1 Хаан түрэнүүд 7:17 - Библи

¹⁷ Удаань тэрэ Рамаада бусадаг һэн. Юуб гэхэдэ, гэрынь тэндэ бэлэй. Мүн лэ тэрэ Рамааһаа Израилиие зонхилдог байгаа. Самуил Эзэндэ үргэлэй шэрээ тэндэ баряа һэн.

1 Хаан түрэнүүд 7:17 ပူးပေါင်းရင်းမြစ်များ

Эхин 33:20

Тэндээ тэрэ үргэлэй шэрээ түхеэржэ, «Израильшуудай шүтэдэг Эзэн Бурханай үргэлэй шэрээ» гэжэ нэрлээ һэн.

Эхин 35:7

Тэндээ тэрэ үргэлэй шэрээ бүтээбэ. Тиигээд Яков энэ газараа «Эль-Бэт-Ээл», оршуулбал, «Бэт-Ээлэй Бурхан» гэжэ нэрлэбэ. Юундэб гэбэл, урдань Яковай Эсаав ахаһаа тэрьедэхэ үедэ эгээл тэндэ Бурхан Өөрыгөө Яковта элирхэйлээ бэлэй.

Исай 10:29

Тэдэ дабаа дабаад, Гээбэдэ хоножо байна! Рамаа хотын зон шэшэрэлдэнхэй, Саулай түрэһэн хото болохо Гибаагай ажаһуугшад тэрьедээ.

Ударидагшад 4:5

Тэрэ Эпрааимай хадалиг газар дээрэхи Рамаа ба Бэт-Ээл хотонуудай хоорондохи Дэбоораагай Далдуу модотын адагта ажаһуудаг байгаа. Нэгэтэ Израилиин уг удамай хүбүүд тэрэ эхэнэртэ ерэжэ, Сисэраае яаха хээхэ тухай һураба.

Ударидагшад 6:24

Гидоон тэндэ үргэлэй шэрээ бүтээгээд, тэрэнээ «Эзэн энхэ тайбан үршөөнэ» гэжэ нэрлэбэ. Абиээзэрэй уг удамуудай ажаһуудаг Опраа хотодо үргэлэй тэрэ шэрээ мүнөө болотор байдаг юм.

1 Хаан түрэнүүд 1:1

Эпрааимай хадалиг газартахи Цүүпэй Раматааһим хотодо эпрааим угай нэгэ хүн байдаг байгаа. Тэрэнэй нэрэнь Элканаа, тэрэ хадаа Ероһаамай хүбүүн, Элиһүүгэй аша, Тоохугай гуша, Цүүпэй дүшэ һэн.

1 Хаан түрэнүүд 1:19

Удаань тэдэ үглөөгүүр бодожо, Эзэндэ мүргөөд, һөөргөө Рамаада байдаг гэртээ бусаба. Элканаа Ханнаа һамгантаяа унтажа, Эзэн Ханнаагай гуйлта анхараа бэлэй.

1 Хаан түрэнүүд 11:15

Иигэжэ бүхы арад зон Гилгаал руу ябажа, тэндэ, Гилгаалда, Эзэнэй урда Саулые хаан гэжэ тунхаглаба, амгалан байдалай түлөө үргэлнүүдые Эзэндэ үргэбэ. Саул болон Израилиин бүхы зон тэндэ угаа ехээр баярлан байгаа бэлэй.

1 Хаан түрэнүүд 14:35

Саул Эзэндэ зорюулжа, үргэлэй шэрээ бодхообо. Энэнь Эзэндэ тэрэнэй зорюулан бодхооһон түрүүшын үргэлэй шэрээ бэлэй.

1 Хаан түрэнүүд 15:34

Самуил Рамаа руу ябажа, харин Саул өөрынгөө байдаг Гибаадахи гэр руугаа бусаба.

1 Хаан түрэнүүд 2:11

Элканаа Рамаада байдаг өөрын гэртээ хариба, харин хүбүүн Эзэндэ алба хэхэеэ Элии санаартанай хажууда үлөө бэлэй.

1 Хаан түрэнүүд 28:3

Самуилай наһа бараһанда бүхы Израиль гашуудажа, тэрэниие өөрынь хото болохо Рамаада хүдөөлүүлбэ. Саул эльбэ жэльбэтэйшүүлые ба үзэлшэдые орон нютагһаа үлдэн гаргаба.

1 Хаан түрэнүүд 8:4

Израилиин бүхы аха захатан сугларан, Рамаа руу Самуилда ерэбэ.

1 Хаан түрэнүүд 9:12

Тэдэ харюусаба: – Байна. Сэхэ ябагты. Одоо яарагты, юуб гэхэдэ, арад зон мүнөөдэр үргэлэй газарта үргэл хэхэ, тиимэһээ тэрэ хото руу мүнөөдэр ерээ юм.