2 Хаан түрэнүүд 13:22 - Библи

²² Харин Абшалоом Амноондо һайн, муушье юумэ хэлээгүй. Дүү басаган Тамаарые хүсөөр эдлэһэндэнь тэрэ Амнооные үзэн ядадаг болоо һэн.

2 Хаан түрэнүүд 13:22 ပူးပေါင်းရင်းမြစ်များ

Эхин 24:50

Рэбээккаагай эсэгэ Бэтүһээл, Лаваан ахань иигэжэ харюусабад: – Энэ Эзэнэй үршөөгшэ хэрэг һэн тула бидэ юу хэлэхэбибди.

Эхин 31:24

Һүни боложо, хээрэ хоноходоо, араам обогой Лаваанай зүүдэндэ Бурхан үзэгдэн, иигэжэ айладхал буулгаба: – Яковта һайн, муушье үгэ бү хэлэ, болгоомжоло!

Эхин 31:29

Би тэрэнэйш түлөө шамайе нилээд мэгдэхээхэ һэм, зүгөөр энэ һүни шинии эсэгын шүтэдэг Бурхан намда үзэгдөөд, «Яковта һайн, муушье үгэ бү хэлэ!» гэжэ айладхаа.

2 Хаан түрэнүүд 13:21

Давид хаан эдэ бүхы хэрэг тушаа дуулаад, ехэ уурлаба.

Һургаал 10:18

Худалшын аман үзэн ядалга нюудаг. Хоб тараадаг хүн мунхаг мүн.

Һургаал 25:9

Хажуудахи хүнтэй заргалдахадаа, өөрын хэрэгһээ гадуур бү гара. Бусадай нюуса бү соносхо.

Һургаал 26:24

Муу һанаатан альбан үгөөр муугаа далдалжа болодог, муу мэхэеэ тэрэ зосоогоо баридаг.

Һургаал 26:26

Тэрэнэй хуурмагайнь саана үзэн ядалгань нюугдаашье һаа, нүгэлынь зоной урда гаража ерэхэ.

Экклезиаст 7:9

Уурлахые урдаа бү таби, уур сухал тэнэгэй сээжэдэ.

Матвей 18:15

Хэрбээ һүзэглэгшэ аха дүүнэрэйшни нэгэн шамда харша нүгэлтэ юумэ хээ һаань, тэрээндээ ошожо, гансаарандань буруу байһыень заажа үгэ. Хэрбээ тэрэ хэлэһыешни дуулабал, ши һүзэглэгшэ аха дүүгээ һөөргэнь бусаабаш.

Эфесэйхиндэ 4:26

Уур сухалда абтаһаншье һаа, нүгэл шэбэл бү үйлэдэгты, наранай орохоһоо урда уур сухалтнай бууран намдаг.

Эфесэйхиндэ 4:31

Гомдохо голхорхоёо, хорон үгэнүүдые хэрэглэхэеэ, уур сухалаа хүрэхэеэ, хэрүүл гаргахаяа, хардахаяа, бусадшье эдэ мэтын харата муухай юумэ үүсхэхэеэ огтолон болигты.

Иоаннай 1-дэхи хандалга 2:11

Аха дүүдээ дурагүй хүн нүгэлэй харанхы соо ябана, тэрэ хүн хайшаа тэмтэржэ ябаһанаа мэдэнэгүй, яахадааб гэбэл, тэрэ хүниие нүгэлэй харанхы һохор болгоно.

Иоаннай 1-дэхи хандалга 2:9

Би гэрэл туяа соо байнаб гэдэг аад, өөрынгөө аха дүүдэ дурагүй хүн мүнөө болотор нүгэлэй харанхыда байна.

Иоаннай 1-дэхи хандалга 3:10

Бурханай үхибүүд шолмосой үхибүүд хоёр хоорондоо иимэ илгаатай: үнэн зүб юумэ хэдэггүй хүнүүд, өөрынгөө ахада дурагүй хүнүүд адли – Бурханай бэшэ юм.

Иоаннай 1-дэхи хандалга 3:12

Бидэнэр Хаяан шэнги байха ёһогүйбди. Хаяан хадаа шолмосой түрэлэй байжа, дүүгээ алаа. Юундэ тиигээб гэхэдэ, Хаяанай үйлэ хэрэгынь харатай байгаа, харин дүүгэйнь хэрэг үнэн зүб байгаа.

Иоаннай 1-дэхи хандалга 3:15

Аха дүүгээ үзэн ядагша алууршан гээшэ. Харин ямаршье алууршан мүнхын амидаралда хүртэдэггүй гэжэ таанар мэдэнэт.