсаһа һэлгэг. Тиигээд гэртэшни байжа, һарын туршада эсэгэ, эхэ тухайгаа гашуудаха. Һүүлдэнь ши тэрэнэй үбгэн, тэрэшни шинии һамган болохо аргатай.

Хуули дабталга 21:22

Хэн нэгэнэй ами наһыень таһалдуулма гэмтэ ябадал хээ гээшэ һаань, тэрэниие алахадаа, бэеынь модондо үлгэжэ,

Хуули дабталга 21:23

һүниндөө модондо орхихо ёһогүйт. Тэрэл үдэр тэрэниие хүдөөлүүлэгты, юуб гэхэдэ, модондо үлгөөтэй хүн Бурханай урда хараалай ехэ хараалтай. Эзэн Бурханайнгаа эдлэхыетнай үгэжэ байһан газар дайда бү бузарлагты.

1 Хаан түрэнүүд 17:44

Тиигээд Давидта: – Ерэ наашаа, би шинии бэе огторгойн шубуу шонхорто, хээрын ан арьяатанда үгэхэб, – гэжэ занаба.

1 Хаан түрэнүүд 17:46

Мүнөөдэр Эзэн шамайе минии гарта үгэхэ. Би шамайе алаад, толгойешни бэеһээшни таһалхаб. Мүнөөдэр би пилишт сэрэгшэдэй һэенүүдые огторгойн шубуу шонхорто, хээрын ан арьяатанда үгэхэб. Бүхы улад Израильда Бурхан бии гээд мэдэдэг болохо.