1 Хаан түрэнүүд 2:8 - Библи

⁸ Хумхаа тооһон сооһоо Тэрэ үгытэй хүниие дээшэнь гаргажа, гуйраншаниие ядуу байдалһаань мултаруулжа, амбан ноёдтой хамта һуулган, Хойморто һуури эзэлүүлнэ. Дэлхэйн түшэг тулгуур – Эзэнэй, тэрээн дээрэ юртэмсэ Тэрэ тогтоогоо.

1 Хаан түрэнүүд 2:8 ပူးပေါင်းရင်းမြစ်များ

Эхин 41:14

Египедэй хаан тэрэ дары Иосифто хүнүүдые эльгээбэ. Тэрэниие харанхы түрмэһөөнь гаргажа, һахал һамбайень хюһаад, шэнэ хубсаһа үмдэхүүлээд, хаанда абаашаба.

Эхин 41:40

Энэ сагһаа хойшо минии гүрэн түрые ударидан хүтэлхэш, албатадни шинии захиралта жэншэдгүй дүүргэхэ. Гансал би хаан нэрээрээ дээрэшни байхаб.

2 Хаан түрэнүүд 7:8

Тиимэһээ мүнөө ши Минии богоол Давидта иигэжэ хэлэ: – Түмэн Сэрэгтэ Эзэн иигэжэ айладхажа байна. Өөрынгөө арад түмэн Израилиин захирагша болгохын тула Би шамайе бэлшээриһээ, хонин һүрэг харууһалжа байхадаш абаа һэм.

3 Хаан түрэнүүд 16:2

«Ши хэншье бэшэ байгааш, харин Би шамайе Израиль арадайнгаа удамарша болгоо һэм. Харин ши Еробоһаамай жэшээ даган, Минии арад болохо Израилиие нүгэлдэ оруулжа, Намайе уурлуулбаш.

4 Хаан түрэнүүд 9:6

Еһүү бодоод, тэрээнтэй хамта гэртэ оробо. Тэрэ хүбүүн шэл соохи оливын тоһо Еһүүгэй толгойдо адхаад: – Израилиин Бурхан, Эзэн иигэжэ айладана: Би шамайе Эзэнэй арад зон болохо Израилиин хаан болгожо, толгойдош тоһо түрхибэб.

Иоов 1:21

– Би эхын умайһаа нюсэгэн ерээ һэм, энэ дэлхэйһээ тиишээ нюсэгэн бусанаб. Эзэн намда эд зөөри, үри хүүгэдые үгөө бэлэй. Мүнөө һөөргэнь бусаажа абаа. Эдэ бүгэдые хэхэ эрхэтэй Эзэнэй нэрэ алдаршаг!

Иоов 2:8

Иоов бэеэ маажаха гэжэ хатуу шабарай хэлтэрхэй абаад, үнэһэн бурма соо һууба.

Псалманууд 104:5

Тэрэнэй хэһэн гайхамшагта хэрэгүүдые, бэлгэ тэмдэгүүдые, айладхаһан шиидхэбэринүүдыень һаныт.

Псалманууд 24:2

Оо, Бурхамни! Тандаал найданаб. Тиимэһээ эшхэбтэр байдалда орохогүйб, дайсадни намһаа боложо баярлахагүй! ג Гиимэл

Псалманууд 75:3

Шалээмдэ майхангынь бии, Сиондо байрань оршодог.

Псалманууд 75:4

Тэрэ тэндэ һурша номой годлинуудые, бамбай, һэлмэ, дайнай зэбсэгүүдые хухалһан юм.

Псалманууд 75:7

Яковай Бурхан, Та тэдээн руу хашхараат, дайшалхы тэргэнүүд, морид мүнхэ нойроор нойрсонхой.

Экклезиаст 4:14

Тэнэг хаанай албатан соо үгытэй тэрэ түрөөшье һаа, шоронһоо мултаран гарахадаа хаан бологшо юм.

Исай 22:23

Хадааһа шааһандал Би тэрэниие найдамтайгаар нэгэ газартань бүхэлэн байлгахаб, тиигээд тэрэ уг унгидаа хүндэтэй, алдар солотой оршохо.

Даниил 2:48

Тиигээд хаан Даниилда ехэ тушаал үршөөжэ, үнэтэ сэнтэй олон бэлэг-сэлэгүүдые үгэжэ, бүхы Вавилооной захирагша болон Вавилооной бүхы сэсэн мэргэшүүлэй ахамад болгобо.

Даниил 4:17

Танай хараһан модон мантан, гаһар, огторгой тулама үндэр, дэлхэйдэ хаагууршье харагдамаар бэлэй.

Даниил 6:3

Даниил бусад түшэмэл, ноёдто орходоо дээрэ гээд элирбэ, юуб гэхэдэ, тэрэ шанга зоригтой һэн. Тиимэһээ хаан тэрэниие бүхы хан түрэ зонхилдог байхаар табиха гэжэ һанажа байгаа.

Еврейнүүдтэ 1:3

Бурханай алдарай туяа сасаруулан, Бурханай шанар шэнжэтэй байжа, Тэрэ бүхы замбуулин дэлхэйе Өөрын үгын хүсөөр баридаг. Бидэниие нүгэлнүүдһээмнай арилгаад, огторгой дээрэ һүр жабхаланта Бурханай баруун талада һуугаа.

Яковай хандалга 2:5

Хайрата аха дүүнэрни, шагнагты даа: Бурхан үгытэйшүүлые һүзэгөөрөө баян бардам байхыень, Өөртэнь дуратай хүнүүдтэ үгэхэб гэжэ найдуулһан хаан оронойнгоо залгамжалагшад болохыень шэлэжэ абаа бэшэ һэн гү?

Гэршэлгэ 1:6

Иисүүс Христоос бидэниие хаан түрэ дотор нэгэдүүлээд, Эсэгэ Бурхандаа алба хэдэг санаартаниинь болгоо. Иисүүс Христоосто хэтэ мүнхын алдар соло, эршэ хүсэн байхань болтогой!

Гэршэлгэ 22:5

Тэндэнь дахин һүни болохогүй, тэдэндэ дэнгэйшье гэрэл, наранайшье туяа ондоо хэрэггүй, юуб гэбэл, тэдэниие Эзэн Бурхан гэрэлтүүлхэ. Тиин тэдэнэр хэтын хэтэдэ хаан түрэ засаг барижа байха.

Гэршэлгэ 3:21

Би илажа гараад, Өөрынгөө Эсэгэтэй хамта хаан шэрээдэнь һуугааб, тэрээндэл адляар, Намтай хамта Минии хаан шэрээдэ һууха эрхые Би илагшада олгохоб.

Гэршэлгэ 5:10

Та манай Бурханай аша туһада тэдэ хүнүүдые санаартад, хаашуул болгоот – тэдэнэр газар дэлхэйн зониие зонхилжо байха!

1 Хаан түрэнүүд 15:17

Самуил: – Ши өөрыгөө бишыханаар хэды һанажа байбашье, Израилиин обогуудай ударидагша болоо бэшэ гүш? Эзэн шамайе Израилиин хаан болгожо, тоһолоо бэлэй.