2 Хаан түрэнүүд 20:9 - Библи

⁹ Ёһааб Амасаада: – Ахай, та һайн гүт? – гэжэ хэлээд, Амасаае таалахаяа баруун гараараа һахалыень бариба.

2 Хаан түрэнүүд 20:9 ပူးပေါင်းရင်းမြစ်များ

2 Хаан түрэнүүд 15:5

Хэн нэгэнэй тэрээндэ дүтэлжэ, һүгэдэн мүргэхэ гэбэл, тэрэ тэбэрин тааладаг һэн.

2 Хаан түрэнүүд 17:25

Абшалоом Ёһаабай орондо Амасаа гэгшые сэрэгэй ударидагшаар томилоо. Амасаа хадаа Езрээл хотын Итраа гэгшын хүбүүн; тэрэнэй эхэнь Абигааһил, Абигааһил гээшэ Наһаашай басаган, Ёһаабай эхэ Цэруяагай дүү бэлэй.

2 Хаан түрэнүүд 18:29

Хаан асууба: – Абшалоом хүбүүн мэндэ гү? – Танай жанжин Ёһаабай намайе эльгээхэ үедэнь би нэгэ ехэ шууяанай боложо байхые шагнаа һэм. Теэд юун болоһыень мэдэнэгүйб, – гэжэ Ахимаац харюусаба.

2 Хаан түрэнүүд 3:27

Иигээд Абнээрэй Хэброондо асарагдахада, Ёһааб тэрээнтэй хүнгүйгөөр хөөрэлдэхэеэ бартаанууд тээшэ абаашаад, гэдэһэ руунь хадхажа алаба. Ёһаабай дүү Асаһээлые алаһанайнгаа түлөө иигэжэ Абнээр наһа бараа бэлэй.

3 Хаан түрэнүүд 2:32

Давид эсэгымни мэдээгүй байтар Ёһааб ямаршье зэмэгүй, өөрһөөнь һураггүй эрхим хоёр хүниие – Нээрэй хүбүүн, Израилиин жанжин Абнээрые, мүн тиихэдэ Етээрэй хүбүүн, Иудын жанжин Амасаае һэлмээр сабшан алаа һэм шуу. Эзэн энэ шуһые өөрынь толгой дээрэ буулгаха.

Һургаал 26:23

Хэбрэг шабараар хэһэн һуулгые хэдышье мүнгөөр үнгэлхэдэ, үнэ орохогүй. Муу сэдьхэлһээ хэлэһэн альбан үгэнүүд тэрээндэл адли.

Һургаал 27:6

Хайрлаха нүхэр ойлгомторгүй шархатуулжа болохо, үзэн ядагша һаймһаран таалажа болохо.

Ерэмияа 41:2

Нэтаанияагай хүбүүн Ишмаһээл болон тэрээнтэй хамта ерээшэ арбан хүн һэлмэнүүдээ гаргаад, орон нютагай захирагшаар Вавилооной хаанай табиһан Шапаанай аша, Ахикаамай хүбүүн Гэдаалияае алаба.

Михей 7:2

Бурханда үнэн сэхэ зон энэ газар дээрэ үгы болоо. Зоной дунда зүб шударга хүн байхагүй. Шуһа урасхуулхаяа хүн бүхэн худал хэрэглэнэ, аха дүүнэртээ урьха занга табина.

Ударидагшад 3:15

Израильшууд Эзэндэ зальбаржа, дахин туһа эрибэд. Эзэн израильшуудые аршалан абархын тула Бэньямиинэй обогой Гэраагай һалгайбша хүбүүн Эһуудые тэдээндэ эльгээбэ. Тиихэдэнь израильшууд Моһаабай хаан Эглоондо бэлэг эльгээбэ.