2 Хаан түрэнүүд 17:23 - Библи

²³ Ахитоопэл өөрынь зүбшэл заабариин тоогдоогүй байһые хараад, элжэгээ эмээллэн, түрэлхи хото руугаа гэртээ бусан ерэжэ, гэр бүлэдөө гэрээд үгэеэ хэлээд, бэеэ боожо алаба. Тэрэ эсэгынгээ булашада хүдөөлүүлэгдөө һэн.

2 Хаан түрэнүүд 17:23 ပူးပေါင်းရင်းမြစ်များ

2 Хаан түрэнүүд 15:12

Абшалоом үргэл хэхэдээ хүниие ябуулжа, Давидай зүбшэгшэ Ахитоопэлые Гилоо хотоһоонь дуудажа асаруулба. Иигэжэ шанга нюуса хэлсээн байгуулагдажа, Абшалоомтой нэгэдэн ниилэхэ зоной тоо олон боложол байгаа бэлэй.

2 Хаан түрэнүүд 15:31

Хэн нэгэнэй Давидта: – Абшалоомтой нюуса хэлсээ хэгшэдэй дунда Ахитоопэл байна, – гэжэ хэлэхэдэнь, Давид: – Эзэн, Ахитоопэлэй зүблөөе ухаа удхагүй болгожо үгыт гэжэ би зальбарнаб, – гэбэ.

2 Хаан түрэнүүд 16:23

Тэрэ сагта Ахитоопэлэй зүбшэлнүүд Бурханһаа зүбшэл асуужа байһандал тоологдодог байгаа. Тэдэ Давидташье, Абшалоомдошье ехэ сэнтэй бэлэй.

2 Хаан түрэнүүд 17:22

Тиигэжэ Давид болон тэрээнтэй байгаа бүхы зон Иордан голые гаталан гараба. Үүр сайтар тэдэ бултадаа гол гаталаа бэлэй.

3 Хаан түрэнүүд 16:18

Хотын эзэлэгдэһые Зимрии мэдэхэдээ, хаанай ордоной саада таһалга руу ороод, хаанай ордон галдан шатаажа, өөрөө тэрэ галда үхэбэ.

4 Хаан түрэнүүд 20:1

Энэ үедэ Хэзэкияа хаан ехээр үбдэжэ, наһа бараха туйлдаа хүрөөд байба. Амооцой хүбүүн, лүндэншэ Исай тэрээниие эрьежэ ошоходоо, иигэжэ хэлэбэ: – Үхэжэ байна, һайн болохогүй гээд шам тушаа Эзэн айладхана, тиимэһээ гэрээд үгэнүүдээ хэлэг лэ гэжэ Тэрэ захирна.

Псалманууд 5:10

Дайсад үнэн зүб юумэ хэлэдэггүй. Сэдьхэлдэнь – үхэл хатал, ама хоолойнь – үхэлэй зам руу татадаг, хэлэниинь билдагануур.

Һургаал 16:18

Һүйдхэлэй урда бардамлал ябадаг, бүдэржэ унахын урда дээрэлхүү зан ябадаг.

Һургаал 19:3

Хүнэй тэнэг мунхагынь тэрэнэй замые балартуулдаг. Харин тэрэ гэмээ Эзэндэ тохон хилэгнэдэг.

Исай 38:1

Энэ үедэ Хэзэкияа хаан ехээр үбдэжэ, наһа бараха туйлдаа хүрөөд байба. Амооцой хүбүүн, лүндэншэ Исай тэрээниие эрьежэ ошоходоо, иигэжэ хэлэбэ: – Үхэжэ байна, һайн болохогүй гээд шам тушаа Эзэн айладхана, тиимэһээ гэрээд үгэнүүдээ хэлэг лэ гэжэ Тэрэ захирна.

Матвей 27:5

Иуда асарһан мүнгэеэ Һүмэ соо хаяад, газаашаа гаража, боожо үхэбэ.