2 Хаан түрэнүүд 2:23 - Библи

²³ Теэд тэрэ болибогүй. Тиихэдэнь Абнээр жадын нүгөө үзүүрээр тэрэниие гэдэһэ руунь хадхаба, жада нюргаарнь нэбтэ гарашаба. Асаһээл унажа, тэрэл газартаа гээгдэшоо һэн. Тэрэнэй бэе газар дээрэ хэбтэнхэй, тэндэ ерэһэн зон бултадаа хажуудань тогтодог байба.

2 Хаан түрэнүүд 2:23 ပူးပေါင်းရင်းမြစ်များ

2 Хаан түрэнүүд 2:24

Харин Ёһааб болон Абишай Абнээрэй хойноһоо намнаба. Гибэһооной элһэн сүл губи руу ошоһон харгы дээрэ байдаг, Гииһаагай наана оршодог Аммаагай дабаанда наранай орожо байхада тэдэ хүрэжэ ерэбэ.

2 Хаан түрэнүүд 20:10

Харин Амасаа Ёһаабай гарта байһан һэлмэһээ болгоомжолбогүй. Ёһаабай Амасаае хэбэл руунь хадхахада, гэдэһэниинь газарта гоожобо. Тэрэ амяа табижа, Ёһаабай дахин тэрэниие хадхахань хэрэггүй болоод байгаа. Удаань Ёһааб болон тэрэнэй дүү Абишай Бихриин хүбүүн Шэбаагай хойноһоо мүрдэн ошобо.

2 Хаан түрэнүүд 3:27

Иигээд Абнээрэй Хэброондо асарагдахада, Ёһааб тэрээнтэй хүнгүйгөөр хөөрэлдэхэеэ бартаанууд тээшэ абаашаад, гэдэһэ руунь хадхажа алаба. Ёһаабай дүү Асаһээлые алаһанайнгаа түлөө иигэжэ Абнээр наһа бараа бэлэй.

2 Хаан түрэнүүд 3:30

Асаһээл дүүень Гибэһоондохи тулалдаанда Абнээрэй алаһандань Ёһааб ба тэрэнэй дүү Абишай гэгшэ иигэжэ Абнээрые алаа бшуу.

2 Хаан түрэнүүд 4:6

Гэрэй үүдэнэй хажууда орооһо илгажа байгша эхэнэр дууража унташаһан байгаа, тиимэһээ Рэхааб ба Баһанаае харабагүй.

2 Хаан түрэнүүд 5:6

Хаан өөрынгөө зонтой хамта Иерусалим руу, евүүсүүдэй урдаһаа добтолхоёо гараба. Тэрэ нютагай уул зон болохо евүүсүүд Давидта иигэжэ хэлэбэ: – Ши иишээ орожо шадахагүйш. Һохор, дохолоншье зон шамайе үлдэжэ гаргахал. Тэдэ Давидые хото руу нэбтэрэн орожо шадахагүй гэжэ һанажа байгаа.