2 Хаан түрэнүүд 15:2 - Библи

² Тэрэ эртэ үглөөгүүр бодожо, хотын хаалгануудай хажуудахи харгы дээрэ зогсодог байба. Зарга хэрэгтэй хэн нэгэнэй хаанда мүргэн шүүбэрилүүлхэеэ ерэжэ ябабал, Абшалоом тэрэниие дуудажа, иигэжэ асуудаг һэн: – Ши хаанаһаабши? – Израилиин тэрэ обогһооб, – гэжэ тэрэ хүнэй харюусахадань,

2 Хаан түрэнүүд 15:2 ပူးပေါင်းရင်းမြစ်များ

Эхин 34:20

Иигэжэ тэрэ Хамоор эсэгэтэеэ хамта хотын хэрэмэй бартаануудай хажууда суглаа хурал хэдэг эрэшүүлдэ ошоод, иигэжэ идхажа оробо:

2 Хаан түрэнүүд 19:8

Иигээд хаан бодон ошожо, хотын хаалгын дэргэдэ һууба. Сэрэгшэдтэ энээн тухай дуулгахадань, сэрэг бултадаа хаанай урда сугларба. Харин израильшууд тус тустаа өөһэдын майхан руу зугадан тарашоо һэн.

2 Угай бэшэг 10:7

– Хэрбээ энэ улад зондоо һайнаар хандан, эрилтэнүүдыень дүүргэн, зүбшөөһэн харюу үгэбэлтнай, тэдэ хэтын хэтэдэ танай зарасанар байхал, – гэжэ тэдэ хэлээ һэн.

Иоов 24:14

Алууршан хүн үүрээр бодожо гараад, ядуу дорой хүнэй ами хороон дээрмэдэнэ, харин һүнинь хулгай хэнэ.

Египедһээ гаралга 18:14

– Энэ юу хэнэш даа, зон шинии хажууһаа һаланагүй? Гансаараа урдань һуунаш, тэдэш бүхэли үдэртөө хүл дээрээ зогсоно, – гэжэ хадам эсэгэнь асууба.

Египедһээ гаралга 18:16

Ямар нэгэ хэрэг шиидхэхэ гэбэл намда ерэнэ. Би тэдэнэй зарга шиидхэдэг, Бурханай хуули һургаалда һургадагби.

Египедһээ гаралга 18:26

Тэдэ хододоо зонтой хамта байжа, зоной зарга шиидхэдэг болобо. Жэжэ хэрэгүүдые өөһэдөө хаража үзэдэг, шухалыень Моисейдэ дамжуулдаг гуримтай болобо.

Һургаал 4:16

Тэдэ хорото муу юумэ үйлэдөөгүйдөө амар унтахагүй юм. Хэн нэгэниие бүдэрүүлжэ унагаагаагүй сагтаа тэдэнэй нойр хүрэдэггүй.

Даниил 11:21

Хаан болохо ямаршье эрхэгүй, жэгшүүрилтэ муу хүн тэрэнэй орондо заларан гараха. Тэрэ гэнтэ бии боложо, мэхэ гохын аргаар хаан болохо.

Матвей 27:1

Үүр сайха үеэр хамаг түрүү санаартан, улад зоной ахамадууд сугларжа, Иисүүсые үхэлэй саазада хүртөөхэ гэжэ зүбшэн шиидэбэ.

Хуули дабталга 17:8

Ямар нэгэн хэрэгүүдые, жэшээнь, хүниие хорооһон ушар гү, али хоёр хүнэй зөөри зөөшын талаар арсалдаае, үгышье һаа, хэнииеб даа гэмтээһэн хэрэгые нютагай шүүбэрилэгшэд шиидхэжэ шадахагүй байбалнь, бартаануудай хажууда ондо ондоо һанамжануудай гарабалнь, Эзэн Бурханайнгаа нангин үргөөдэ ошогты.

Рүүт 4:1

Бооһаз хотын бартаануудай хажууда ошоод, тэндээ һууба. Харахадань, хэлэһэн тэрэ түрэлынь уруудажа ябаба. Бооһаз тэрээндэ: – Хажуудам ерээд һуугыш, – гэбэ. Тэрэ хүн ерээд, һууба.