1 Хаан түрэнүүд 25:7 - Библи

⁷ Хонидой нооһо хайшалаан танда боложо байна гэжэ би мүнөө дуулааб. Зай, танай хонишодой бидэнтэй хамта байха үедэ бидэ тэдэниие гомдохоогоогүйбди. Тэдэнэй Кармээлдэ байһан бүхы сагтань тэдэнэй юумэнһээ юуншье үгы болоогүй.

1 Хаан түрэнүүд 25:7 ပူးပေါင်းရင်းမြစ်များ

2 Хаан түрэнүүд 13:23

Тэрээнһээ хойшо хоёр жэл үнгэрөө. Абшалоом Эпрааим хотын хажуудахи Бааһал-Хацоорто хонидой нооһо хайшалалгын баяр хэжэ, хаанай бүхы хүбүүдые уриба.

2 Хаан түрэнүүд 13:24

Абшалоом хааниие бараалхан, иигэжэ уриба: – Танай богоол болохо би хонидой нооһо хиргаха баяр хэжэ байнаб. Та түшэмэлнүүдтэйгээ хамта ерэжэ, баяр ёһололдо хабаадыт.

Лука 3:14

– Харин бидэ юу хэхэ ёһотой болонобибди? – гэжэ сэрэгшэд мүн лэ асууба. – Хүн зоной юумэ бү дээрмэдэгты, бү буляагты, салин хүлһөөрөөл ажамидарагты! – гэжэ Иоанн харюусаба.

Филиппынхидтэ 4:8

Аха дүүнэрни, таанад һанал бодолдоо үнэн зүб, шулуун сэхэ, һайн һайхан, арюун сэбэр, илдам налгай, магтаалда хүрэмөөр юумэнүүд тухай сэдьхэжэ ябагты гэжэ түгэсхэлдөө захиха байнаб.

1 Хаан түрэнүүд 22:2

Зобоһон, үридэ ороһон, засагта дурагүй болоһон бүхы зон Давидай хажууда сугларба. Иигэжэ дүрбэн зуугаад хүн тэрээндэ хамтарба. Давид тэдэнэй ударидагша болоо һэн.

1 Хаан түрэнүүд 25:21

Давид: – Би элһэн сүл губида тэрэ хүнэй бүхы зөөри дэмы харууһалааб. Тэрэнэй юумэнһээ юуншье үгы болоогүй бэлэй. Тэрэ намда һайниие муугаар харюулба.