2 Хаан түрэнүүд 13:4 - Библи

⁴ Тэрэ Амноондо хэлэбэ: – Хаанай хүбүүн байгаад, юундэ ши үдэрһөө үдэртэ туранхай боложол байнабши? Намда хэлэхэгүй юм гүш? Амноон тэрээндэ харюусаба: – Абшалоом ахынгаа дүү басаган Тамаарта дурлашооб.

2 Хаан түрэнүүд 13:4 ပူးပေါင်းရင်းမြစ်များ

2 Хаан түрэнүүд 13:3

Тэрэ нэгэ нүхэртэй һэн. Тэрэнь Давидай аха Шимаагай хүбүүн Ёнадааб бэлэй. Ёнадааб ехэ мэхэтэй байгаа.

2 Хаан түрэнүүд 13:5

Тиихэдэнь Ёнадааб тэрээндэ иимэ юумэ дурадхаба: – Орондоо хэбтэжэ, үбшэлһэн мэтэ хэбэр үзүүлэ. Эсэгынгээ шамайе эрьехэеэ ерэхэдэнь, тэрээндэ «Дүү басаган Тамаарые ерүүлжэ, минии хараһаар байтар эдеэ хоол намда бэлдүүлыт. Тамаарай гарһаа эдеэ барихаб» гэжэ хэлэ.

3 Хаан түрэнүүд 21:5

Изээбэл һамганиинь тэрээндэ ерээд: – Юун болооб? Юундэ уруу дуруу байнат, эдеэ хоол баринагүйбта? – гэжэ асууба.

3 Хаан түрэнүүд 21:7

– Та Израилиин хаан бэшэ юм гүт?! Бодожо, эдеэлэгты, һанаагаа бү зобогты. Езрээлэй Набоодой сэсэрлиг би танда абажа үгэхэб, – гэжэ Изээбэл хэлэбэ.

Исай 3:9

Нюур шарайень харахада, нүгэлтэйень ойлгохоор. Тэдэ Содомой зондол адли нүгэлөө нюунагүй, һайрхан һагад хөөрэнэ. Өөһэдөөл өөһэдтөө гай тодхор татаа гээшэл.

Ерэмияа 8:12

Арад зомни, өөһэдынгөө үйлэдэһэн жэгшүүритэй юумэнһээ таанад эшэнэ гээшэ гүт? Үгы! Таанад оройдоошье эшэнэгүйт. Яажа улайдагыешье мэдэхэгүй байнат. Тиимэһээ бусад арадтай адли унан һалахат. Шүүбэрилхэ сагтам таанад һалгаагдахат! Энэ болбол Би, Эзэн, тунхаглана мүн!

Левит 18:9

Эсэгынгээ гү, али эхынгээ басагантай, гэртэшье түрэһэн, үгы һаа, гаднашье түрэһэн өөрынгөө эгэшэ дүүнэртэеэ ташаяан бү үйлэдэ.

Левит 20:17

Хэн эгэшэ дүүтэеэ хурисал үйлэдөөб, эсэгынгээ басагантай гү, али эхынгээ басагантай хурисалдааб, тэдэ жэгшүүритэй муухай юумэ үйлэдөө, тэдэниие хүн зоной урда алаха ёһотой.

Михей 7:3

Муу муухай хэрэгүүдые хэхэдээ гарнуудынь һурамхи. Дарга эдилгэ абана, шүүгшэ хахуули абажа шүүбэри хэнэ. Хүндэтэй зон зоргоороо хэхэ юумэеэ хэжэ, хэрэг муудхаана.

Лука 12:32

Шабинарни, багахан һүрэг таанар, бү айгты! Эсэгэтнай танда Бурханай хаан орониие дуратайгаар үршөөхэ бшуу.