1 Хаан түрэнүүд 30:8 - Библи

⁸ Давид Эзэнһээ: – Энэ дээрмэшэ бүлэгые мүрдэхэмни гү? Би тэдэниие хүсэхэ гүб? – гэжэ асуухадань, Эзэн тэрээндэ: – Мүрдэ. Юуб гэбэл, ши тэдэниие хүсэхэш, өөрын юумэ бусаажа шадахаш, – гэжэ харюусаба.

1 Хаан түрэнүүд 30:8 ပူးပေါင်းရင်းမြစ်များ

Эхин 14:16

Дайсадай дээрмэдэн абаһан хамаг юумэ тэрэ һөөргэнь бусаагаа – Лоодые хамаг хогшол зөөритэйнь, Содом болон бусад хотонуудһаа олзологдоһон эрэ, эмэ зониие эд зөөритэйнь хамта бусаан асараа һэн.

2 Хаан түрэнүүд 5:19

Давид Эзэнһээ асууба: – Пилиштүүдэй урдаһаа гарахам гү? Тэдэниие диилэхэдэм туһалха гүт? Эзэн Давидта айладхаба: – Гара! Пилиштүүдые диилэхэдэтнай Би заабол таанадта туһалхаб.

2 Хаан түрэнүүд 5:23

Давидай Эзэнһээ асуухада, Эзэн айладаба: – Урдаһаань шэглэн бү гара. Тэдэнэй араар тойрожо, лиирэ модоной түглын талаһаа тэдээндэ добтоло.

Псалманууд 50:15

Гэм буруутай зондо Танай харгы зам заахаб, нүгэлтэйшүүл Тан руу эрьехэл.

Псалманууд 91:15

Тэдэ хүгшэрөөшье һаа, жэмэс үгэнэ, тэдэ шүүһэлиг, ногоон.

Египедһээ гаралга 15:9

«Хүсэһүүб даа наанаһаашни намнажа, хайшаа намһаа зугадабаш, – гэһэн харата дайсанай бодол тэнюун, – ойронь хүрэжэ гамгүй хюдахадаа, олзодо одоол садахамни хаяа, эритэ мэсынгээ үзүүртэ оруулжа, эльгэ сэдьхэлээ ханаха сагни ерээл».

Тоололго 27:21

Хэрбэеэ Иисүүс ямар нэгэ шиидхэбэри абаха гээ һаа, санаарта Эльазаарта ошог. Эльазаар урим абахадаа, Эзэнһээ харюу мэдэхэ. Тиихэдэнь Иисүүс болон израильшууд Бурханай захирһан юумынь бүтээг. Хэрбэеэ Тэрэнэй «Дайлалдахаяа гарагты» гэжэ захираа һаань, тэдэнэр дайлалдахаяа гараг. Хэрбэеэ Тэрэнэй «гэртээ бусагты» гээ һаань, тэдэнэр гэртээ ошог, – гэжэ айладаба.

Ударидагшад 20:18

Израильшууд бодожо, Бэт-Ээлдэ ерээд, Бурханһаа иигэжэ һураба: – Бидэнэй хэн эгээн түрүүн Бэньямиинэй угайхидтай дайлалдахаяа ошохоб? Эзэн тэдээндэ иигэжэ хэлэбэ: – Иуда эгээн түрүүн ябаха.

Ударидагшад 20:23

Тэдэнэр үдэшэ болотор уйлалдабад. Тиигээд тэдэнэр Эзэнһээ иигэжэ асуубад: – Бидэнэр өөһэдынгөө аха дүүнэр болохо Бэньямиинэй угайхидтай дахин дайлалдахамнай гү, али яахамнайб? Эзэн тэдэндэ иигэжэ харюусаба: – Урагшаа! Тэдэнтэй дайлалдагты!

Ударидагшад 20:28

Эгээл тэрэ һүмэ соо Эльазаарай хүбүүн Пинэһаас алба хэдэг байгаа. (Тэрэнэй эсэгэ Эльазаар Аһарооной хүбүүн юм.) Израильшууд Пинэһаасаар дамжуулжа, Эзэнһээ иигэжэ һурабад: – Бидэнэр өөһэдынгөө аха дүүнэр болохо Бэньямиинэй угай сэрэгшэдтэй дахин дайлалдахамнай гү, али үгы гү? Эзэн иигэжэ айладаба: – Урагшаа! Би үглөөгүүр тэдэниие таанадай гарта дамжуулан үгэхэб.

Ударидагшад 8:4

Гидоон болон тэрээнтэй хамта гурбан зуун сэрэгшэд Иордан мүрэн гаталжа, нүгөөдэ эрье дээрэнь гараба. Тэдэнэр дайсадые намнан мүрдэлгэһөө эсэбэд.

1 Хаан түрэнүүд 10:22

Тиимэһээ зон Эзэнһээ: – Тэрэ эндэ ерэхэ гү? – гэжэ асууба. Эзэн айладаба: – Харагты, тэрэ ашаан соо хоргодоод байна.

1 Хаан түрэнүүд 14:37

Саул Бурханһаа асуун: – Пилиштүүдэй хойноһоо ябажа мүрдэхэмни гү? Та тэдэниие Израилиин гарта үгэхэ гүт? – гээд һураба. Теэд Бурхан тэрэ үдэр Саулда харюусабагүй.

1 Хаан түрэнүүд 23:2

Давидай Эзэнһээ: – Би ошожо, эдэ пилиштүүдые хюдаха гүб? – гэжэ асуухадань, Эзэн Давидта: – Яба, ши пилиштүүдые хюдахаш, Кэилаае абархаш, – гэжэ айладаба.

1 Хаан түрэнүүд 23:4

Тиихэдэнь Давид дахин Эзэнһээ асууба. Эзэн тэрээндэ харюусажа: – Бодоод, Кэилаа руу ошо. Юуб гэхэдэ, Би пилиштүүдые шинии гарта үгэжэ байнаб, – гэжэ айладаба.

1 Хаан түрэнүүд 28:6

Тэрэнэй Эзэндэ хандахадань, Эзэн зүүдээршье, уримээршье, лүндэншэдээршье харюу үгэбэгүй.

1 Хаан түрэнүүд 30:18

Иигэжэ амалээгүүдэй буляаһан бүхы юумые Давид тэхэрюулэн абаба, өөрынгөө хоёр һамгадыешье абарба.

1 Хаан түрэнүүд 30:19

Тэдэнэй юуншье – бага, ехэшье зон, хүбүүд, басагадшье, олзолуулһан юумэншье, буляалгаһан зүйлһөө нэгэншье үгы болоогүй. Давид бултыень тэхэрюулжэ бусааба.