2 Хаан түрэнүүд 2:32 - Библи

³² Тэдэ Асаһээлые абажа, Бэтлэһээмдэ оршодог эсэгынь булашада хүдөөлүүлбэ. Тиигээд Ёһааб өөрын сэрэгтэй хамта бүхэли һүниндөө ябан, үүр сайха үедэ Хэброондо хүрэбэ.

2 Хаан түрэнүүд 2:32 ပူးပေါင်းရင်းမြစ်များ

Эхин 47:29

Наһа бараха сагай ерэхэдэ, Израиль Иосиф хүбүүгээ дуудажа, иигэжэ хэлэбэ: – Хүбүүмни, ши үнэхөөрөө абадаа дуратай юм һаа, хүсэлыемни бэелүүлхэб гэжэ үгөө үгэ. Зай, хүбүүмни, ши энээниием бэелүүлхэ һаа, эртын заншалай ёһоор, абынгаа хоёр гуяын хоорондо гараа табяад, намда үршөөл хайраа, үнэн шударгаа үзүүлэн, энэ Египедэй нютагта яһыем орхихогүйб гэжэ тангаригла.

Эхин 47:30

Египедһээ гаргажа, үбгэ эсэгэнэрэймнай шарил хүдөөлүүлһэн Ханаһаан орон нютагта абаашажа, абаяа табяарай. – Абамни, хэлэһыетнай дүүргэхэб, – гэжэ Иосиф харюусаба.

2 Хаан түрэнүүд 2:31

Харин тэдэ өөһэдөө Абнээрэй сэрэгһээ гурбан зуун жаран бэньямииншуудые алаһан байба.

2 Хаан түрэнүүд 5:1

Удаань Израилиин бүхы обогууд Хэброон руу, Давидта ерээд хэлэбэ: – Бидэ танай мяха шуһанай таһардаһан бэлэйлди.

2 Угай бэшэг 16:14

Давидай хото соо өөртөө гэжэ тэрэнэй зохёогшо булаша бунхан соо тэрэниие хүдөөлүүлхэдөө, элдэб уталгануудаар, анхилма үнэртэй дабирхайнуудаар дүүргэһэн хүүр соо тэрэниие табяа бэлэй. Хүдөөлүүлхэдээ, иимэ уталгануудые угаа олоор мүн лэ ууюулаа һэн.

2 Угай бэшэг 21:1

Ёшапаат наһа баража, элинсэг хулинсагтаяа хамта Давидай хото соо хүдөөлүүлэгдөө һэн. Тэрэнэй орондо Иораам хүбүүниинь хаан шэрээдэ заларба.

Һургаал 22:29

Ажалдаа шадамар хүниие хараа гүш? Тэрэ хаанай урда зогсохо. Нэрэ түрэгүй юрын хүнүүдтэ алба хэхэгүй.

Ударидагшад 8:32

Ёһаашай хүбүүн Гидоон үндэр наһа наһалаад үхэбэ. Тиихэдэнь тэрэниие Абиээзэрэй хубаариин газарай Опраа хотодо хүдөөлүүлһэн эсэгынь агы нүхэн хуурсагта хүдөөлүүлбэ.

1 Хаан түрэнүүд 17:58

Саул Давидһаа: – Эдир хүбүүн, ши хэнэй хүбүүн бэлэйш? – гэжэ асууба. Давид: – Би танай богоол Бэтлэһээмэй Ишай гэгшын хүбүүмби, – гэжэ харюусаа һэн.