2 Хаан түрэнүүд 17:11 - Библи

¹¹ Тиимэһээ оронойнгоо нэгэ талаһаа нүгөө хүрэтэр, Даанһаа Бэһээр-Шээбэ хүрэтэр далайн эрьедэхи элһэн мэтэ үй олон израильшуудые бултыень суглуулжа, та өөрөө тулалдаанда тэдэниие хүтэлэгты гэжэ би зүбшэл заабари үгэхэ байнаб.

2 Хаан түрэнүүд 17:11 ပူးပေါင်းရင်းမြစ်များ

Эхин 13:16

Шинии үри һадаһадые элһэн мэтэ олон болгохоб. Сүл губиин элһэ тоолохын аргагүй мэтэ шинии үри һадаһад тоогүй олон болохо.

Эхин 21:14

Үглөө үглөөгүүр Абраһаам эртэ бодожо, Һагаарта хилээмэ үгөөд, годон арһаар оёһон амһарта соо уһа үргэлүүлээд, хүбүүтэйнь хамта ябуулба. Һагаар хүбүүгээ хүтэлэн, Бэһээр-Шээбэ гэдэг хээрэ тала руу шэглэн ошобо.

Эхин 22:17

Би шамайе буян хэшэгтээ хүртөөхэб! Огторгойн одо мүшэд, далайн эрьеын элһэн мэтэ тоолошогүй олон үри һадаһадые шамда хайрлахаб. Шинии үри һадаһад дайсадаа даража, газар уһыень эзэлэн абаха.

2 Хаан түрэнүүд 12:28

Минии энэ хотые эзэлэн абаа һаа, минии нэрэ алдаршаха болоно бшуу. Тиимэһээ та мүнөө үлэһэн зониие суглуулаад, хотын урдаһаа хотон хүреэнээр зогсожо, эзэмдэгты.

2 Хаан түрэнүүд 24:2

Иигэжэ хаан сэрэгэйнгээ жанжин Ёһаабта захирба: – Даанһаа Бэһээр-Шээбэ хүрэтэр Израилиин бүхы обогуудаар ябажа, зоной тоо бүридхэгты. Би тэдэнэй хэды байһые мэдэхэеэ һананаб.

3 Хаан түрэнүүд 20:10

Бэн-Һадаад иигэжэ харюу дамжуулба: – Угаа олон сэрэг таанад руу дахуулан асархадам, һандаргагдаһан Самариин үнэһэн шорой тэдэ асаруулааша зондом бултандань альган соонь хүртэхэгүй. Энээниие бэелүүлээгүй һаам, бурхад намда гай гасалан ушаруулаг лэ!

3 Хаан түрэнүүд 4:20

Иуда болон Израилиин арад зон тэрэ үедэ далайн эрьеын элһэн мэтэ тоолошогүй олон болотороо үдэжэ, баян садхалан, жаргалтай хүхюу ажаһуугаа.

Псалманууд 9:16

Үндэһэтэнүүд өөһэдын малтаһан нүхэндэ унаа, өөһэдын нюуһан торон зангада хүлөөрөө орошоо.

Нүүнэй Иисүүс 11:4

Тэдэ булта хүдэлөө, зонойнь жагсаал тэдээндэ хамтараа. Далайн эрьеын элһэн шэнги олон зон суглараа; морид, хоёр сахаригта байлдаанай тэргэнүүд ехэ олон байгаа.

Ударидагшад 20:1

Даанһаа Бэһээр-Шээбэ хүрэтэр ажаһуудаг израильшууд болон Галаадта ажаһуугшад бултадаа нютаг нютагһаа гаража, Мицпаадахи Эзэнэй гэрэй урда сугларбад.

1 Хаан түрэнүүд 13:5

Пилиштүүд Израильтай дайлалдахаар сугларба: гуша мянган тэргэ, зургаа мянган морин сэрэг ба далайн эрьеын элһэн мэтэ тоо томшогүй ябаган сэрэг олон байгаа. Тэдэ ерэжэ, Бэт-Аавэнэй зүүн талада, Михмаашта хотон хүреэнээр тогтобо.

1 Хаан түрэнүүд 3:20

Тиимэһээ Даанһаа Бэһээр-Шээбэ хүрэтэр бүхы Израилиин зон Самуил Эзэнэй лүндэншэ болоо гэжэ мэдэбэ.