Фессалоникиинхидтэ 2-дохи 3:10 - Библи

¹⁰ Бидэ таанадаар суг байхадаа, «Ажаллаха дурагүй хүн эдихэ ёһогүй» гэжэ хэлэдэг һэмди.

Шэнэ Хэлсээн

¹⁰ Бидэ таанадаар суг байхадаа, «Ажаллаха дурагүй хүн эдихэ ёһогүй» гэжэ хэлэдэг бэлэйбди.

Фессалоникиинхидтэ 2-дохи 3:10 ပူးပေါင်းရင်းမြစ်များ

Эхин 3:19

Хүлһөө адхан эдеэ хоол олодог байхаш. Газарһаа абтаһан хадаа дахинаа газартаа бусахаш. Юуб гэбэл, ши тоборог шорой гээшэш, иимэл ёһонһоо юрын лэ шорой тооһон болохош.

Һургаал 13:4

Залхуу хүнэй хүсэхэ һанаха юумэн биишье һаа, хүртэхэ гэжэ байхагүй. Харин ажалша хүнэй хүсэл бэелдэг.

Һургаал 20:4

Залхуу хүн газараа үбэлдөө хахалдаггүй, хуряалгын үедэ юуншье тэрээндэ олдохогүй.

Һургаал 21:25

Залхуугай хомхой хүсэлэн тэрэниие үхэлдэ хүргэхэ ушартай, тэрэнэй гарнууд ажалһаа тэрьелдэг ха юм.

Лука 24:44

Һүүлээрнь Иисүүс тэдэндэ хэлэбэ: – Нам тухай Моисейн Хуули соо, лүндэншэдэй номууд соо, Бурханай магтаалнууд соо бэшэгдэһэн бүхы юумэн бэелхэ гэжэ Би таанадтаяа байхадаа хэлээ һэнби. Тиимэл юумэн болоо.

Иоанн 16:4

Тэдэнэй эзэрхэхэ сагай ерэхэдэ, энээн тухай Минии хэлээшые һанахынтнай тула эдэ бүгэдые хэлэбэб. Би түрүүн энээн тухай таанарта хэлээгүй һэм, юундэб гэбэл, таанадаар хамта байгааб.

Хэрэгүүд 20:18

Тэдэнэй хүрэжэ ерэхэдэ Павел иигэжэ хэлэбэ: – Асиин газарта ерэһэн түрүүшынгээ үдэрһөө хойшо таанадтай үргэлжэ байһыемни өөһэдөө мэдэнэт.

Фессалоникиинхидтэ 1-дэхи 3:4

Түрүүн таанадтай хамта байхадаа хашуулан мүрдүүлхэбди гэжэ бидэ уридшалан хэлээ һэмди. Тон тиимэл юумэн ушараа.

Фессалоникиинхидтэ 1-дэхи 4:11

Бидэнэй түрүүн хэлэһэн ёһоор таанад даруухан ажамидарха, өөрынгөө ажал хэхэ, өөһэдөө бэеэ тэжээхэ зорилго табигты.

Фессалоникиинхидтэ 2-дохи 2:5

Таанадтай хамта байхадаа, би эдэ бүхэн тухай хөөрэжэ байгаа һэм, һанана гүт?