2 Хаан түрэнүүд 1:23 - Библи

²³ Саул ба Ёнатаан, эгээл дуратайнууднай, эгээл һайханууднай, амиды сагтаа хамта, наһа барахадаашье тэдэ һалаагүйл! Тэдэ бүргэдһөөшье хурдан, арсаланһаашье хүсэтэй бэлэйл.

2 Хаан түрэнүүд 1:23 ပူးပေါင်းရင်းမြစ်များ

2 Хаан түрэнүүд 1:24

Оо, Израилиин басагад, Саул тушаа уйлыта! Тэрэ таанадта уб улаан дэгэл гоёон үмдэхүүлдэг, хубсаһыетнай алтаар шэмэглэдэг һэн.

2 Хаан түрэнүүд 2:18

Тэндэ Цэруяагай гурбан хүбүүд Ёһааб, Абишай, Асаһээл гэгшэд байлсаа. Асаһээл хадаа талын зээрэн мэтэ хурдан хүлтэй байгаа.

2 Хаан түрэнүүд 23:20

Кабцээлэй хүн, Ёядаагай хүбүүн Бэнайяа эрэлхэг зоригтой хүн бэлэй. Тэрэ олон баатарлиг үйлэ хэрэгүүдые хээ, Моһаабай арсалан мэтэ хүсэтэй хоёр сэрэгшые алаа. Мүн саһатай нэгэ үдэр уһа суглуулдаг нүхэн руу орожо, тэндэ арсалангые алаһан юм.

1 Угай бэшэг 12:8

Сүл губида бүхэлэлтэ соогоо Давидай байхада, Гаадай обогой зон ерэжэ, тэрээнтэй хамтарба. Тэдэ эрэлхэг, байлдааша, бамбай, жадатай хүнүүд бэлэй. Тэдэ арсалан мэтэ шэрүүн хэрзэгы шарайтай, хадын зээрэн мэтэ хурданууд;

Иоов 9:26

Хүнэй амидарал гээшэ уһан дээгүүр һолжорһон хулһан онгосонууд мэтэ, олзодо шунаһан бүргэдэй дайраад гараһан мэтэ нюдэ сабшаха зуурын хэрэг.

Һургаал 30:30

хэнһээшье түбэгшөөдэггүй амитадай хаан арсалан хүшэрхэг,

Дуунай дуун 5:16

Үгэ хүүрынь илдамхан. Тэрэ шэгээрээ аятайхан. Иерусалим хотын басагад! Хайрата амарагни иимэл даа, хамагай һайхан андал даа!

Ерэмияа 4:13

Харагты, дайсан хара үүлэн мэтэ дээшээ гаража байна. Тэрэнэй дайшалхы тэргэнүүд хуй һалхин мэтэ, тэрэнэй морид бүргэдһөө үлүү хурдан юм. Бидэ сүйд гасаланда орообди! Бидэ һалаабди!

Гашуудал 4:19

Маанадые мүрдэн намнаашад тэнгэриин бүргэдһээ хурдан байгаа, хойноһоомнай хада уулаар намнаа, сүл губидашье отоо.

Хуули дабталга 28:49

Хэлыеньшье танай мэдэхэгүй арад түмэниие дэлхэйн захаһаа Эзэн таанадта эльгээхэ. Бүргэдтэл адли, тэдэ таанадта добтолон орохо.

Ударидагшад 14:18

Долоодохи үдэр хадын саана наранай орохын урда тээ тэдэнэр Самсоондо ерээд, иигэжэ хэлэбэ: – Зүгын балһаа үлүү ехэ амтатай юун бэ? Зэрлиг арсаланһаа үлүүсэ ехэ хүсэтэй хэн бэ? Самсоон тэрээндэ иигэжэ хэлэбэ: – Таанад минии эмэ тугалаар газар хахалаагүй һаа, таабарииемни таахагүй байгаат.

1 Хаан түрэнүүд 18:1

Давидай Саултай хөөрэлдэжэ дүүргэхэдэ, Ёнатаан тэрээнтэй танилсан нүхэсэбэ, тиигээд өөртөө мэтээр Давидта угаа ехээр хайра дуратай болобо.

1 Хаан түрэнүүд 20:2

Ёнатаан тэрээндэ: – Тиимэ юумэн болохогүй. Ши үхэхэгүйш. Минии эсэгэ ехэ, бага ямаршье хэрэгые намда дуулгангүй хэдэггүй. Тиигэхэлээр энэ хэрэгые минии эсэгэ намһаа яагаад нюухаб даа? Тиимэ юумэн байхагүй, – гэбэ.