2 Хаан түрэнүүд 1:11 - Библи

¹¹ Давид гашуудалда абтан, хубсаһаяа уриба, тэрээнтэй хамта байһан бүхы зон мүн лэ тиибэ.

2 Хаан түрэнүүд 1:11 ပူးပေါင်းရင်းမြစ်များ

Эхин 37:29

Рэүбээн бусажа, худаг руу тонгойжо харахадаа, Иосифой үгы байһаниие обёоржо, хубсаһаа урижа, уйлан шаналба.

Эхин 37:34

Хубсаһа хунараа удара татаад, ташаадаа гансал үнэгүй шэрүүн бүдэй удархай үлээгөөд, Яков олон хоногой туршада хүбүүгээ шаналан бархиржа байгаа.

Эхин 44:13

Уйдал гашуудалай тэмдэг болгон, аха дүүнэр хубсаһаяа удара татаба, дахин элжэгэнүүдтээ ашаагаа тээгээд, хото балгааһан бусаба.

2 Хаан түрэнүүд 13:19

Тамаар толгой дээрээ үнэһэ адхан, үнгэтэ хубсаһаяа урижа, нюураа гараараа бүглэн, шангаар уйлан ябаба.

2 Хаан түрэнүүд 13:31

Тиихэдэнь хаан бодожо, хубсаһаа урин, газарта унаа бэлэй. Тэрэнэй хажууда байһан бүхы зарасанарынь мүн лэ хубсаһаяа уриба.

2 Хаан түрэнүүд 3:31

Тиигээд Давид Ёһаабта, мүн бүхы сэрэгтэ хэлэбэ: – Хубсаһаа урижа, гашуудалай хубсаһа үмдөөд, Абнээр тушаа гашуудан уйлагты. Давид хаан өөрөө хуурсагай араһаа алхалаа.

4 Хаан түрэнүүд 5:7

Израилиин хаан тэрэ бэшэг уншамсаараа, өөрынгөө хубсаһые таһар удар шуулаад: – Би үхүүлдэг, амидыруулдаг Бурхан гээшэ аалби? Энэ хүнэй элдиниие арилга гэжэ Араамай хаан намда бэшэнэл! Өөһэдөөшье бодоод үзэгты, өөһэдөөшье харагты! Араамай хаан намтай хэрэлдэхэ арга мэхэ гаргажа байнал! – гэжэ хэлэбэ.

2 Угай бэшэг 34:27

Гэмээ мэдэрһэнэйш түлөө, энэ газар болон ажаһуугшад тушаань Бурханай үгэнүүдые дуулахадаа, даруу номгон болоһонойш түлөө, гашуудан, хубсаһа хунараа удара татаһанайш, Минии урда бархирһанайш түлөө Би шамайе анхарааб гэжэ Эзэн айладхана.

Эзраа 9:3

Иимэ үгэ дуулахадаа, би дотор, гадар хубсаһаяа удара татажа хаяад, толгойнгоо үһэ, һахалаа ходоро зулгаагаад, аргагүй ехэ гашуудалда орон һуубаб.

Эстээр 4:1

Мордохай энээн тушаа дуулахадаа, ехэ гашуудажа, хубсаһаа шуу татажа, гашуудалай хубсаһа үмдэжэ, толгой дээрээ үнэһэ сасажа, хотын гудамжада гаража, шангаар уйлан, гашуудан ябаба.

Ерэмияа 36:24

Эдэ бүгэдые дуулаһан хаан, мүн түшэмэлнүүдэйнь хэншье айбагүй, гашуудабагүй.

Ёһээл 2:13

Таанад хубсаһаяа бэшэ, зүрхэ сэдьхэлээ удар татагты!» Одоол өөһэдын Эзэн Бурхан тээшэ эрьегты. Тэрэ хадаа нигүүлэсхы хайра үршөөлтэй, уурлахадаа удаан, тэсэбэритэй, муудашье зөөлэн хандадаг.

Хэрэгүүд 14:14

Барнааба Павел хоёр энээн тухай дуулахадаа, хубсаһа хунараа шуу татажа, зондо гүйжэ ошоод, тэдэниие хорин хашхаралдабад:

Римэйхиндэ 12:15

Баяр жаргалтай байһан зонтой баярлажа, уйлажа гашуудажа байһан зонтой гашуудажа байгты.

Нүүнэй Иисүүс 7:6

Иисүүс хубсаһаа таһа татан уряад, Эзэнэй хэлсээнэй ханзын урда нюураараа газар мүргэн унаа, үдэшэ болотор хэбтээ. Иисүүс ба Израилиин аха захатан тархидаа үнэһэн тоборог адхаа.