1 Хаан түрэнүүд 4:19 - Библи

¹⁹ Тэрэнэй бэри, Пинэһаасай һамган, хээлитэй, түрэхын урда тээхэнэ байгаа. Бурханай ханзын буляагдаһан, хадам эсэгынгээ ба үбгэнэйнгөө гээгдэһэн тухай мэдээсэл дуулахадаа, тэрэ гэнтэ үбдэглэжэ, үхибүү түрэжэрхибэ.

1 Хаан түрэнүүд 4:19 ပူးပေါင်းရင်းမြစ်များ

Эхин 3:16

Эхэнэртэ Тэрэ айладхал буулгаба: – Шинии хээлитэй болохые хэмгүй зоболонтой болгохоб, зобожо, үбдэжэ хүүгэдые түрэдэг болохош, үбгэеэ хододоо хүсэн байхаш, үбгэншни шинии эзэн болохо.

Эхин 35:17

Иигэжэ үхибүү түрэхөөр зобожо байха үедэнь хүүгэдэй хүйһэ хүндэдэг хүгшэн тэрээндэ иигэжэ хэлэбэ: – Бү ай! Ши үшөө нэгэ хүбүүтэй болобош!

3 Хаан түрэнүүд 14:1

Тэрэ үедэ Еробоһаамай хүбүүн Абияа үбшэлбэ.

Ерэмияа 26:6

Иигэжэ байгаа һаатнай, Би энэ Һүмэдэ Шилоодо хандаһандал адляар хандахаб, тиихэдэм дэлхэйн бүхы арадууд энэ хотын нэрые хараал мэтээр дурдан хэлэдэг болохо.

1 Хаан түрэнүүд 4:18

Тэрэнэй Бурханай ханза тухай дурдамсаарнь, Элии хаалгануудай хажуудахи һандалиһаа гэдэргээ унан, хүзүүгээ хухалжа гээгдэбэ. Ушарынь хадаа тэрэ үндэр наһатай, нүһэр бэетэй болоһон байгаа. Дүшэн жэлэй туршада тэрэ Израилиин ударидагша байгаа.

1 Хаан түрэнүүд 4:20

Тиигээд тэрэнэй ехэ үбдэжэ, наһа баража байхада, хажуудань байһан эхэнэрнүүд иигэжэ хэлээ: – Бү ай. Ши хүбүү түрөөш. Теэд тэрэ харюусабагүй, ямаршье хүсэгүй болоод байба.