1 Хаан түрэнүүд 6:3 - Библи

³ Тэдэнь харюусаба: – Хэрбээ таанад Израилиин Бурханай ханзые бусааха гэбэл, хооһоор бү эльгээгты. Таанад гэм зэмээ сагааруулхын тула заабол бэлэг эльгээлсэгты. Тиигэбэл, эдэгэхэт, Тэрэ таанадые юундэ даража байнаб гэжэ мэдэхэт.

1 Хаан түрэнүүд 6:3 ပူးပေါင်းရင်းမြစ်များ

Иоов 10:2

«Эзэн минии! Намайе иигэтэр бү гэмныт! Харин юундэ намай үзэн ядаһанаа хэлээд үгыт!

Египедһээ гаралга 23:15

Эһээлтэгүй талханай һайндэр тэмдэглэдэг бай. Египедһээ гаралгын авиив һарада гэжэ тогтоогдоһон сагта долоон хоногой туршада эһээлтэгүй талха эдидэг байхаш гэһэн зарлиг Би буулгаа бэлэйб. Хэншье Минии урда хооһон гартай харагдаха ёһогүй.

Египедһээ гаралга 34:20

Элжэгэнэй түрүүшын тугалай түлбэри хонёор үгэхэт, абаха үгы һаа, амаргал хүзүүень булгалха ушартай. Ууган хүбүүдэйнгөө түлөө түлбэри оруулдаг байхат. Хэншье Минии урда хооһон гартай ерэхэ ёһогүй!

Египедһээ гаралга 8:15

Харин фараон баханууд үгы болоо гэжэ мэдэхэдээ, үнөөхи үсэд зандаа диилдэн, үгыень дуулахаяа болибо даа. Эзэнэй урид айладаһаниинь бэелбэ.

Левит 5:6

нүгэл хэһэнэйнгээ түлөө Эзэндэ жэжэ малһаа хони гү, али ямаа асараад, нүгэл сагааруулгын үргэл үргэг. Санаарта нүгэлыень арюудхаха.

Левит 6:6

Гарза харюулгын үргэл гэжэ тэрэ Эзэндэ зэмдэг дутагдалгүй хуса асараг, үгышье һаа, хусын үнэ сэнгые санаартада мүнгөөр түлэг.

Хуули дабталга 16:16

Танай үндэһэ яһанай бүхы эрэ зон Эзэн Бурханайнгаа нангин үргөөдэ жэлдээ гурба дахин ерэхэ ёһотой: Паасхын, Ургаса хуряалгын һайндэр болон Майхангуудай һайндэрнүүдэй үедэ. Ерэхэдээ, Эзэнэй урда гар хооһон бү ерэгты.

1 Хаан түрэнүүд 5:11

Тиигээд тэдэ хүнүүдые эльгээжэ, Пилиштын бүхы ноёдые суглуулжа, иигэжэ хэлэбэ: – Маанадые болон гэр бүлэнүүдыемнай һалгаахагүйн тула Израилиин Бурханай ханзые байһан газар руунь бусаан ябуулагты. Бурханай тэдэниие угаа шэрүүнээр хэһээһэнһээ хүлгөөн бүхы хотоор боложо байгаа.

1 Хаан түрэнүүд 5:7

Энээниие Ашдоодой зон хараад, иигэжэ хэлсэбэ: – Израилиин Бурханай ханза бидэнэй дунда үлөөжэ болохогүй. Юуб гэхэдэ, тэрэ маанадта болон манай бурхан Дагоондо гай тодхор ушаруулжа байна.

1 Хаан түрэнүүд 5:9

Гаат руу абаашаһанайнь удаа Эзэн энэ хотые хэһээжэ, айха хүлгэхэ ушарнууд угаа олоор гараба. Тэрэ энэ хотын зониие хүгшэн, залуугүй зобоожо, һэлхэн үбшэ халдахуулба.

1 Хаан түрэнүүд 6:8

Эзэнэй ханзые абажа, тэргэ дээрэ табигты. Гэм зэмэй түлөө бэлэг болгон алтан зүйлнүүдые хайрсаг соо хэжэ, ханзын хажууда табигты. Тиигээд эльгээн ябуулагты.

1 Хаан түрэнүүд 6:9

Тэрэ ханзын өөрынгөө нютаг руу ошоһон харгы замаар Бэт-Шээмэш руу ябахые харабал, Израилиин Бурхан бидэндэ энэ ехэ гай зоболон ушаруулба гэхэбди. Харин үгы һаань, Тэрэ бидэниие дайраа бэшэ, энэнь бидэнтэй миин өөрөө тохёолдоо гэжэ мэдэхэбди.