1 Хаан түрэнүүд 30:6 - Библи

⁶ Арад зоной бултадаа өөһэдынгөө хүбүүд, басагад тухай гашуудажа, Давид руу шулуу шэдэн алахаяа хэлсэжэ байһан ушарһаа Давид ехэ зобобо. Гэбэшье Давид өөрын Эзэн Бурханаар өөрыгөө зоригжуулба.

1 Хаан түрэнүүд 30:6 ပူးပေါင်းရင်းမြစ်များ

Эхин 32:7

Яков айхабтар ехээр айба. Тиигээд тэрэ өөрынгөө зониие, адуу малаа, тэмээнүүдээ хоёр бүлэг болгон хубаажа,

2 Хаан түрэнүүд 17:8

Хээрэ талада гүлгэдөө буляалгаһан эмэ баабгайдал адли эсэгэтнай болон зониинь дошхон, зоригтой эрэшүүл гэдэгые та мэдэнэт. Танай эсэгэ дайнда мэргэшэһэн хүн, тэрэ сэрэгтэеэ хамта хоножо байхагүй.

4 Хаан түрэнүүд 4:27

Тиигээд тэрэ эхэнэр хада дээрэ гаража, Бурханай хүнэй урда үбдэглэн һуушаба. Гэһаази тэрэ эхэнэрые бодхоохо гэжэ дүтэлбэ. – Энэ эхэнэрые орхи даа. Энээнэй зүрхэ сэдьхэл уйдхар гашуудалаар дүүрэнхэй. Эзэн намһаа нюужа, энээнэй уйдхар гашуудалые намда хэлээгүй, – гэжэ Бурханай хүн хэлэбэ.

Иоов 13:15

Амиием абаашье һаань, этигэһэн хэбээрээл байхаб. Ямаршье һаа, би Тэрэнэй үмэнэ ошоод, өөрыгөө хамгаалхаб.

Псалманууд 138:3

Ябана гүб, хэбтэнэ гүб – Та нарибшалан шэнжэлнэт. Минии бүхы харгы зам Танда мэдээжэ.

Псалманууд 18:2

Тэнгэри Бурханай һүр жабхалангые зарлан тунхаглана, огторгой Тэрэнэй хэһэн бүтээлнүүдые айладхана.

Псалманууд 18:6

Хуримаа наадажа байгаа залуу хүндэл наран тэрэ үргөөһөө гарана, урилдаанай баатар мэтэ тэрэ баясана.

Псалманууд 42:5

Сэдьхэлни, юундэ сүхэрэн байнабши, юундэ уйданабши? Бурханда найдаарай, би Тэрээндэ магтаал үшөө үргэхэб. Тэрэ минии Абарагша, минии Бурхан мүн!

Псалманууд 56:11

Юуб гэбэл, энэрэл хайратнай тэнгэри тулама агууехэ, үнэн сэхэтнай – үүлэ тулама.

Псалманууд 62:1

[Давидай псалма. Иудын сүл губида байхадаа тэрэнэй зохёоһон.]

Псалманууд 62:5

Иигэжэ бүхы наһаараа Таниие магтахаб, гараа һунган, Танай нэрые дуудахаб.

Псалманууд 71:4

Ядуу зоной зарга хэрэгүүдые шиидхэг, үгытэй хүнэй хүүгэдые абараг, дарлагшые усадхаг лэ.

Псалманууд 71:5

Нара һарын яларан толорхо сагта үеһөө үедэ Танһаа айн һүрдэжэ байг лэ.

Египедһээ гаралга 17:4

Сүхэрһэн Моисей Эзэнһээ: – Арад зоноо яаха хээхэмниб? Эдэш удахагүй намайе шулуугаар шэдэжэ алахань лэ, – гэжэ һураба.

Һургаал 18:10

Эзэнэй нэрэ бата бэхи хэрэм. Үнэн шударга хүн тиишээ тэрьелээд, абаралта олоно.

Исай 25:4

Та үгытэйшүүлдэ хамгаалалтань, ядуу зондо түшэг тулгуубаринь боложо, шуурганһаа хоргодохо газар, халуунһаа халхалха һүүдэрынь болоо бэлэйт. Хэрзэгы дайсадай добтолгонь шулуун ханын урдаһаа ороһон бороо шуургандал һэн.

Ерэмияа 16:19

Эзэмни, Та минии хүсэ шадал, минии Хамгаалагшат! Гай зоболоной үедэ намда туһалнат. Газар дэлхэйн захаһаа үндэһэтэд Танда ерэжэ: Манай үбгэ эсэгэнэр гансал худал хуурмаг бурхадтай, ямаршье аша туһагүй шүтөөнүүдтэй байгаа.

Иона 2:2

Иона абарга загаһанай досооһоо Эзэндээ зальбарба:

Тоололго 14:10

Теэд арад зон «Тэдээниие шулуудажа алая!» гэжэ хашхаралдажа байтараа, майхан һүмын дээрэ Эзэнэй ялбама гэрэл бахана харабад.

Матвей 21:9

Урдуурнь ябаһан зон, мүн хойноһоонь дахагшад: – Давидай үри һадаһан алдар солотой байһай! Эзэнэй нэрээр заларан Ерэгшэ үршөөл хайратай байһай! Дээдын тэнгэридэ оршоһон Бурханда алдар соло! – гэжэ шанга шангаар хашхаралдаба.

Матвей 27:22

Пилат тэдэнһээ: – Бурханай табисуурта Христоос гэжэ алдаршаһан Иисүүсые би яаха болонобиб? – гэжэ һураба. – Тэрээниие хэрээһэндэ хада! – гэжэ улад зон бүгэдэ харюусажа байгаа.

Иоанн 8:59

Тиихэдэнь еврейнүүд Иисүүсые шулуудажа алаха гэжэ шулуунуудые бариба. Теэд Иисүүс тэдэнһээ зайлажа, Һүмэһөө гаража ошобо.

Римэйхиндэ 4:18

Найдаха шалтагаанайшье үгы байхада, Абраһаам этигээ, найдаа, тиимэһээ «үнэр олон арад зоной элинсэг эсэгэ» болоо, Нангин Бэшэг соо хэлэгдэһэн ёһоор үри һадаһадынь одо мүшэдтэл адли тоогүй олон байха.

Римэйхиндэ 4:20

Абраһаам Бурханай найдуулгые һэжэглээгүй, Тэрээндэ бата этигэжэ байгаа, тиин һүзэгынь бүришье ехэ болоо. Тэрээгээрээ Абраһаам Бурханиие алдаршуулаа.

Римэйхиндэ 8:31

Эдэ бүхэн тухай бидэ юун гэжэ хэлэхэбибди? Хэрбээ Бурханай манай талада байбал, маанадта эсэргүүсэһэн хүн байха аал?

Коринфынхидтэ 2-дохи 1:6

Зоболон эдлэжэ байхадаа, бидэ таанадай аша туһада, таанадыел абархын тула зобонобди, Бурхан маанадай һанаа амаруулһандал адляар таанадай һанаа амаруулна, тиихэдээ маанадай дабажа байһан зоболонгуудые тэсэжэ гарахынтнай тула таанадай һанаа амаруулна.

Коринфынхидтэ 2-дохи 4:8

Бидэ оло дахин хашуулан зобонобди, гэхэтэй сасуу дарагдаагүйбди. Юу хэхэеэ мэдэхэеэшье болёод байхадаа, бидэнэр урмаа хухардаггүйбди.

Коринфынхидтэ 2-дохи 7:5

Юундэб гэхэдэ, Македонишье ерээд, бидэ амархые мэдээгүй һэмди. Тэндэ маанадтай элдэб янзын бэрхэшээлнүүд ушараа, бидэ дайсадтайгаа тулалдажа, досоогоо айн һүрдөөбди.

Еврейнүүдтэ 13:6

Тиимэһээ: «Бурхан минии туһалагша, би айхагүйб. Хүн намда юу хэжэ шадахаб?» – гэжэ бидэ зоригтойгоор хэлэхэбди.

Ударидагшад 18:25

Даанай обогойхид тэрээндэ иигэжэ хэлэбэд: – Ши аниргүй боло, бү дуугара! Сухалтай зон бидэнэй дунда олон ябана. Бидэнэй дайгаар таанадта добтолоо һаа, шамда, шинии гэр бүлэдэ болон орон нютагташни хосорол ерэхэ!

Ударидагшад 20:22

Израильшууд урда үдэрынь тогтон байрлаһан газартаа бусажа ерээд, тэдэнтэй дахин дайлалдахаяа бэлдэбэд.

1 Хаан түрэнүүд 23:16

Саулай хүбүүн Ёнатаан бодожо, Хорээш руу Давидта ерээд, Бурханда этигэлыень бүри шанга болгобо.

1 Хаан түрэнүүд 28:15

Самуил Саулда: – Юундэ ши намайе дуудажа, намайе дэбэргээнэбши? – гэхэдэнь, Саул харюудань: – Би ехэ зобожо байнаб. Пилиштүүдэй намтай дайлалдахаяа ерэжэ байхадань, Бурхан намһаа һалан ошоо, лүндэншэдээршье, зүүдээршье намда харюу үгэнэгүй. Тиимэһээ яаха ёһотойемни намда заажа үгэхыетнай би таниие дуудааб, – гэбэ.