2 Хаан түрэнүүд 19:1 - Библи

¹ Хаанай Абшалоомой хойноһоо уйлан гашуудажа байһан тушаа Ёһааб дуулаба.

2 Хаан түрэнүүд 19:1 ပူးပေါင်းရင်းမြစ်များ

Эхин 37:35

Хүбүүд, басагадынь һаатуулха, һамааруулха гэжэ ерэхэдэнь, Яков: – Үгы! Би үхэлэй орон руу ошон ошотороо хүбүүнэйнгээ хойноһоо уйлан гашуудан байхаб! – гэдэг байба.

2 Хаан түрэнүүд 18:12

тэрэ Ёһаабта хэлэбэ: – Намда мянганшье шээкэл мүнгэ үгөө һаань, би хаанай хүбүүндэ гар хүрэхэгүйб. Маанадай шагнажа байхада хаан танда болон Абишай, Иттай гэгшэдтэ «Абшалоом хүбүүе минии түлөө дүмөөрэйгты» гэжэ захираа бэлэйл.

2 Хаан түрэнүүд 18:14

Ёһааб иигэжэ хэлэбэ: – Би эндэ шамтай сагаа дэмы үнгэргэжэ байнаб. Тиигээд тэрэ ошоод, гартаа гурбан модо абаад, сарса модондо үлгэлдэнхэй, үшөө амиды байһан Абшалоомой сээжэ руу зообо.

2 Хаан түрэнүүд 18:20

Харин Ёһааб тэрээндэ иигэжэ харюусаба: – Үгы, ши мүнөөдэр һайн мэдээ асархагүйш. Ондоо үдэр мэдээ хүргэхэдэш болохо. Хаанай хүбүүн гээгдээ ха юм.

2 Хаан түрэнүүд 18:33

Тиихэдэнь хаанай сэдьхэл хүмэрижэ, тэрэ дээшэлэн, хаалгын дээрэхи таһалга руу орожо уйлаба. Тиишээ ошожо ябахадаа, Давид иигэжэ дабтан дуугаржа ябаа: – Минии хүбүүн Абшалоом! Хүбүүмни, Абшалоом хүбүүмни! Шинии орондо минии гээгдээ һаа, дээрэ байгаа. Абшалоом хүбүүмни, хүбүүмни!

2 Хаан түрэнүүд 18:5

Тэрэ Ёһаабта, Абишайда болон Иттайда иигэжэ захирба: – Минии түлөө Абшалоом хүбүүе дүмэгты, гар бү хүрэгты. Абшалоом тухай хаанай сэрэгэй бүхы ударидагшадта тиигэжэ захиржа байһые бүгэдэ зон шагнаа һэн.

2 Хаан түрэнүүд 19:2

Тиигээд тэрэ үдэр илалтань бүхы сэрэгшэдтэ гай гашуудал болон хубилба. Ушар юуб гэхэдэ, хүбүүн тухайгаа хаанай сэдьхэлээ үбдэжэ байһые зон дуулаһан, хэлсэһэн байгаа.

Һургаал 17:25

Тэнэг хүн эсэгын халаглал, түрэһэн эхын гуниг.

Захарияа 12:10

Давидай гэр, Иерусалимай зон сэдьхэл даруу номгон болохо, гэмээ наманшалан, нигүүлсэлтэ бодолоор хамаг зондо хандаха гэжэ оролдохо. Өөһэдөө жадаараа сүм хадхаһан хүнөө, Намайе тэдэ хараха, ууган хүбүүнэйнгөө түлөө гашуудажа байһан мэтэ гашуудаха.