1 Хаан түрэнүүд 20:3 - Библи

³ Гэбэшье Давид дахин тангариглан: – Намайе танай нюдэндэ хайра үршөөл олоо гээд танай эсэгэ һайн мэдэнэ. Тэрэ «Ёнатааниие гомдохоохогүйн тула энэ хэрэгые тэрээндэ бү мэдүүлэгты» гэжэ хэлээ. Харин би Эзэнэй нэрээр болон танай ами наһаар тангаригланаб, үхэл хүрэтэр нэгэ алхам лэ намда үлөө, – гэбэ.

1 Хаан түрэнүүд 20:3 ပူးပေါင်းရင်းမြစ်များ

2 Хаан түрэнүүд 15:21

Иттай хаанда харюусаба: – Үндэр түрэлтэ хаан! Эзэнэй нэрээр тангаригланаб: танай амидышье, нүгшөөдшье, хаанашье байгаа хадатнай би тэндэл байхаб!

4 Хаан түрэнүүд 2:2

Элияа Элишаада иигэжэ хэлэбэ: – Ши эндэ үлэ. Эзэн намайе Бэт-Ээл эльгээнэ. – Эзэнэй ба шинии амиды байгаа сагта би шамайе орхихогүйб гэжэ тангаригланаб, – гэбэ Элишаа. Тэдэ хоёр Бэт-Ээл тээшэ ошобо.

4 Хаан түрэнүүд 2:4

Элияа Элишаада хандажа: – Элишаа эндээ үлэ. Эзэн намайе Ерихоон эльгээнэ, – гэбэ. – Эзэнэй ба шинии амиды байгаа сагта би шамайе орхихогүйб гэжэ тангаригланаб, – гэбэ Элишаа. Тэдэ хоёр хамта Ерихоон ерэбэд.

4 Хаан түрэнүүд 2:6

Элияа Элишаада хандажа: – Ши эндээ үлэ, Эзэн намайе Иордан эльгээнэ, – гэбэ. – Эзэнэй ба шинии амиды байгаа сагта би шамайе орхихогүйб гэжэ тангаригланаб, – гэбэ Элишаа. Тэдэ хоёр хамта Иордан ошобо.

Ерэмияа 38:16

Тиихэдэм Цэдэкиия хаан нюусаар намда тангариглажа, «Бидэндэ ами наһа бэлэглэһэн Бурханаар тангаригланаб, би шамайе саазалхагүйб, алахаяа һанаашадташье үгэхэгүйб», – гэбэ.

Ерэмияа 4:2

үнэнхэ зүрхэнһөө, зүбөөр, шударгыгаар Минии нэрээр тангариглаха эрхэдэ хүртэхэш. Тиихэдэ бүхы үндэһэн арадууд Минии нэрээр бэе бэеэ үреэдэг болохо, Намайе магтажа байха.

Хуули дабталга 28:66

Ами наһантнай хододоо аюулда орожо байха, үдэр, һүнигүй айжа, һалганажа, үглөө мүнөө амиды мэндэ байхаяа мэдэхэгүй ажаһуухат.

Хуули дабталга 6:13

Эзэн Бурханаа хүндэлэгты, гансал Тэрээндэ алба хэгты, гансал Тэрэнэй нэрээр тангариглагты.

Еврейнүүдтэ 6:16

Бидэ тангариглахадаа, өөһэдһөө дээгүүр юумээр тангаригладагбди, тиин тангариг ямаршье арсалдаа заргалдаае үгы хэдэг.

1 Хаан түрэнүүд 1:26

Ханнаа тэрээндэ иигэжэ хэлэбэ: – Эзэн! Ута наһатай, удаан жаргалтай ябахатнай болтогой! Би эндэ, танай хажууда зогсожо, Эзэндэ мүргэн зальбаржа байгааша үнөөхи эхэнэр гээшэлби даа.

1 Хаан түрэнүүд 17:55

Саул Давидай пилишт хүнэй урдаһаа гаража байхыень хараад, сэрэгэй дарга Абнээрһээ: – Абнээр, энэ залуу хүн хэнэй хүбүүн бэ? – гэжэ асууһан байгаа. Абнээр: – Минии хаан, танай ами наһаар тангаригланаб, би мэдэнэгүйб, – гээ.

1 Хаан түрэнүүд 20:2

Ёнатаан тэрээндэ: – Тиимэ юумэн болохогүй. Ши үхэхэгүйш. Минии эсэгэ ехэ, бага ямаршье хэрэгые намда дуулгангүй хэдэггүй. Тиигэхэлээр энэ хэрэгые минии эсэгэ намһаа яагаад нюухаб даа? Тиимэ юумэн байхагүй, – гэбэ.

1 Хаан түрэнүүд 20:4

Ёнатаан Давидта: – Хэлэ, юу хэхэмниб? Шинии түлөө юушье хэхээр бэлэмби, – гэбэ.

1 Хаан түрэнүүд 25:26

Мүнөө, минии эзэн, Эзэнэй нэрээр болон танай ами наһаар тангариглая. Эзэн таниие шуһа урдахуулхаһаа, үһөөгөө абахаһаа тогтоог лэ. Танай дайсад, минии эзэндэ хоро хүсэгшэд Набаалтай адли болохонь болтогой!

1 Хаан түрэнүүд 27:1

Давид өөртөө: – Би хэзээ нэгэн үдэр Саулай гарта орожо болохоб. Пилиштүүдэй нютаг руу зугадажа ошохоһоо ондоо һайн арга намда үгы ха. Тиигэбэл, Саул намайе орхижо, Израилиин бүхы хилэ нютагаар бэдэрхэеэ болихо, тиигэжэ би тэрээнһээ абарагдахаб, – гэбэ.