1 Хаан түрэнүүд 2:5 - Библи

⁵ Садхалан байгаашадшье хилээмэнэй түлөө бэеэ хүлһэлэн хүдэлжэ, үлэсхэлэн хооһон зоншье садажа амардаг. Үригүй эхэнэршье долоон хүбүүтэй боложо, үнэр, олон хүүгэдтэй һамганшье гансаараа үлөөд зободог.

1 Хаан түрэнүүд 2:5 ပူးပေါင်းရင်းမြစ်များ

Псалманууд 113:9

Эзэн, гансал Танда, гансал Танда, бидэндэ бэшэ, магтаал дуун зорюулагдаха ёһотой. Юуб гэбэл, энэрэл хайратнай, үнэн зүбтнай хэтын!

Псалманууд 34:10

Минии бүхы бэе иигэжэ хэлэнэ: «Эзэн! Хэн Тантай адлиб? Хүсэгүйе хүсэтэйһөө, үгытэйе, ядууе дээрмэшэдһээ абараат!»

Исай 33:9

Газар гашуудан хатаба. Ливаанай ой модоной набша уршын хатана, Шароон гэдэг үрэжэлтэ һайн газар элһэн сүл губидал адли болоо, Башаан ба Кармээлдэшье мододой набша шарлан унана.

Исай 54:1

Иерусалим, ши үхибүү түрөөгүй, үри хүүгэдгүй эхэнэр, хүхин баясыш! Үхибүү түрэхын зоболон мэдэрээгүй эхэнэр, хүхииш, баярлыш! Юуб гэхэдэ, хадамда гараагүй эхэнэр хадамтай эхэнэртэ орходоо тоогүй олон үхибүүтэй байха. Иигэжэ Эзэн айладхаа.

Ерэмияа 15:9

Долоон хүбүү түрэһэн эхэ мэдээгээ алдан унашоо, арай-шамай амяа абана. Эрьехэ нарагүй, наадаха түрэгүй тэрэ болоо. Наадалмаар зүйл боложо, тэрэ баһуулагдаа. Амиды үлэһэн зонииетнай дайсадта алахыень үгэхэб. Энэ болбол Би, Эзэн, айладхана мүн!

Лука 1:53

Үлэсхэлэн үгытэйшүүлдэ элбэг дэлбэг юумэ үгөөд, дээрэлхүү баяшуулые гар хооһон ябуулаал.

Лука 16:25

«Хүүгэмни, наһан соогоо хамаг баяр жаргал эдлэһэнээ, харин Лазариин хара муу байдал үзэһыень һаныш. Мүнөө тэрэшни эндэ амаруулагдаба, харин ши зоболон эдлэжэ байнаш.

Галадуудта 4:27

Тэрээн тухай Нангин Бэшэг соо иигэжэ хэлэгдэнэ: «Үхибүү түрөөгүй, үри хүүгэдгүй эхэнэр, хүхин баясыш! Үхибүү түрэхын зоболон мэдэрээгүй эхэнэр, хүхииш, баярлыш! Юуб гэхэдэ, хадамда гараагүй эхэнэр хадамтай эхэнэртэ орходоо тоогүй олон үхибүүтэй байха».

Рүүт 4:15

Тэрэ ажамидаралыетнай һэргээжэ, үндэр наһандатнай дүнгэжэ байхал. Юуб гэхэдэ, танда дуратай бэритнай тэрэниие түрөө. Бэритнай танда долоон хүбүүдһээ үлүү дээрэл, – гэлдэбэ.

1 Хаан түрэнүүд 1:20

Иигэжэ тэрэ хээлитэй боложо, нэгэ жэл үнгэрхэдэ хүбүү түрэбэ. – Би энэ хүбүүе Эзэнһээ гуйжа абааб, – гэжэ хэлээд, тэрэ Самуил гэжэ нэрэ тэрээндээ үгэбэ.

1 Хаан түрэнүүд 1:6

Ханнаагай үхибүү түрэдэггүй ушарһаа боложо, Пэниннаа тэрэниие доромжолдог, Эзэнэй умайень хааһан ушарта гомдон голхоруулхые оролдодог һэн.