1 Хаан түрэнүүд 20:32 - Библи

³² Харин Ёнатаан Саул эсэгэдээ харюусан: – Юундэ тэрэ алуулагдаха ёһотой юм? Тэрэ юу хээ юм? – гэбэ.

1 Хаан түрэнүүд 20:32 ပူးပေါင်းရင်းမြစ်များ

Эхин 31:36

ушарһаань Яков сухалдажа, Лавааниие зэмэлжэ захалба: – Би ямар гэм танай урда хээбиб, ямар нүгэл үйлэдэбиб, юундэ намай намнаха, мүрдэхэ мүшхэхэ болобот?

Һургаал 22:24

Уур хилэндэ баригдаһан хүндэ бү дүтэлэ ба түргэн сухалтай хүнтэй бү ханила.

Экклезиаст 7:9

Уурлахые урдаа бү таби, уур сухал тэнэгэй сээжэдэ.

Экклезиаст 9:3

Нарата түбиин бүхы амитанда нэгэ хуби байхань муу гээшэл даа. Хүнэй зосоохи хоро шарада, галзуу тэнэгтэ баригданхай байгаад, эсэстэнь үхэгшэдтэй ниилэдэг.

Ерэмияа 17:9

Хүнэй зүрхэ сэдьхэл харатай, заһахын аргагүй. Тэрэниие хэн ойлгожо шадахаб?

Матвей 27:23

– Ямар гэмтэй юумэ Тэрэ хээб? – гэжэ Пиладай һурахадань, улад зон харюудань: – Тэрээниие хэрээһэндэ хада! – гэжэ бүри шангаар гааралдан хашхарба.

Лука 23:22

– Ямар гэмтэй юумэ Тэрэ хээб? Саазада хүртэхөөр гэмтэй байһыень би тодоруулаагүйлби. Тиимэһээ Энээниие хэһээгээд лэ табихаб, – гэжэ Пилат гурбадахияа тэдээндэ хэлэбэ.

Иоанн 7:51

– Хүниие гэмнэхэ гээ һаа, түрүүн тэрэ хүнэй хэлэһые шагнангүйгөөр, зэмыень тодоруулангүйгөөр шиидхэбэри гаргахые манай Хуули зүбшөөдэг юм гү?

1 Хаан түрэнүүд 18:11

Тэрэ «Давидые ханада хадахам» гэжэ һанаад, жада шэдэбэ. Теэд Давид тэрээнһээ хоёр удаа зайлаба.

1 Хаан түрэнүүд 19:4

Удаань Ёнатаан Саул эсэгэдээ Давидые һайшаан хэлэжэ: – Тэрэ танай урдаһаа нүгэл хээгүй, хэрэгүүдынь танда ехэ ашаг туһатай. Тиимэһээ та, хаан, өөрын богоол болохо Давидай урдаһаа нүгэл бү үйлэдыт.

1 Хаан түрэнүүд 19:5

Тэрэ ами наһаяа хайрлангүй пилишт Голиафые усадхажа, Эзэн бүхы Израильда агууехэ абарал буулгаа. Та тэрэниие хараад, баясаа бэлэйт. Теэд юундэ ямаршье шалтагаангүйгөөр Давидые алажа, гэмгүй хүнэй шуһанай нүгэл үйлэдэхэ гэжэ байнабта? – гэбэ.

1 Хаан түрэнүүд 20:1

Давид Рамаагай Найһоодһоо зугадан, Ёнатаанда ерэжэ: – Би юу хээ юмбиб? Ямар гэм зэмэтэйбиб? Би танай эсэгэдэ ямар нүгэл хээд, тэрэ минии ами наһа таһалдуулхаяа бэдэрнэб? – гэбэ.

1 Хаан түрэнүүд 20:7

Хэрбээ эсэгынтнай «һайн» гэжэ хэлэбэл, танай богоол абарагдаха. Хэрбээ тэрэнэй ехээр уурлабал, тэрэ намда муу юумэ хэхэеэ шиидээ гэжэ ойлгохот.

1 Хаан түрэнүүд 22:14

Ахимээлэх хаанда харюусан: – Танай бүхы зарасанарай дунда Давидтал адли үнэн сэхэ хүн хэн бииб? Давид танай, хаанай хүрьгэн, танай харуулшадай дарга, гэртэтнай хүндэтэй хүн ха юм.