1 Хаан түрэнүүд 9:13 - Библи

¹³ Таанад хото руу оромсоороо үргэлэй газарта гарахынь, хоол барихынь урда тээ тэрээнтэй золгогты. Юуб гэхэдэ, тэрэнэй үргэл үреэхэеэ ерэтэр арад зон хоол барихагүй. Үргэлые тэрэнэй үреэһэнэй удаа уригдагшад хоол барижа эхилдэг. Тиимэһээ яарагты, мүнөө үшөө тэрэниие олохолта.

1 Хаан түрэнүүд 9:13 ပူးပေါင်းရင်းမြစ်များ

2 Хаан түрэнүүд 15:11

Абшалоомтой хамта хоёр зуун хүн Иерусалимһаа гаран ошоо һэн. Тэдэ юушье боложо байһыень мэдээгүй, уригдаад лэ ошоһон зон бэлэй.

Матвей 14:19

Тэрэ улад зондо ногоон дээрэ һуухыень дурадхаба. Тиигээд табан хилээмэ, хоёр загаһа абажа, тэнгэри өөдэ шэртэн, Бурханда баяр баясхалан хүргэбэ. Удаань хилээмэ хухалжа, шабинартаа үгэбэ, тэдэнь улад зондо дам тарааба.

Матвей 26:26

Хоол бариха үедөө Иисүүс гартаа хилээмэ абаад, Бурханда баяр баясхалан хүргөөд, тэрэнээ хухалаад, шабинартаа хубаажа үгэхэ зуураа: – Энээниие абаад эдигты – энэ Минии бэе гээшэ, – гэбэ.

Марк 6:41

Тиигээд Иисүүс үнөөхи табан монсогор хилээмэеэ, хоёр загаһаяа абаад, тэнгэри өөдэ шэртэн, Бурханда баяр баясхалан хүргэбэ. Хилээмэеэ хухалан, хүн зондо хүртөөжэ хубаахыень шабинартаа үгэбэ. Удаань хоёр загаһаяа хухалжа, хүн зондо хүртүүлбэ.

Лука 24:30

Тэдэнтэй хамта эдеэлхэеэ һуухадаа, Иисүүс хилээмэ гартаа абажа зальбараад, хухалжа нүгөө хоёртоо үгэбэ.

Лука 9:16

Иисүүс тэрэ табан монсогор хилээмэ, хоёр загаһа абаад, тэнгэри өөдэ шэртэн, Бурханда баяр баясхалан хүргөөд, хилээмэ загаһаяа хухалаад, зондо хубаахыень шабинартаа дамжуулба.

Иоанн 6:11

Иисүүс хилээмыень абаад, Бурханда баясхалан хүргэжэ, тэндэ һуугшадта хубаан үгэбэ. Мүн загаһыень баһал хүн бүхэндэ дураарнь хубаажа үгэбэ.

Иоанн 6:23

Тиихэдэ Тибериадаһаа зон хэдэн онгосонуудта һуугаад, Эзэнэй Бурханда баясхалан хүргэһэнэй һүүлдэ олошоруулагдаһан хилээмэ зоной эдиһэн газарта тамаран ерэбэ.

Коринфынхидтэ 1-дэхи 10:30

Хэрбээ үгтэһэн хоолой түлөө Бурханда баяраа хүргэбэлни, баяр хүргэһэн эдеэнэймни түлөө яахадаа намайе хүн шүүмжэлхэб?

Тимофейдэ 1-дэхи 4:4

Бурханай бүтээһэн бүхы юумэн һайн, тиимэһээ ямаршье юумэнһээ арсангүй, харин баясхалангай зальбарал хүргэн абаха ёһотойбди.

1 Хаан түрэнүүд 2:35

Намда үнэн сэхэ, Минии үгэ заабол сахин дүүргэхэ санаартаниие Өөртөө үргэн табихаб. Минии тоһо түрхин ёһолон шэлэһэн хаанай урда алба хэхэ үри һадаһадые тэрээндэ үршөөхэб.

1 Хаан түрэнүүд 9:14

Тиигэжэ тэдэнэр хото өөдэ үгсэбэ. Хото соо ябахадань, Самуил үргэлэй газар өөдэ гарахаар урдаһаань ябажа байба.