2 Хаан түрэнүүд 2:5 - Библи

⁵ Давид тиишээ элшэнэрые эльгээжэ, ажаһуугшадта иигэжэ хэлэхыень захяа гэхэ: – Таанар өөһэдынгөө эзэн Саулда үнэн сэхэ байһанаа элирхэйлжэ, тэрэниие хүдөөлүүлһэндөө Эзэнэй урда буян хэшэгтэйт!

2 Хаан түрэнүүд 2:5 ပူးပေါင်းရင်းမြစ်များ

Эхин 14:19

иигэжэ үреэбэ: – Огторгой дэлхэй хоёрые бүтээһэн Дээдэ Бурхан таниие үреэхэнь болтогой!

Эхин 14:22

Гэбэшье Абрам иигэжэ харюусаба: – Һэтэрхэй зүүшье, түгдэрхэй тэбэнэшье танай зөөриһөө абахагүйб гэжэ огторгой газар хоёрые бүтээгшэ Дээдэ Эзэн Бурханай урда тангаригланаб. «Би Абрамые баян болгооб» гэжэ хожом танай хэлэжэ байхагүйн тула иигэнэб.

2 Хаан түрэнүүд 15:20

Ши һаял бидэндэ ерээш. Тиигээд хаагууршье ябахаяа мэдэхэгүй аад, би шамайе мүнөө намтай яба гэжэ баадхаха аалби? Ши өөрынгөө нютаг зониие абаад буса. Үршөөл хайратай, сэхэ сэбэр ябахатнай болтогой!

2 Хаан түрэнүүд 21:12

ошожо, Ябээш-Галаадай зонһоо Саулай болон тэрэнэй хүбүүн Ёнатаанай яһануудые абаба. (Гилбооһа хада дээрэ пилиштүүдэй Саулые алажа, Бэт-Шаан хотын зоной суглардаг талмай дээрэ бэенүүдыень үлгэхэдэ, Ябээш-Галаадай зон тэдэниие һэмээхэн абаһан байгаа.)

Нүүнэй Иисүүс 2:14

Тэдэ зон эхэнэртэ хэлэбэ: – Манай энэ хэрэг элирүүлээгүй һаатнай, манай һүнэһэн танай орондо үхэлөө олог; Эзэнэй манда газар үгэхэдэ, бидэ шамда һайниие хэхэбди, үнэниие нээхэбди.

Ударидагшад 21:8

Һүүлдэнь израильшууд бэе бэеһээ иигэжэ асуубад: «Израилиин бүхы обогуудһаа хэн Мицпаа хото Эзэнэй гэртэ ерээгүйб?» Галаадай Ябээшдэ ажаһуугшадһаа хэншье Эзэнэй гэртэ сугларалганда ерэбэгүй.

Рүүт 1:8

Наомии хоёр бэридээ иигэжэ хэлэбэ: – Эжы эжынгээ гэр руу бусагты даа. Наһа барагшадта болон намда энэрхы һайнаар хандадаг байгаат, Эзэн тон тиимээр таанарта харюулхань болтогой!

Рүүт 2:20

Наомии бэридээ: – Амиды болон нүгшэһэншье зониие энэрэлээрээ орхидоггүй Эзэн тэрэ хүниие үреэхэнь болтогой! Тэрэ хүн болбол бидэндэ ойрын түрэлэй хүн, бидэниие худалдан абаха эрхэтэнэй нэгэн юм, – гэжэ хэлэбэ.

Рүүт 3:10

Тиихэдэнь Бооһаз: – Басагамни, шамайе Бурхан буян хэшэгтэ хүртөөг! Гэр бүлэдөө үнэн сэхэ байһанаа урдынхиһаа үлүү һайнаар мүнөө харуулбаш, үгытэй, баяншье залуу хүнэй хойноһоо ябабагүйш.

1 Хаан түрэнүүд 11:1

Аммооной хаан Наһааш сэрэгээ ударидан ерэжэ, Ябээш-Галаадые бүһэлбэ. Ябээшэй бүхы зон Наһаашда: – Маанадтай хэлсээ баталаа һаашни, бидэ шинии албатан болохобди, – гэжэ хэлэбэ.

1 Хаан түрэнүүд 11:9

Тэдэ ерэһэн элшэнэртэ: – Ябээш-Галаадай зондо иигэжэ хэлээрэйгты: «Үглөөдэр үдын тэн багаар абарагдахат», – гэбэ. Тиигэжэ элшэнэр бусажа ерээд, Ябээшэй хүнүүдтэ дуулгахадань, тэдэнь баярлаба.

1 Хаан түрэнүүд 15:13

Самуилай Саулда ошоходонь, Саул тэрээндэ: – Эзэн таниие буян хэшэгтэ хүртөөхэнь болтогой! Би Эзэнэй захяа заабари бэелүүлээб, – гэбэ.

1 Хаан түрэнүүд 23:21

Саул: – Эзэн таанарые үреэхэнь болтогой. Юуб гэхэдэ, таанад намайе хайрлабат.

1 Хаан түрэнүүд 24:19

Эзэнэй шинии гарта намайе тушаажа байхадань, ши намайе алангүй, намда һайе үйлэдэжэ байһанаа мүнөөдэр элирхэйлээш.