2 Хаан түрэнүүд 17:9 - Библи

⁹ Мүнөө ямар нэгэ агы нүхэндэ гү, али ондоо тээ тэрэ хорожо байһан байха. Хэрбээ түрүүшын лэ байлдаанда танай сэрэг хороолгожо эхилээ һаань, энээниие дуулаһан зон «Абшалоомой сэрэг бута сохюулаа!» гэлдэхэ.

2 Хаан түрэнүүд 17:9 ပူးပေါင်းရင်းမြစ်များ

2 Хаан түрэнүүд 17:10

Тиигэбэл, арсаландал адли зоригтой хүнэйшье зоригынь мохохол. Юуб гэбэл, танай эсэгын зоригтойнь, тэрэниие дахаад ябаһан зоной эрэлхэгынь бүхы Израильда мэдээжэ.

2 Хаан түрэнүүд 17:8

Хээрэ талада гүлгэдөө буляалгаһан эмэ баабгайдал адли эсэгэтнай болон зониинь дошхон, зоригтой эрэшүүл гэдэгые та мэдэнэт. Танай эсэгэ дайнда мэргэшэһэн хүн, тэрэ сэрэгтэеэ хамта хоножо байхагүй.

Ерэмияа 41:9

Алаһан зоноо хаяһан нүхэниинь Асаа хаанай Израилиин хаан Баһашаада добтолуулхадаа малтаһан нүхэн байгаа. Тэрэ нүхые Нэтаанияагай хүбүүн Ишмаһээл зоной һэенүүдээр дүүргэбэ.

Нүүнэй Иисүүс 7:5

Һай хотынхид гушан зургаан хүниие алаад, хотынгоо хаалгаһаа Севарим хүрэтэр мүрдэн намнаа, тиигээд хадаһаа буухадань, бута сохёо. Тэрээнһээ арадай зүрхэн хайлаад, уһан шэнги болоо.

Нүүнэй Иисүүс 8:6

Тэдэ манай хойноһоо дахан мүрдэхэ, бидэ тэдээниие хотоһоо һамааруулхабди; манай зугадахада тэдэ: «Урданайхидал адли манһаа зугадаба», – гэлдэхэ.

1 Хаан түрэнүүд 22:1

Давид тэндэһээ ябажа, Адуллаамай агы руу зугадаба. Аханарынь болон түрэл гаралынь бултадаа тэрээн тухай дуулаад, Давидай байһан газарта ерэбэ.

1 Хаан түрэнүүд 23:22

Ошыт даа, бүри эли тодорхой болгон, тэрэнэй ошодог газар болон тэндэ тэрэниие хараһан хүн тухай һайса шалгажа үзэгты. Юуб гэхэдэ, тэрэниие угаа мэхэтэй хүн гэжэ би дуулааб.

1 Хаан түрэнүүд 24:3

Тиигээд Саул бүхы Израильһаа гурба мянган хүниие шэлэн абаад, Давидые болон тэрэнэй хүнүүдые бэдэрхэеэ янгирнуудай байрладаг хабсагайнууд руу ошобо.