2 Хаан түрэнүүд 15:21 - Библи

²¹ Иттай хаанда харюусаба: – Үндэр түрэлтэ хаан! Эзэнэй нэрээр тангаригланаб: танай амидышье, нүгшөөдшье, хаанашье байгаа хадатнай би тэндэл байхаб!

2 Хаан түрэнүүд 15:21 ပူးပေါင်းရင်းမြစ်များ

2 Хаан түрэнүүд 15:22

Тиимэһээ Давид Иттайда хэлэбэ: – Тиигээ һаа, ошоё. Иигээд гаадай Иттай, тэрэнэй бүхы зониинь үхи хүүгэдтэеэ хамта ошобо.

4 Хаан түрэнүүд 2:2

Элияа Элишаада иигэжэ хэлэбэ: – Ши эндэ үлэ. Эзэн намайе Бэт-Ээл эльгээнэ. – Эзэнэй ба шинии амиды байгаа сагта би шамайе орхихогүйб гэжэ тангаригланаб, – гэбэ Элишаа. Тэдэ хоёр Бэт-Ээл тээшэ ошобо.

4 Хаан түрэнүүд 2:4

Элияа Элишаада хандажа: – Элишаа эндээ үлэ. Эзэн намайе Ерихоон эльгээнэ, – гэбэ. – Эзэнэй ба шинии амиды байгаа сагта би шамайе орхихогүйб гэжэ тангаригланаб, – гэбэ Элишаа. Тэдэ хоёр хамта Ерихоон ерэбэд.

4 Хаан түрэнүүд 2:6

Элияа Элишаада хандажа: – Ши эндээ үлэ, Эзэн намайе Иордан эльгээнэ, – гэбэ. – Эзэнэй ба шинии амиды байгаа сагта би шамайе орхихогүйб гэжэ тангаригланаб, – гэбэ Элишаа. Тэдэ хоёр хамта Иордан ошобо.

4 Хаан түрэнүүд 4:30

Үхибүүнэй эхэ иигэжэ хэлэбэ: – Танай амиды байгаа сагта, би таниие орхихогүйб гэжэ Эзэнэй зүгһөө тангаригланаб. Гэһаази хүл дээрээ бодоод, тэрэ эхэнэртэй ошолсобо.

Һургаал 17:17

Найза нүхэд ямаршье үедэ бэе бэеэ хайрладаг. Аха дүүнэр хэсүү сагта тулга болохын түлөө түрэдэг.

Һургаал 18:24

Дан олон нүхэд һүйдхэлдэ асаржа магад. Зарим ушарта анда нүхэр аха дүүһээ үлүү байдаг.

Хэрэгүүд 11:23

Барнааба Антиох хүрэжэ ерэхэдээ, Бурханай үршөөһэн буян хэшэгые өөрөө хаража, ехээр баярлаба. Тиигээд бүхы зүрхэ сэдьхэлээрээ Эзэндэ үнэн сэхэ байхыень хүн зониие уряалаа.

Хэрэгүүд 21:13

Тиихэдэмнай Павел: – Үгы, яана гээшэбта? Юундэ уйлалдажа бархиралдажа, минии зүрхэ сэдьхэлые зобоонобта? Би Иерусалим ошоод, хүлюулхэһээ гадна, Эзэн Иисүүсэй нэрэ алдарай түлөө үхэхэеэшье бэлэнби, – гэжэ харюусаба.

Коринфынхидтэ 2-дохи 7:3

Таанадые зэмэлхэ һанаатайгаар энээниие хэлэнэ бэшэб. Амидышье, үхэһэншье байбалнай илгаагүй таанад хододоо манай зүрхэ сэдьхэл соо байнат гэжэ түрүүн би хэлээ һэнби.

1 Хаан түрэнүүд 20:3

Гэбэшье Давид дахин тангариглан: – Намайе танай нюдэндэ хайра үршөөл олоо гээд танай эсэгэ һайн мэдэнэ. Тэрэ «Ёнатааниие гомдохоохогүйн тула энэ хэрэгые тэрээндэ бү мэдүүлэгты» гэжэ хэлээ. Харин би Эзэнэй нэрээр болон танай ами наһаар тангаригланаб, үхэл хүрэтэр нэгэ алхам лэ намда үлөө, – гэбэ.

1 Хаан түрэнүүд 25:26

Мүнөө, минии эзэн, Эзэнэй нэрээр болон танай ами наһаар тангариглая. Эзэн таниие шуһа урдахуулхаһаа, үһөөгөө абахаһаа тогтоог лэ. Танай дайсад, минии эзэндэ хоро хүсэгшэд Набаалтай адли болохонь болтогой!