1 Хаан түрэнүүд 27:8 - Библи

⁸ Давид зонтоёо хамта ябажа, гэшүүршүүдтэ, гирзиидүүдтэ болон амалээгүүдтэ добтолдог байба. Тэдэ арадууд эртэ урдаһаа Шүүр, Египедэй газар хүрэтэр ажаһуудаг һэн.

1 Хаан түрэнүүд 27:8 ပူးပေါင်းရင်းမြစ်များ

2 Хаан түрэнүүд 14:23

Тиигээд Ёһааб Гэшүүр руу ябажа, Абшалоомые Иерусалим руу асарба.

2 Хаан түрэнүүд 14:32

Абшалоом харюусаба: – Би шинии хойноһоо эльгээгээ һэм. Шамайе намда ерэхыешни гуйгаа бэлэйб. Шамайе хаанда эльгээжэ, юундэ намайе Гэшүүрһээ бусааһыень асуухаяа һанаа һэм. Хааниие харанагүйб, тиимэһээ тэндэ үлэһэмни намда дээрэ һэн ха. Би хааниие бараалхахаа һананаб! Гэм зэмэтэй һаамни, тэрэ намайе алаг лэ!

2 Хаан түрэнүүд 15:8

Танай богоол болохо би Араамай Гэшүүртэ байхадаа, «хэрбээ Эзэнэй намайе үнэхөөр Иерусалим руу бусаагаа һаань, би Эзэндэ үргэл хэхэб» гэжэ тангариглаа һэм.

2 Хаан түрэнүүд 3:22

Тииһээр Ёһааб түрүүтэй Давидай зон дээрмэдэлгэ добтолоонһоо ехэ олзотой бусан ерэбэ. Абнээр Давидтай хамта Хэброондо байгаагүй һааб даа, юуб гэбэл, Давидай тэрэниие табихадань, тэрэ амгалан гаража ошоһон байна ха юм.

2 Хаан түрэнүүд 3:3

Удаадахи хүбүүниинь кармээл эхэнэрһээ, Набаалай һамган байһан Абигааһилһаа гараһан Хилааб. Гурбадахи хүбүүниинь Гэшүүрэй хаан Талмайн басаган Маһахаагай гаргаһан Абшалоом юм.

2 Хаан түрэнүүд 8:12

Тэдэ ямар уласуудһааб бэ гэхэдэ, эдоом, моһааб, аммоон, пилишт, амалээг, мүн Цобаагай хаан Рэһообой Һадаад-Ээзэр хүбүүнһээ олзолон абаһан зөөри болоно.

1 Угай бэшэг 2:23

Зүгөөр Гэшүүрэй, Араамай зон Яһиирай тосхон һууринуудые, Кэнаат, бүхыдөө жаран хото эзэмдэбэ. Эдэ бүхы хотонууд Галаадай эсэгэ Махиирай үри һадаһадай байһан юм.

Египедһээ гаралга 15:22

Хулһата далайһаа Моисей Израиль угсаатаниие Шүүр губи тээшэ дахуулан ябаба. Шүүр губида гурбан үдэрэй туршада хаанашье уһа оложо ядаба.

Египедһээ гаралга 17:8

Рэпидиимдэ байхадань, амалээг угсаатан ерэжэ добтолбо.

Тоололго 13:29

Харин тэрэ газар дээрэ ажаһуудаг арад зон хүсэтэй. Хотонуудынь бата бэхи хэрэмтэй, угаа ехэнүүд. Хараабди тэндэ Анаагай үринэрые!

Тоололго 14:45

Тэрэ хада ууланууд дээрэ ажаһуудаг амалээгүүд болон ханаһаанууд дээрэһээнь добтолон буужа, тэдэниие үй бута сохёод, амиды үлэгшэдыень Хормаа хүрэтэр намнаба.

Нүүнэй Иисүүс 12:5

Хэрмоон хадын ба Салэхаагай, Гэшүүрэй ба Маһахаагай хилэ хүрэтэр бүхы Башаанай, Хэшбооной хаан Сиһооной хилэ хүрэтэр Галаадай хахадай эзэн.

Нүүнэй Иисүүс 13:13

Зүгөөр Израилиин хүбүүд Гэшүүрэй ба Маһахаагай зониие үлдөөгүй, Гэшүүр Маһахаа хоёр мүнөө хүрэтэр Израилиин дунда байна.

Нүүнэй Иисүүс 13:2

Иимэ газарнууд үлөө: Пилиштын оршон тойронхи газарнууд ба Гэшүүрэй бүхы газар.

Нүүнэй Иисүүс 16:10

Теэд эпрааимайхин Гээзэртэ байһан ханаһаануудые үлдөөгүй; тиимэһээ ханаһаанууд мүнөө хүрэтэр татабари түлөөд, эпрааимайхинай дунда һууна.

Ударидагшад 1:29

Эпрааимай уг удамууд Гээзэртэ ажаһуудаг ханаһаануудые тэндэһээнь намнажа гаргангүй, тэдэнэртэй суг хамта ажаһуужа эхилбэд.

1 Хаан түрэнүүд 29:6

Ахииш Давидые дуудан: – Эзэнэй нэрээр тангаригланаб, ши үнэн сэхэ хүнши. Намтай хамта сэрэгые ударидажа ябалсахадашни дуратай байха байгааб. Юуб гэхэдэ, намда ерэһэнһээшни хойшо мүнөө болотор би шамда ямаршье муу юумэ оложо обёороогүйб. Гэбэшье эдэ ноёд шамда дурагүй байна.

1 Хаан түрэнүүд 30:1

Давидай болон зонойнь гурбан хоногой удаа Циклааг руу ерэхэдэнь, амалээгүүд Нээгэб болон Циклаагта добтолһон байба. Тэдэ Циклаагые эзэлжэ, галдан шатааһан байгаа.