1 Хаан түрэнүүд 9:1 - Библи

¹ Бэньямиин обогой Кииш гэжэ нэрэтэй нэгэ хүн байгаа. Тэрэ Абиһээл гэгшын хүбүүн, Цэроор гэгшын аша, Бэхораатын гуша, Апииахын дүшэ бэлэй. Тэрэ баян, хүндэтэй хүн байгаа.

1 Хаан түрэнүүд 9:1 ပူးပေါင်းရင်းမြစ်များ

2 Хаан түрэнүүд 19:32

Барзиллай хадаа угаа үндэр наһатай, ная хүрэһэн хүн бэлэй. Тэрэ баян хүн байгаа, тиимэһээ Давидай Маханааимда байха үедэнь хүнэһөөр хангаа һэн.

Эстээр 2:5

Тэрэ үедэ Яһиирай Мордохай гэдэг иудей хүн ниислэл хото Сүүзэдэ ажаһуугаа. Яһиир хадаа Шимэйн, Шимэй Киишэй, уг удамаараа Бэньямиинэй обогой болохо.

Иоов 1:3

Зөөри баялигынь гэхэдэ, долоо мянган хонитой, гурба мянган тэмээтэй, табан зуун паар ажалай сартай, табан зуун эмэ элжэгэтэй, олон тоото зарасанартай байгаа. Тэрэ хүн Дурна зүгэй хамагай суутай зоной нэгэн бэлэй.

Хэрэгүүд 13:21

Һүүлдэ хааниие манда үгыт гэжэ израильшуудай гуйхадань, Бурхан тэдэндэ Бэньямиинэй угсаатанай Киишэй Саул хүбүүе үгэбэ, тиин тэрэнь дүшэн жэлэй туршада хаан шэрээдэ һууба.

1 Хаан түрэнүүд 10:23

Зон гүйн ошожо, тэрэниие тэндэһээ абаад ерэбэ. Саул арад зоной дунда зогсоходоо, улад зонһоо мүрөөрөө үндэр байгаа.

1 Хаан түрэнүүд 14:51

Саулай эсэгэ Кииш ба Абнээрэй эсэгэ Нээр Абиһээл гэгшын хүбүүд бэлэй.

1 Хаан түрэнүүд 25:2

Маһоондо ажаһуудаг нэгэ хүн Кармээлдэ зөөритэй байгаа. Тэрэ ехэ баян хүн һэн: гурба мянган хонитой, нэгэ мянган ямаатай бэлэй. Тэрэнэй хонидой нооһо хайшалалга Кармээлдэ боложо байхадань, тэрэ Кармээл руу ерэһэн байгаа.