11 Ёнатаан Давидта: – Ошоё, хээрэ талада гарая, – гэбэ. Тиигээд тэдэ хоюулаа талада гараба.
Давид Ёнатаанда: – Хэрбээ эсэгынтнай танда хатуу харюу үгэбэл, хэн намда дуулгаха юм? – гэбэ.
Ёнатаан Давидта: – Израилиин Эзэн Бурхан гэршэ болог. Би үглөөдэр, үгышье һаа, нүгөөдэр энэл үедэ эсэгынгээ һанаашые мэдээд байхаб. Хэрбээ Давид тушаа һайн һанаа бодолтой байбалнь, би шамда дуулгахын тула хүниие эльгээхэгүйб.