1 Хаан түрэнүүд 23:18 - Библи

¹⁸ Иигээд тэдэ хоёр Эзэнэй урда хэлсээ баталба. Давид Хорээштэ үлэжэ, Ёнатаан өөрынгөө гэр руу бусаба.

1 Хаан түрэнүүд 23:18 ပူးပေါင်းရင်းမြစ်များ

2 Хаан түрэнүүд 21:7

Саулай хүбүүн Ёнатаан болон Давид хоорондоо Эзэнэй урда тангариг үгэһэн байгаа, тиимэһээ тэрээнһээ боложо, Саулай аша, Ёнатаанай хүбүүн Мэпибоошэдые Давид хайрлажа, амиды үлөөбэ.

2 Хаан түрэнүүд 9:1

Нэгэтэ Давид иигэжэ хэлэбэ: – Саулай гэр бүлэһөө амиды мэндэ үлэһэн хүн үгы гээшэ гү? Ёнатаанай түлөө би тэрээндэ энэрэл хайра үзүүлхэ һэм.

1 Хаан түрэнүүд 18:1

Давидай Саултай хөөрэлдэжэ дүүргэхэдэ, Ёнатаан тэрээнтэй танилсан нүхэсэбэ, тиигээд өөртөө мэтээр Давидта угаа ехээр хайра дуратай болобо.

1 Хаан түрэнүүд 18:3

Ёнатаан Давидта өөртөө мэтээр дурлаһан тула Давидтай хэлсээ баталба.

1 Хаан түрэнүүд 20:42

Ёнатаан Давидта: – Амгалан тайбан ябаарай. «Эзэн ши бидэ хоёрой хоорондо болон минии үри һадаһадай ба шинии үри һадаһадай хоорондо хэтэ мүнхэдөө байхань болтогой!» гэжэ хоюулаа ши бидэ хоёрой Эзэнэй нэрээр тангариглаһамнай хэтэ мүнхэдөө оршог лэ! – гэбэ.

1 Хаан түрэнүүд 20:8

Иигэжэ богоолдоо үршөөл хайра үзүүлыт. Юуб гэхэдэ, та Эзэндэ тангариглан, өөрын богоолтой хэлсээ баталаа бэлэйт. Гэбэшье намда гэм зэмын байгаа һаань, өөрөө намайе алагты. Намайе эсэгэдээ абаашажа үгэхэ ямар хэрэг танда байнаб? – гэбэ.

1 Хаан түрэнүүд 21:1

Давид Нооб руу Ахимээлэх санаартанда ошобо. Ахимээлэх Давидтай уулзахадаа, һалганан айжа, тэрээндэ: – Юундэ ши хэнтэйшье бэшэ, гансаараабши? – гэжэ асууба.