1 Хаан түрэнүүд 20:1 - Библи

¹ Давид Рамаагай Найһоодһоо зугадан, Ёнатаанда ерэжэ: – Би юу хээ юмбиб? Ямар гэм зэмэтэйбиб? Би танай эсэгэдэ ямар нүгэл хээд, тэрэ минии ами наһа таһалдуулхаяа бэдэрнэб? – гэбэ.

1 Хаан түрэнүүд 20:1 ပူးပေါင်းရင်းမြစ်များ

Псалманууд 54:3

Намайе анхаран дуулажа, харюусыт. Би тодхор соогоо шаналан, ёолон байнаб.

Коринфынхидтэ 2-дохи 1:12

Энэ дэлхэйдэ байхадаа, илангаяа таанадтай харилсахадаа, бидэ Бурханһаа үгтэһэн үнэн сэхэ, арюун сэбэр ажамидаралтай байгаабди, һэшхэл бодолнайшье тэрэниие батална, тиимэһээл бидэ ехэл бахархадагбди. Бидэ хүнэй сэсэн ухаагаар бэшэ, харин Бурханай үршөөлөөр тиигэжэ ажамидараабди.

Пётрой 2-дохи хандалга 2:9

Үнэн сэдьхэлтэй зониие туршалгануудһаа яажа аршалхые, муу муухай ябадал гаргагшадые Зарга шүүбэриин Үдэрэй хэһээлтэ хүрэтэр яажа һахижа байхые Эзэн мэдэхэ гэжэ урда хэлэгдэһэн харуулна.

Иоаннай 1-дэхи хандалга 3:21

Инаг хайрата аха дүүнэрни, хэрбээ зүрхэ сэдьхэлнай маниие зэмэлээгүй һаань, Бурханай урда этигэл зоригтой байхабди.

1 Хаан түрэнүүд 12:3

Мүнөө эндэ улаан нюураараа урдатнай байхадамни Эзэнэй урда болон тоһо түрхин томилһон хүнэйнь урда намда хэлэгты. Би хэнэй үхэр буляажа абаабиб? Хэнэй элжэгэ абаабиб? Хэниие дарлаа, зобоогообиб? Хэнһээ эдилгэ абаад, юумэ мэдээшэгүй болоод байгаабиб? Хэрбээ тиимэ юумэн байгаа һаань, би таанадта бултыень бусаахаб, – гэбэ.

1 Хаан түрэнүүд 19:1

Саул өөрын хүбүүн Ёнатаанда болон бүхы зарасанартаа Давидые алаха тухай хэлэдэг байгаа. Теэд Саулай хүбүүн Ёнатаан Давидта ехэ дуратай һэн.

1 Хаан түрэнүүд 19:18

Давид тэрьедэжэ, Рамаа руу Самуилда ерэжэ, Саулай тэрээндэ хэһэн юумэ бултыень Самуилда хөөрэбэ. Тиигээд Самуилтай хамта тэрэ Найһоот руу ошожо байрлаба.

1 Хаан түрэнүүд 20:2

Ёнатаан тэрээндэ: – Тиимэ юумэн болохогүй. Ши үхэхэгүйш. Минии эсэгэ ехэ, бага ямаршье хэрэгые намда дуулгангүй хэдэггүй. Тиигэхэлээр энэ хэрэгые минии эсэгэ намһаа яагаад нюухаб даа? Тиимэ юумэн байхагүй, – гэбэ.

1 Хаан түрэнүүд 20:32

Харин Ёнатаан Саул эсэгэдээ харюусан: – Юундэ тэрэ алуулагдаха ёһотой юм? Тэрэ юу хээ юм? – гэбэ.

1 Хаан түрэнүүд 24:11

Үнэндөө мүнөөдэр энэ агы нүхэндэ Эзэнэй таниие минии гарта үгэжэ байһые мүнөө та харанат. Зарим зоной таниие алая гэжэ хэлээшье һаань, би таниие хайрлажа, «Би өөрын эзэндэ гар хүрэхэгүйб, юуб гэхэдэ, тэрэ хадаа Эзэнэй тоһолһон хүн» гэжэ хэлээ бэлэйб.

1 Хаан түрэнүүд 24:12

Минии эсэгэ, гартамни байһан өөрынтнай дэгэлэй хормойн үртэһэ һайса харагты. Ушарынь гэхэдэ, би танай дэгэлэй хормойһоо отолжо абабашье, таниие алаагүйб. Мэдэжэ хаража байгты: намда хорото һанаан, гэм зэмэшье байхагүй, би танда нүгэлшье үйлэдөөгүйб. Харин та намайе алахаяа бэдэржэ байнат.

1 Хаан түрэнүүд 24:17

Давидай Саулда иигэжэ хэлэжэ дүүргэһэнэй удаа Саул: – Давид, хүбүүмни, энэ шамайе соносоно гүб? – гэжэ, ехээр татан, шангаар уйлаба.

1 Хаан түрэнүүд 24:9

Давидшье энээнэй удаа бодожо, агы нүхэнһөө гаража, Саулай хойноһоо дуудан: – Минии эзэн хаан! – гэбэ. Саулай эрьежэ харахада, Давид нюураа газардан мүргэбэ.

1 Хаан түрэнүүд 26:18

Тэрэ үшөө: – Юундэ минии эзэн өөрынгөө богоолой хойноһоо мүрдэн ябана бэ? Би юу хээбиб? Ямар муу юумэн намда байнаб?