1 Хаан түрэнүүд 3:19 - Библи

¹⁹ Самуил ехэ болоо, Эзэн тэрээнтэй хамта байлсаа, Самуилай айладхаһан бүхы юумэнь бэелдэг байба.

1 Хаан түрэнүүд 3:19 ပူးပေါင်းရင်းမြစ်များ

Эхин 21:22

Тэрэ үедэ Гэраар хотын хаан Абимээлэх сэрэгэйнгээ дарга Пихоол гэгшэтэй суг Абраһаамтай уулзажа, иигэжэ хэлэбэ: – Юушье хээ һаатнай, танда Бурхан туһална.

Эхин 28:15

Хаанашье ябаа һааш, Би шамтай суг ябажа, аршалхаб. Энэ орон нютаг руу дахин асархаб. Айладхаһанаа бэелүүлтэрээ Би шамайе орхихогүйб.

Эхин 39:2

Иосиф тэрэнэй гэртэ байжа, ажалынь хэдэг болобо. Эзэн тэрээниие анхаржа, үршөөдэг байһан ушарһаа Иосифой хэһэн ажал хододоо урагшатай, һайн бэлэй.

Эхин 39:3

Эзэнэй туһаламжаар тэрэ залуу хүнэй хэһэн ажал бүхэниинь амжалтатай гэжэ Потипаар ажаглан хараба.

3 Хаан түрэнүүд 8:56

– Эзэндэ магтаал үргэе! Найдуулһанайнгаа ёһоор Тэрэ Израилиин арад зондо амгалан тайбан байдал түхөөгөө. Үнэн зараса Моисейгээр дамжуулан айладхаһан бүхы һайн һайхан найдуулгань бэелүүлэгдээ.

4 Хаан түрэнүүд 10:10

Эзэнэй айладаһан үгэ заабол хүсэлдэдэг, Ахаабай гэр бүлын үгы хэгдэхэ тухай Эзэнэй Өөрынгөө барлаг Элияагаар арад зондо дамжуулһан бүхы үгэнүүд бэелүүлэгдэхэ гэжэ мэдэгты.

4 Хаан түрэнүүд 15:12

Еһүүгээр дамжуулжа арад зондо тунхаглаһан Эзэнэй айладажа: «Шинии уг гарбал дүрбэдэхи үе хүрэтэр, хүбүүн, аша, гуша, дүшэнэр Израилиин хан шэрээдэ һууха», – гэжэ хэлэһэн үгэ бэелүүлэгдэбэ.

4 Хаан түрэнүүд 22:16

«Удахагүй, тон һаядаа Би энэ хотодо, тэндэхи хүнүүдтэ гай тодхор эльгээхэб. Иудын хаанай уншаһан ном соохи бэшэлгэ бүхыдөө бэелүүлэгдэхэ.

Исай 43:2

Уһа гаталхадаш Би шамтай байхаб. Гол мүрэнөөр гарахадаа шэнгэхэгүйш. Гал дундуур ябаашье һаа, шатахагүйш. Элдэб гай гасалангууд шамайе дайрахагүй.

Исай 44:26

Харин Минии богоолой уридшалан таахада, түсэбүүдээ мэдүүлхэеэ элшэнэрые эльгээхэдээ, Би тэдэ түсэбөө дүүргэдэгби, уридшалан хэлээшыень бэелүүлдэгби. Иерусалимда зон дахин ажаһуудаг болохо, Иудын хан түрын хотонууд дахин һэргэн бодохо гэжэ Би мэдүүлнэб.

Исай 55:11

Минии айладаһан үгэ Намдаа һөөргөө бусадаггүй, һанаһан юумыемни бүтээдэг, Минии эльгээһэн зорилгонуудые дүүргэдэг.

Матвей 1:23

«Басаган хээлитэй болоод, хүбүү түрэхэ, Тэрээниие Эммануил гэжэ нэрлэхэ», энэ нэрэнь Бурхан бидэнтэй хамта гэһэн удхатай.

Лука 1:28

Бурханай Эльгээмэл Марияда ерээд: – Амар мэндэ, аза жаргалтай басаган! Эзэн шамтай байна, шамайе буян хэшэгтээ элбэг дэлбэгээр хүртөөбэ! – гэжэ хэлэбэ.

Лука 1:80

Хүбүүхэн боргожон бэежэжэ, сэдьхэл зоригынь хатуужажа байба. Израилиин арадта айладхаха сагайнгаа ерэтэр тэрэ хүбүүн сүл губида байба.

Лука 2:40

Хүбүүхэн боргожон бэежэжэ, һүбэлгэн, хурса ухаатай, Бурханай буян хэшэгтэй үхибүүн ургажа байба.

Лука 2:52

Харин Иисүүс сэсэн ухаагаараа, энэрхы сэдьхэлээрээ Бурхандашье, хүн зондошье һайшаагдан үдэжэ, ехэ боложо байгаа һэн.

Коринфынхидтэ 2-дохи 13:11

Мүнөө, аха дүүнэрни, баяртай! Заһарха гэжэ оролдожо, хэлэһэн юумэнүүдыемни анхаржа, хоорондоо эбтэй эетэй, энхэ тайбан байгыт даа. Хайра дуран ба энхэ тайбан үршөөдэг Бурхан таанадтай оршожо байһай!

Хуули дабталга 18:22

Хэрбээ лүндэншын Эзэнэй нэрэһээ хэлэһэн зүйл болоогүй, бэелүүлэгдээгүй байбал, тэрэнь Эзэнэй айладхаһан үгэ бэшэ. Тэрэниие лүндэншын өөрын дураар хэлэһэн һэн тула таанад тэрэ лүндэншэһөө бү айгты.

Тимофейдэ 2-дохи 4:22

Эзэн шамтай байхань болтогой. Бурханай үршөөл хайра та бүхэнтэй оршожо байг лэ. Болтогой.

Нүүнэй Иисүүс 21:45

Израилиин гэртэ Эзэнэй хэлэһэн бүхы һайн үгэнүүдһээ нэгэшье үгэ дүүргэгдөөгүй үлөөгүй, хамаг юумэн хүсэлдөө.

Ударидагшад 13:24

Үнөөхи эхэнэр хүбүү түрөөд, тэрээндээ Самсоон гэжэ нэрэ үгэбэ. Самсоон томо болобо. Эзэн тэрэниие адислаба.

1 Хаан түрэнүүд 10:7

Тэдэ дүлгэ тэмдэгүүдэй шамда хүрэжэ ерэхэдэнь, һанаһан юумэеэ хээрэй. Юуб гэхэдэ, Бурхан шамтай хамта байна.

1 Хаан түрэнүүд 12:2

Мүнөө таанарта хаан алба хэжэ ябана. Харин би үбгэрөөб, үһэмни сайгаа. Минии хүбүүд таанартай хамта байна. Би эдир наһанһаа хойшо энэ үдэр хүрэтэр таанадта алба хэжэ ябааб.

1 Хаан түрэнүүд 16:18

Нэгэ зарасань: – Харагты, би Бэтлэһээмэй Ишай гэгшын хүбүүе хараа һэм. Тэрэ наадажа шададаг, зоригтой, дайшалхы хүн, үгэдөө ухаалиг, һайхан түһөөтэй. Эзэншье тэрээнтэй хамта байна, – гэбэ.

1 Хаан түрэнүүд 18:12

Саул Давидһаа айжа эхилбэ. Юуб гэхэдэ, Эзэн Саулһаа зайлажа, Давидтай хамта байгаа.

1 Хаан түрэнүүд 18:14

Эзэнэй Давидтай хамта байһан ушарһаа тэрэ бүхы хэрэгүүдтээ амжалта туйлагша һэн.

1 Хаан түрэнүүд 18:5

Иигэжэ Давид Саулай эльгээһэн газар бүридэнь ябажа, амжалта туйладаг байгаа. Саул тэрэниие сэрэгэй ноён болгобо. Энэнь бүхы арад түмэндэ болон Саулай зарасанарта һайшаагдаа бэлэй.

1 Хаан түрэнүүд 2:21

Эзэн Ханнаае үреэжэ, тэрэ үшөө гурбан хүбүү, хоёр басага түрөө һэн. Балшар хүбүүн Самуил Эзэнэй хажууда томо боложол байгаа.

1 Хаан түрэнүүд 2:26

Балшар хүбүүн Самуил бүри ургажа, Эзэндэ болон улад зондо улам һайшаагдажа байгаа.

1 Хаан түрэнүүд 9:6

Зарасань тэрээндэ: – Хүлеэгты. Энэ хотодо Бурханай хүн бии. Тэрэ хүндэтэй хүн. Тэрэнэй хэлэһэн юумэн булта бэелүүлэгдэдэг. Мүнөө тэрээндэ ошоё. Хаана элжэгэнүүдые олохыемнай тэрэ заажа үгэжэ магад, – гэбэ.