2 Хаан түрэнүүд 11:1 - Библи

¹ Хабарай эхеэр, хаашуулай дайнда мордодог үедэ, Давид Раббаае бүһэлхөөр, аммоонуудые бута сохихоор Ёһаабые өөрынгөө түшэмэлнүүдтэй, мүн Израилиин бүхы сэрэгтэй хамта эльгээбэ. Давид өөрөө Иерусалимда үлөөд байгаа.

2 Хаан түрэнүүд 11:1 ပူးပေါင်းရင်းမြစ်များ

2 Хаан түрэнүүд 10:14

Аммоонууд араамшуудай зугадахые хараад, өөһэдөө Абишайһаа зугадажа, хото руугаа оробо ха. Тиигээд Ёһааб аммоонуудта дайсахаяа болижо, Иерусалим руу ерэбэ.

3 Хаан түрэнүүд 20:22

Лүндэншэ Израилиин хаанда дүтэлөөд, иигэжэ хэлэбэ: – Амаржа, хүсөө суглуула, юу хэхэеэ түсэб зохёо, юуб гэбэл, ерэхэ жэлэй эхиндэ Араамай хаан шамда добтолхо, – гэбэ.

3 Хаан түрэнүүд 20:26

Удаадахи жэлэй эхиндэ Бэн-Һадаад Араамай сэрэг суглуулжа, Израильтай дайлалдахаяа Апээк руу ерэбэ.

1 Угай бэшэг 20:1

Хабарай эхеэр, хаашуулай дайнда мордодог үедэ, Ёһааб сэрэгтэеэ аммоонуудай газар нютаг хооһоруулаад, Раббаае бүһэлбэ. Давид өөрөө Иерусалимда үлөөд байгаа. Ёһааб Раббаа руу орожо, хотые усадхаба.

2 Угай бэшэг 36:10

Нэгэ жэлэй үнгэрһэнэй удаа Навуходоносор хаан тэрэниие Эзэнэй һүмын үнэтэ хэрэгсэлнүүдтэй хамта Вавилоон руу асархыень захирба. Тиигээд тэрэ Цэдэкиия абгыень Иудын болон Иерусалимай хаан болгобо.

Псалманууд 60:9

Танай нэрые хэтэ мүнхэдөө магтан дуулахаб, найдуулгаяа үдэр бүри бэелүүлэн байхаб.

Экклезиаст 3:8

дурлаха хайрлаха саг ба үзэн ядаха саг; дайн дажарай саг ба найрамдалай саг.

Ерэмияа 49:2

Теэд Аммооной ниислэл хото Раббаада дайн дажарай абяа шууяанай дуулдаха саг дүтэлөө. Тэрэ һандаргагдаха, хажуудахи һууринуудынь гал дүлэндэ шатаха. Тиихэдэнь Израиль газар уһаяа тэдээнһээ һөөргэнь абаха.

Ерэмияа 49:3

Хэшбооной улад зон, шангаар бархиралдыт! Ай хото һандаргагдаал! Раббаагай эхэнэрнүүд, таар үмдэжэ, гашуудан уйлагты! Хана хэрэмүүдэй дунда наашаа-саашаа гүйлдэгты! Милхоом бурхантнай санаартад, түшэмэлнүүдтэеэ хамта баряанда туугдан ошохонь лэ!

Эзэкээл 21:20

Аммооной ниислэл хото Раббаа руу, тиихэдэ Иудын хан түрын ниислэл хото Иерусалим руу ошоһон харгы замуудые ойндоо оруула.

Амоос 1:14

Раббаагай ханада гал табихаб! Байлдаата үдэр хашхараан дундуур, шуургата үдэр һалхин дундуур хэрэмүүдынь галда дүрэхэ!

Захарияа 14:3

Удаань Түмэн Сэрэгтэ Эзэн тулалдаанай үдэртэ дайладаг шэнгеэрээ тэдэ арад үндэһэтэдтэ эсэргүү дайгаар орохо.

Хуули дабталга 3:11

(Башаанай хаан Оог рэпаиимүүдэй дундаһаа эгээл һүүлшын үлөөшэнь бэлэй. Тэрэнэй шулуун хуурсаг мүнөөшье болотор аммоонуудай Раббаа хотодо байһаар: утань юһэн, үргэниинь эрэ хүнэй дүрбэн тохой болохо юм.)

1 Хаан түрэнүүд 18:30

Пилиштүүдэй ноёдой дайлалдахаар ерэхэдэ, Давид Саулай бүхы сэрэгэй түшэмэлнүүдһээ үлүү амжалтануудые туйлан, тэрэнэй нэрэнь улам ехээр алдаршаба.