2 Хаан түрэнүүд 18:9 - Библи

⁹ Луус унанхай Абшалоом Давидай зониие гэнтэ обёорбо. Тэдээнһээ тэрьедэжэ, томо сарса модоной һаглагар мүшэр доогуур луусай гарахадань, Абшалоомой толгойн үһэн мүшэртэ орёолдон, тэрэ тэнгэри газар хоёрой хоорондо үлгэлдэн үлэшэбэ. Унажа ябаһан луусынь саашалан ябашоо.

2 Хаан түрэнүүд 18:9 ပူးပေါင်းရင်းမြစ်များ

2 Хаан түрэнүүд 13:29

Абшалоомой зарасанар захирһанайнь ёһоор Амнооные алаба. Тиихэдэнь хаанай бүхы хүбүүд өөр өөрынгөө луус унаад, тэрьедэбэ.

2 Хаан түрэнүүд 14:26

Тэрэ угаа үдхэн үһэтэй бэлэй. Хүндэ, дарадаг байһан ушарһаань тэрэ жэл бүри үһэеэ хюһуулдаг һэн. Хюһуулаад, хаанай хэмжүүрээр хэмжэхэдэнь, үһэниинь хоёр зуун шээкэл татадаг байгаа.

2 Хаан түрэнүүд 17:23

Ахитоопэл өөрынь зүбшэл заабариин тоогдоогүй байһые хараад, элжэгээ эмээллэн, түрэлхи хото руугаа гэртээ бусан ерэжэ, гэр бүлэдөө гэрээд үгэеэ хэлээд, бэеэ боожо алаба. Тэрэ эсэгынгээ булашада хүдөөлүүлэгдөө һэн.

2 Хаан түрэнүүд 18:10

Нэгэ хүн тэрэниие хараад, Ёһаабта дуулгаба: – Абшалоомой сарса модондо үлгэлдөөд байһые би харааб.

2 Хаан түрэнүүд 18:14

Ёһааб иигэжэ хэлэбэ: – Би эндэ шамтай сагаа дэмы үнгэргэжэ байнаб. Тиигээд тэрэ ошоод, гартаа гурбан модо абаад, сарса модондо үлгэлдэнхэй, үшөө амиды байһан Абшалоомой сээжэ руу зообо.

2 Хаан түрэнүүд 18:8

Тэндэхи тулалдаан бүхы орон нютагаар дэлгэржэ, тэрэ үдэр һэлмээр сабшагдаһан зонһоо үлүү олон зон ой модон соо гээгдэһэн байба.

Һургаал 20:20

Эхэ эсэгэеэ хардаһан хүнэй амидаралай дэн унтарха.

Һургаал 30:17

Эсэгэеэ баһажа, эхэеэ тоодоггүй хүнэй нюдые хара хирээ тоншожо, харсага шубуун эдихэ.

Ерэмияа 48:44

Айжа тэрьедэһэн хэн нэгэн нүхэн руу унаха, нүхэнһөө гараашье һаа, тэрэ зангада баригдаха. Юуб гэбэл, Эзэн Моһаабай һандаргагдаха саг тодорхойлоо.

Матвей 27:5

Иуда асарһан мүнгэеэ Һүмэ соо хаяад, газаашаа гаража, боожо үхэбэ.

Марк 7:10

«Аба эжы хоёроо хүндэлэ», «Аба эжы хоёроо муушалһан хүн үхэлдэ хүртэхэ ёһотой» гэжэ Моисейгээр дамжуулан Бурхан хэлэһэн байгаа.

Галадуудта 3:13

Дээрэмнай бууха ёһотой байһан Хуулиин хэһээлтэһээ бидэниие Христоос аршалжа, тэрэ хэһээлтые Өөр дээрээ даажа абаа. Тиимэһээ Хуули соо баһа иигэжэ бэшэгдээтэй: «Модондо үлгөөтэй хүн хараалда хүртөө».

Хуули дабталга 21:23

һүниндөө модондо орхихо ёһогүйт. Тэрэл үдэр тэрэниие хүдөөлүүлэгты, юуб гэхэдэ, модондо үлгөөтэй хүн Бурханай урда хараалай ехэ хараалтай. Эзэн Бурханайнгаа эдлэхыетнай үгэжэ байһан газар дайда бү бузарлагты.

Хуули дабталга 27:16

«Эсэгэ, эхэеэ хүндэлдэггүй хүн хараалай ехэ хараал шэнгээхэ!» Бүхы арад зон харюусаха: «Болтогой!»

Хуули дабталга 27:20

«Эсэгынгээ һамгантай унтажа, нэрынь гутааһан хүн хараал шэнгээхэ!» Бүхы арад зон харюусаха: «Болтогой!»